Aam Adami Party PC: ଦିଲ୍ଲୀରେ ହୋଇଥିବା କଥିତ ମଦ ଦୁର୍ନୀତିକୁ ନେଇ ଭାରତୀୟ ଜନତା ପାର୍ଟି (BJP) ଓ ଆମ୍ ଆଦମୀ ପାର୍ଟି (Aam Aadmi Party) ମଧ୍ୟରେ ଚାଲିଥିବା ଯୁଦ୍ଧ ଦିନକୁ ଦିନ ନୂଆ ମୋଡ଼ ନେଉଛି । ବର୍ତ୍ତମାନ ଆମ୍ ଆଦମୀ ପାର୍ଟି ଦାବି କରିଛି ଯେ ବିଜେପି ସେମାନଙ୍କ ବିଧାୟକଙ୍କୁ କିଣିବାକୁ ଓ ଭୟଭୀତ କରି ସେମାନଙ୍କୁ ଭାଙ୍ଗିବାକୁ ଚେଷ୍ଟା କରିଛି । ବୁଧବାର ଦିନ ଦିଲ୍ଲୀର ଚାରିଜଣ ବିଧାୟକଙ୍କ ସହ AAP ସାଂସଦ ସଞ୍ଜୟ ସିଂ (Sanjay Singh) ଏହି ଦାବି କରିଛନ୍ତି । ବିଧାୟକ ସୋମନାଥ ଭାରତୀ, ସଞ୍ଜୀବ ଝା, କୁଲଦୀପ ଓ ଅଜୟ ଦତ୍ତ ଅଭିଯୋଗ କରିଛନ୍ତି ଯେ ସେମାନଙ୍କୁ ୨୦-୨୫ କୋଟି ଟଙ୍କା ପ୍ରଲୋଭିତ କରାଯାଇଛି ଓ ସେମାନେ ମନା କରିବାରୁ,ତାଙ୍କୁ ସିସୋଦିଆ ଭଳି ଏକ ମିଥ୍ୟା ମାମଲାରେ ଫସାଇବାକୁ ଧମକ ଦିଆଯାଇଛି । ତେବେ ଏମାନଙ୍କ ମଧ୍ୟରୁ କେହି କୌଣସି ବିଜେପି ନେତାଙ୍କ ନାମ ନେଇ ନାହାଁନ୍ତି ।


COMMERCIAL BREAK
SCROLL TO CONTINUE READING

ଆମ୍ ଆଦମୀ ପାର୍ଟିର ସାଂସଦ ସଞ୍ଜୟ ସିଂ କହିଛନ୍ତି ଯେଉଁ ପ୍ରୟାସ ଦିଲ୍ଲୀର ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବିରୋଧରେ କରାଯାଇଛି, ତାହା ଦିଲ୍ଲୀର ବିଧାୟକମାନଙ୍କ 
ଉପରେ କରାଯାଉଛି, ସେମାନଙ୍କୁ ଭାଙ୍ଗିବାକୁ ଚେଷ୍ଟା କରାଯାଉଛି । ଟଙ୍କାର ଅଫର ଦେଇ, ଧମକାଇ ଦିଲ୍ଲୀ ସରକାରକୁ ଭାଙ୍ଗିବାକୁ ଉଦ୍ୟମ କରାଯାଉଛି । ସେମାନଙ୍କୁ କୁହାଯାଇଛି ଯେ ୨୦ କୋଟିର ଅଫର ଅଛି ନିଅ, ନଚେତ୍ ମନୀଷ ସିସୋଦିଆଙ୍କ ପରି ଆପଣଙ୍କ ବିରୋଧରେ ନକଲି ମାମଲା ଦାୟର କରାଯିବ । ଯେଉଁ ପ୍ରୟାସ ସିନ୍ଦେ ଉପରେ ସଫଳ ହୋଇଛି, ତାହା ସିସୋଦିଆଙ୍କ ଉପରେ ବିଫଳ ହୋଇଯାଇଛି । ଏହା ପରେ ସଞ୍ଜୟ ସିଂ ଚାରି ଜଣ ବିଧାୟକଙ୍କୁ ଗୋଟିଏ ପରେ ଗୋଟିଏ ମାଇକ ଧରାଇ ଦେଇଥିଲେ, ସେମାନେ ମଧ୍ୟ ଏହି ଅଭିଯୋଗର ପୁନରାବୃତ୍ତି କରିଥିଲେ ।


ସଞ୍ଜୟ ସିଂ କହିଛନ୍ତି, "ଆପଣ ବିଜେପିର ଉଦ୍ୟମକୁ ଏପରି ଭାବରେ ବୁଝିପାରିବେ ଯେ ବିଧାୟକମାନଙ୍କୁ ଭାଙ୍ଗିବା ଓ ଭାଙ୍ଗି ନେବା ପାଇଁ ବିଭିନ୍ନ ରେଟ୍ ସ୍ଥିର କରାଯାଇଛି । ବିଧାୟକମାନଙ୍କୁ ୨୦ କୋଟି ଅଫର ଦିଆଯାଉଥିବାବେଳେ, ବିଧାୟକଙ୍କୁ ଭାଙ୍ଗି ଆଣୁଥିବା ବ୍ୟକ୍ତିଙ୍କୁ ୨୫ କୋଟି ଦେବାର ବ୍ୟବସ୍ଥା ରହିଛି । ଅରବିନ୍ଦ କେଜ୍ରିୱାଲ ସରକାରଙ୍କ ଲୋକପ୍ରିୟତାକୁ ନେଇ ଭୟଭୀତ ହୋଇପଡିଥିବା ବିଜେପି ଯେକୌଣସି ସ୍ତରକୁ ଯିବାକୁ ପ୍ରସ୍ତୁତ ଅଛି ।"


ସଞ୍ଜୟ ସିଂ ଆହୁରି କହିଛନ୍ତି, ଏହା ହେଉଛି ଦିଲ୍ଲୀ, କେଜ୍ରିୱାଲଙ୍କ ସୈନିକ । ଏହା ବିକିବା ପାଇଁ ନୁହେଁ । ଆମର ବିଧାୟକ କିଣିବାକୁ ଚେଷ୍ଟା କରିଥିଲେ କିନ୍ତୁ ଆମର ବିଧାୟକ ସେମାନଙ୍କୁ ଖଣ୍ଡନ କରିଛନ୍ତି । ଏଥି ସହ ଆପ ନେତା ସୋମନାଥ ଭାରତୀ ମଧ୍ୟ ଅଭିଯୋଗ କରିଛନ୍ତି ଯେ ବିଜେପି ଲୋକମାନେ ମଧ୍ୟ ମୋ ପାଖକୁ ଆସିଛନ୍ତି । ସେମାନେ ମୋତେ କହିଥିଲେ ଯେ ଆମର ହୋଇଯାଅ, ନଚେତ୍ ମନୀଷ ସିସୋଦିଆ ପରି ଯନ୍ତ୍ରଣା ଭୋଗିବେ ।


ଏହା ବି ପଢ଼ନ୍ତୁ: ଏହି ନେତାଙ୍କୁ କଂଗ୍ରେସ ଅଧ୍ୟକ୍ଷ ହେବାକୁ ଅଫର୍ ଦେଲେ ସୋନିଆ ଗାନ୍ଧୀ! ପଢ଼ନ୍ତୁ ପୂରା ଖବର