Bihar Politics: ଜେଡିୟୁ ଛାଡ଼ିବା ପରେ ନୀତିଶ କୁମାରଙ୍କ ବାବଦରେ କ`ଣ କହିଲେ ଆରସିପି ସିଂହ?

RCP Singh on Nitish Kumar: ଜେଡିୟୁ ସଙ୍ଗଠନ କେବଳ ପାଟନା ମଧ୍ୟରେ ସୀମିତ ରହିଛି। ବିଗତ ବର୍ଷେ ମଧ୍ୟରେ ଜିଲ୍ଲା ସ୍ତରରେ କୌଣସି କାର୍ଯ୍ୟକ୍ରମ ଆୟୋଜିତ ହୋଇନାହିଁ।

RCP Singh on Nitish Kumar: ଅଗଷ୍ଟ ୬ ତାରିଖ ଶନିବାର ଜେଡିୟୁ ଛାଡିଛନ୍ତି ଦଳର ଜଣାଶୁଣା ନେତା ଆରସିପି ସିଂହ। ଦଳ ଛାଡିବା ପରେ ସେ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ପ୍ରତିଷ୍ଠାତା ନୀତିଶ କୁମାରଙ୍କ ବାବଦରେ ଏକ ବଡ କରିଛନ୍ତି। ଏନେଇ ସେ କହିଛନ୍ତି ଯେଉଁ ଜେଡିୟୁ ନେତା ମୋ ବିରୋଧରେ ଅଭିଯୋଗ ଆଣିଛନ୍ତି ସେମାନେ ଏହାକୁ ପ୍ରମାଣିତ କରିବା ଆବଶ୍ୟକ। ଜେଡିୟୁ ଭଳି ଦଳରେ ଶୂନ୍ୟ ସହନଶୀଳତାର କଥାବାର୍ତ୍ତା କେବଳ ବୟାନବାଜି ମଧ୍ୟରେ ସୀମିତ ରହିଛି। ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ କିଛି ଲୋକ ଘେରି ରହିଛନ୍ତି। ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ କାମ କେବଳ ମୁଢି ଖାଇବା। ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଦ୍ୱାରା କେବଳ ୨୦୧୦ ପର୍ଯ୍ୟନ୍ତ ବିକଶିତ ହୋଇଥିଲା। ହେଲେ ଏହା ପର ଠାରୁ ନୀତୀଶ କୁମାର କେବଳ ଅନାବଶ୍ୟକ କାମରେ ଜଡିତ ହୋଇଥିଲେ।

ଜେଡିୟୁ ସଂସଦୀୟ ବୋର୍ଡ ଅଧ୍ୟକ୍ଷ (JDU Parliamentary Board chairman) ଉପେନ୍ଦ୍ର କୁଶୱାହାଙ୍କ (Upendra Kushwaha) ବାବଦରେ ପ୍ରତିକ୍ରିୟା ରଖି ଆରସିପି ସିଂହ (RCP Singh) କହିଛନ୍ତି ମୋ ସାମ୍ନାରେ କଥା କହିବା ସ୍ଥିତିରେ ନାହାଁନ୍ତି। ମୋର ବ୍ୟକ୍ତିତ୍ୱ ଜେଡିୟୁ ଅଧ୍ୟକ୍ଷ ଲଲନ ସିଂହ (JDU President Lalan Singh) ଏବଂ ଉପେନ୍ଦ୍ର କୁଶୱାଙ୍କ ଭଳି ନୁହେଁ। ପୁନର୍ବାର ଦଳକୁ ଫେରିବାର ପ୍ରଶ୍ନ ନାହିଁ। ମୋ ସହିତ ଯାହା ଘଟିଥିଲା ​​ତାହା ଅଧିକ ଆଘାତ ଦେଇନଥିଲା ହେଲେ ବର୍ତ୍ତମାନ ଯେତେବେଳେ ମୋ ପିଲାଙ୍କୁ ରାଜନୈତିକ ଦୃଷ୍ଟିକୋଣରୁ ଟାର୍ଗେଟ କରଗଲା ସେତେବେଳେ ମୋତେ ଅଧିକ କଷ୍ଟ ହୋଇଥିଲା।

ଜେଡିୟୁ ସଙ୍ଗଠନ (JDU Organization) କେବଳ ପାଟନା ମଧ୍ୟରେ ସୀମିତ ରହିଛି। ବିଗତ ବର୍ଷେ ମଧ୍ୟରେ ଜିଲ୍ଲା ସ୍ତରରେ କୌଣସି କାର୍ଯ୍ୟକ୍ରମ ଆୟୋଜିତ ହୋଇନାହିଁ। ସାତ ଜନ୍ମରେ ମଧ୍ୟ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର (Bihar CM Nitish Kumar) ପ୍ରଧାନମନ୍ତ୍ରୀ ହୋଇପାରିବେ ନାହିଁ। ମୁଁ ଏହି କଥା ପବନରେ ଉଡିଲା ଭଳି କହୁନାହିଁ।

ଯେଉଁ ଦଳର ଦଳୀୟ ସଙ୍ଗଠନ କିମ୍ବା ନୀତି ନାହିଁ ସେହି ଦଳର ନେତା କିପରି ପ୍ରଧାନମନ୍ତ୍ରୀ ହେବାର ସ୍ୱପ୍ନ ଦେଖି ପାରିବେ? ମୁଁ କର୍ମକର୍ତ୍ତା ଏବଂ ମୋର ସମର୍ଥକଙ୍କ ପରାମର୍ଶରେ ଆଗାମୀ ନିଷ୍ପତ୍ତି ନେବି। ଅନ୍ତତଃପକ୍ଷେ ନୀତୀଶ କୁମାର ଜନସାଧାରଣଙ୍କ ଭାବନାକୁ ସମ୍ମାନ ଦେବା ଆବଶ୍ୟକ। ଲୋକେ ମହାଗଠବନ୍ଧନ ନୁହେଁ ବରଂ ଏନଡିଏ ମେଣ୍ଟକୁ ସଂଖ୍ୟାଗରିଷ୍ଠତା ଦେଇଛନ୍ତି। ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସହମତିରେ ମୁଁ କେନ୍ଦ୍ରମନ୍ତ୍ରୀ ହୋଇଥିଲି। ନୀତୀଶ କୁମାରଙ୍କ ବିନା ମୁଁ କୌଣସି ନିଷ୍ପତ୍ତି ନେଇ ନାହିଁ। ତାଙ୍କ ସହମତିରେ ମୁଁ କେନ୍ଦ୍ର ସରକାରରେ ମନ୍ତ୍ରୀ ହେଲି। ନୀତୀଶ କୁମାର ଅନ୍ତତଃପକ୍ଷେ ତାଙ୍କ ମେଣ୍ଟ ସହଯୋଗୀଙ୍କ ପ୍ରତି ସଚ୍ଚୋଟ ରହିବା ଆବଶ୍ୟକ।