କଂଗ୍ରେସକୁ ଲାଗିଲା ଆଉ ଏକ ବଡ଼ ଝଟକା, TMC ରେ ଯୋଗ ଦେଲେ ଲୁଇଜିନ୍ହୋ ଫାଲେରୋ

ନୂଆଦିଲ୍ଲୀ: Luizinho Faleiro Joins TMC: ବରିଷ୍ଠ କଂଗ୍ରେସ ନେତା ତଥା ଗୋଆର ପୂର୍ବତନ ମୁଖ୍ୟମନ୍ତ୍ରୀ ଲୁଇଜିନହୋ ଫାଲେରୋ (Former Goa CM Luizinho Faleiro) ତୃଣମୂଳ କଂଗ୍ରେସ (TMC) ରେ ଯୋଗ ଦେଇଛନ୍ତି । ନିକଟ ଅତୀତରେ ସେ କଂଗ୍ରେସ (Congres) ରୁ ଇସ୍ତଫା ଦେଇଥିଲେ । ଆଜି ସେ ଟିଏମସିରେ ସାମିଲ ହୋଇଛନ୍ତି । ଏହି ଅବସରରେ ଟିଏମସି ସାଧାରଣ ସମ୍ପାଦକ ଅଭିଷେକ ବାନାର୍ଜୀ (TMC general secretary Abhishek Banerjee) ଉପସ୍ଥିତ ଥିଲେ । ତୃଣମୂଳ କଂଗ୍ରେସରେ ଯୋଗଦେବା ପୂର୍ବରୁ ଫାଲେରୋ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ (West Bengal CM Mamata Banerjee) ଙ୍କୁ ଭେଟିଥିଲେ ।

ଏହା ପରେ ସିଏମ ମମତା ଟ୍ୱିଟ୍ କରି କହିଛନ୍ତି ଯେ, "ପୂର୍ବତନ ଗୋଆ ସିଏମ, ୭ ଥର ବିଧାୟକ ତଥା ଭେଟେରାନ ଗୋଆ ନେତା ଲୁଇଜିନ୍ହୋ ଫାଲେରୋଙ୍କୁ ତୃଣମୂଳ କଂଗ୍ରେସ ପରିବାରକୁ ସ୍ୱାଗତ କରିବା ମୋ ପାଇଁ ଗର୍ବର ବିଷୟ । ଏକତ୍ର ଆମେ ଗୋଆ ପାଇଁ ଛିଡା ହେବା । ବିଭାଜନକାରୀ ଶକ୍ତି ସହିତ ଲଢିବା ଏବଂ ଗୋଆ ପାଇଁ ଏକ ନୂତନ ପ୍ରଭାତର ଆରମ୍ଭ କରିବା ଦିଗରେ କାର୍ଯ୍ୟ କରିବା ।"

ସେ କହିଛନ୍ତି ଯେ, "ପୂର୍ବତନ ମହାରାଷ୍ଟ୍ରୱାଡି ଗୋମନ୍ତକ ପାର୍ଟି (MGP) ର ପୂର୍ବତନ ବିଧାୟକ ଲାଭୁ ମାମଲତଦାର, କଂଗ୍ରେସର ସାଧାରଣ ସଚିବ ୟାତିଶ ନାୟକ ଏବଂ ବିଜୟ ପୋଇ, ମାରିଓ ପିଣ୍ଟୋ ଦେ ସାଣ୍ଟାନା ଏବଂ ଆନନ୍ଦ ନାୟକଙ୍କୁ ଦଳକୁ ସ୍ୱାଗତ କରି ମୁଁ ଖୁସି ଅନୁଭବ କରୁଛି ।"

ଲୁଇଜିନୋ ଫାଲେରୋ (Luizinho Faleiro) ମଙ୍ଗଳବାର କୋଲକାତାରେ ପହଞ୍ଚିଛନ୍ତି । ତାଙ୍କ ସହିତ ଗୋଆର ଅନ୍ୟାନ୍ୟ ନେତା ମଧ୍ୟ ଥିଲେ । ଟିଏମସି (TMC) ରେ ଯୋଗଦେବା ପରେ ସେ କହିଛନ୍ତି ଯେ ମୁଁ ଯେତେବେଳେ ଟିଏମସିରେ ଯୋଗଦେଉଛି, ମୋର ସ୍ୱପ୍ନ ହେଉଛି କଂଗ୍ରେସ (Congress) ପରିବାରକୁ ଏକାଠି କରିବା । ଟିଏମସିରେ ଯୋଗଦେବା ପଛରେ ମୋର ମୁଖ୍ୟ ଲକ୍ଷ୍ୟ ହେଉଛି ବିଜେପି ଓ ଏହାର ବିଭାଜନ ନୀତି, ଘୃଣା ଓ ପ୍ରତିରୋଧୀ ସଂସ୍କୃତିକୁ ପରାସ୍ତ କରିବା । ଆର୍ଥିକ ମାନ୍ଦାବସ୍ଥା ମଧ୍ୟ ଦେଇ ଭାରତ ସଂପୂର୍ଣ୍ଣ ଭାବେ ଗତି କରୁଛି ।

ଫାଲେରୋ କହିଛନ୍ତି ଯେ ଗୋଆର ଏକ ବିଶ୍ୱସନୀୟ ବିକଳ୍ପ ଆବଶ୍ୟକ । ମୁଁ ତାଙ୍କୁ (ମମତା ବାନାର୍ଜୀ) ଗୋଆର ପରିଚୟ ଓ ଐତିହ୍ୟର ସୁରକ୍ଷା ପାଇଁ ଗୋଆକୁ ଆସିବାକୁ ଅନୁରୋଧ କରୁଛି ।

ଆମେ ଆପଣଙ୍କୁ କହି ରଖୁଛୁ ଯେ ଭବାନୀପୁରରେ ଟିଏମସି ମୁଖ୍ୟ ମମତା ବାନାର୍ଜୀ ଗୋଆରେ ନିର୍ବାଚନ ଲଢିବାକୁ ଘୋଷଣା କରିଥିଲେ । ସେବେଠାରୁ ଟିଏମସି ନେତା ଡେରେକ ଓ’ବ୍ରାଇନ୍ ଗୋଆରେ ଅବସ୍ଥାପିତ ହୋଇଥିଲେ । ଆଜି ପାନଜୀ ବିମାନବନ୍ଦର ନିକଟରେ ମମତା ବାନାର୍ଜୀଙ୍କ ଫଟୋ ଥିବା ବ୍ୟାନର ଦେଖିବାକୁ ମିଳିଛି ।