Akhilesh Yadav: ମୋଦୀଙ୍କ ଉପରେ ବର୍ଷିଲେ ଅଖିଳେଶ

Akhilesh Yadav: ନୂଆଦିଲ୍ଲୀ: ସମାଜବାଦୀ ପାର୍ଟି (ଏସପି) ମୁଖ୍ୟ ଅଖିଳେଶ ଯାଦବ ମଙ୍ଗଳବାର ସଂସଦରେ ବିଜେପି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ଟକ୍କର ଦେଇଛନ୍ତି। ଅଖିଳେଶ ଯାଦବ ପ୍ରଥମେ ନୂତନ ସାଂସଦମାନଙ୍କୁ ସ୍ୱାଗତ କରିଥିଲେ। ଏହା ପରେ ନିଜ ଭାଷଣ ଆରମ୍ଭ କରିବାର କିଛି ସମୟ ପରେ ସେ ଗଙ୍ଗା ସମ୍ବନ୍ଧରେ ପ୍ରଧାନମନ୍ତ୍ରୀଙ୍କ ଉପରେ ଜୋରଦାର ବର୍ଷିଥିଲେ। ଅଖିଳେଶ ଯାଦବ କହିଛନ୍ତି, "ଲୋକମାନେ କ୍ୟୋଟୋ ଫଟୋ ସହିତ ବାରାଣାସୀରେ ଖୋଜୁଛନ୍ତି। ସେମାନେ ଭାବୁଛନ୍ତି ଯେ ଯେଉଁ ଦିନ ମାତା ଗଙ୍ଗା ସଫା ହୋଇଯିବେ। ସେମାନେ ବୋଧହୁଏ କ୍ୟୋଟୋ ପାଇଯିବେ। ଉତ୍ତର ପ୍ରଦେଶର ସରକାରଙ୍କ ଠାରୁ ଆଶା ରଖିଛନ୍ତି ଯେ ଯେଉଁମାନେ ଗଙ୍ଗା ଜଳକୁ ଧରି ଶପଥ ନେଇଛନ୍ତି, ଅତିକମରେ ସେମାନେ କେବେ ଗଙ୍ଗା ମାତାଙ୍କ ନାଁରେ ମିଛ କହିବେନି ବୋଲି ଅଖିଳେଶ ଆଜି କହିଛନ୍ତି। ଯେଉଁଠାରେ ବିକାଶ କରିବା ନାଁରେ କୋଟି କୋଟି ଟଙ୍କା ଲୁଟ ହେଉଛି। ଆଉ ଏହାର ଉଦାହରଣ ଭାବେ ବିମାନବନ୍ଦର ଛାତ ଭାଙ୍ଗିବା, ଛାତରୁ ପାଣି ଗଳିବା ଘଟଣାକୁ ନିଆଯାଇପାରେ।   

ଏ ସରକାର ବହୁମତ ନୁହେଁ, ସହଯୋଗ ବଳରେ ଚାଲୁଛି
ସମାଜବାଦୀ ଦଳର ମୁଖ୍ୟ ଏହା କହିଛନ୍ତି ଯେ ଏହି ସରକାର ସଂଖ୍ୟାଗରିଷ୍ଠତାର ସରକାର ନୁହେଁ। ସହଯୋଗ ଦ୍ୱାରା ପରିଚାଳିତ ଏକ ସରକାର। ୟୁପିରେ କ୍ଷମତା ଲୋଭ ଦୁଇ ଶକ୍ତିଶାଳୀ ନେତାଙ୍କୁ ପରସ୍ପର ବିରୋଧରେ ଲଢେଇ କରୁଛନ୍ତି। ଏକ ଶିକ୍ଷା ମାଫିଆ ଜନ୍ମ ହୋଇଛି। ଯେତେବେଳେ ୟୁପିର ଜଣେ ଯୁବକ ପରୀକ୍ଷା ପାଇଁ ଆସୁଥିଲେ, ସେତେବେଳେ ସେ ଜାଣିବାକୁ ପାଇଲେ ଯେ ପ୍ରଶ୍ନପତ୍ର ଲିକ୍ ହୋଇଛି। ଏକ ବଡ ପରୀକ୍ଷା (NEET) ର ପ୍ରଶ୍ନପତ୍ର ମଧ୍ୟ ଲିକ୍ ହୋଇଛି। ପେପର ଲିକ୍ କାହିଁକି? ଚାକିରି ଯୋଗାଇବାକୁ ଚାହୁଁ ନ ଥିବାରୁ ଏହି ସରକାର ଏଭଳି ଲିକ୍ କରୁଛନ୍ତି।

ଶିକ୍ଷା ମାଫିଆଙ୍କ ଜନ୍ମ
ଅଖିଳେଶ ଯାଦବ କହିଛନ୍ତି କି ବିଗତ ଦଶ ବର୍ଷ ମଧ୍ୟରେ ଏହି ସରକାରର ଉପଲବ୍ଧି ରହିଛି କି ଏହି ସରକାର ଅମଳରେ ଜଣେ ଶିକ୍ଷା ମାଫିଆଙ୍କ ଜନ୍ମ ହୋଇଛି। ଆଗାମୀ ହଜାରେ ବର୍ଷ ପର୍ଯ୍ୟନ୍ତ ସ୍ୱପ୍ନ ଦେଖାଇ ପାରୁଥିବା ସରକାର ଆସନ୍ତା ମାସରେ ହେବାକୁ ଥିବା ପରୀକ୍ଷାର ସପରିଚାଳନା ଉପରେ ଗ୍ୟାରେଣ୍ଟି ଦେଇ ପାରୁନାହାନ୍ତି। ଜନତା ଏବେ ଠାରୁ ସଚେତନ ହୋଇ ଗଲେଣି। ନୂଆ ରାଜନୀତିର ପ୍ରତିନିଧି ଏଠାରେ ବସିଛନ୍ତି ବୋଲି ଅଖିଳେଶ କହିଛନ୍ତି।