ନୂଆଦିଲ୍ଲୀ: Maharashtra Political Crisis: ମହାରାଷ୍ଟ୍ରରେ ରାଜନୈତିକ ସଙ୍କଟ ଜାରି ରହିଛି । ଏହି ସମୟରେ ଏନସିପି ମୁଖ୍ୟ ଶରଦ ପାୱାର (NCP Chief Sharad Pawar) ଙ୍କୁ ଭେଟିବା ପରେ ଶିବସେନା ସାଂସଦ ସଞ୍ଜୟ ରାଉତ (Shiv Sena Leader Sanjay Raut) ଆକ୍ରମଣାତ୍ମକ ଶୈଳୀରେ ନଜରକୁ ଆସିଛନ୍ତି । ସେ ଏକନାଥ ସିନ୍ଦେ (Eknath Shinde) କ୍ୟାମ୍ପର ବିଦ୍ରୋହୀ ବିଧାୟକମାନଙ୍କୁ ମହାରାଷ୍ଟ୍ରକୁ ଫେରିବା ଆସିବାକୁ ଚ୍ୟାଲେଞ୍ଜ କରିଛନ୍ତି । ଗଣମାଧ୍ୟମ ସହ କଥାବାର୍ତ୍ତା କରି ସଞ୍ଜୟ ରାଉତ କହିଛନ୍ତି ଯେ, ଆମକୁ ଯାହା କରିବାର ଥିଲା, ତାହା ଆମେ କରିସାରିଛୁ । ସେମାନଙ୍କୁ ଅନେକ ସୁଯୋଗ ଦିଆଯାଇଥିଲା, କିନ୍ତୁ ବର୍ତ୍ତମାନ ଆମର ଚ୍ୟାଲେଞ୍ଜ ସେମାନେ ଫେରି ଆସନ୍ତୁ । କେବଳ ଏତିକି ନୁହେଁ, ସେ କହିଛନ୍ତି ଯେ ଆଲୋଚନା ପାଇଁ ସମସ୍ତ ବିକଳ୍ପ ଦିଆଯାଇଥିଲା, କିନ୍ତୁ ବର୍ତ୍ତମାନ ଆମର ପ୍ରସ୍ତୁତି ଶେଷ ହୋଇଛି । ଆମେ ଫ୍ଲୋର୍ ଟେଷ୍ଟରେ ଜିତିବୁ । ଏଠାରେ କହି ରଖୁଛୁ ଯେ, ଯେ ଶିବସେନା ମହାରାଷ୍ଟ୍ର ବିଧାନସଭାର ଉପବାଚସ୍ପତିଙ୍କୁ ଚିଠି ଲେଖି ୧୬ ବିଦ୍ରୋହୀ ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ଦାବି କରିଛନ୍ତି ।


COMMERCIAL BREAK
SCROLL TO CONTINUE READING

ଶରଦ ପାୱାରଙ୍କୁ ଭେଟିବା ବିଷୟରେ ରାଉତ କହିଛନ୍ତି ଯେ, "ସେ ମହାରାଷ୍ଟ୍ର ରାଜନୀତିର ସବୁଠାରୁ ବଡ଼ ନେତା ଓ ଭୀଷ୍ମ ପିତାମହ । ଏହି ସଙ୍କଟକୁ ନେଇ ଆମେ ସମସ୍ତେ ପରସ୍ପର ସହ ଯୋଗାଯୋଗରେ ଅଛୁ । ଆମେ ସେମାନଙ୍କୁ ଅନେକ ସୁଯୋଗ ଦେଇଛୁ, କିନ୍ତୁ ସେମାନେ ରାଜି ହୋଇନାହାଁନ୍ତି । ଆମକୁ ଯାହା କରିବାକୁ ହେବ ତାହା କରିଛୁ ।" ସେ ବିଦ୍ରୋହୀମାନଙ୍କ ବିଷୟରେ କହିଛନ୍ତି ଯେ, ଫେରି ଆସିବାର ଓ ଆଲୋଚନା କରିବାର ସମୟ ଶେଷ ହୋଇଯାଇଛି । ବର୍ତ୍ତମାନ ଆମର ଚ୍ୟାଲେଞ୍ଜ ଅଛି । ଆପଣ ସମସ୍ତେ ଏଠାକୁ ଆସନ୍ତୁ । ଆମ ତରଫରୁ ସମସ୍ତ ପ୍ରସ୍ତୁତି କରାଯାଇଛି । ଆମେ ହାର ମାନିବୁ ନାହିଁ ଓ ଜିତିବୁ ।


ସଞ୍ଜୟ ରାଉତଙ୍କ ବୟାନ ଉପରେ ପ୍ରତିକ୍ରିୟା ଦେଇ ବିଦ୍ରୋହୀ ବିଧାୟକ ଦୀପକ କେସରକର କହିଛନ୍ତି ଯେ, ଯେତେବେଳେ ଗୋଟିଏ ଦଳର ଦୁଇ ତୃତୀୟାଂଶରୁ ଅଧିକ ନେତା ପୃଥକ ଗୋଷ୍ଠୀର ଦାବି କରନ୍ତି ତ ସେତେବେଳେ ସେମାନଙ୍କୁ ମାନ୍ୟତା ଦିଆଯିବା ଆବଶ୍ୟକ । ବିଧାନସଭାର ଉପବାଚସ୍ପତି ଆମ ସହ କଥା ହେବା ଉଚିତ ଓ ଆମେ ଆମର ଶକ୍ତି ପ୍ରଦର୍ଶନ କରିବାକୁ ପ୍ରସ୍ତୁତ ଅଛୁ । ଗୁଆହାଟୀରେ ବସିବାକୁ ନେଇ ବିଧାୟକ କହିଛନ୍ତି ଯେ ଯେତେବେଳେ ବିଧାନସଭାର ଉପବାଚସ୍ପତି ଆମକୁ ଡାକିବେ, ଆମେ ଫେରୁଯିବୁ । ଆମ ଉପରେ ଚାପ ପକାଇ ପାଇଁ ସେମାନେ କହୁଛନ୍ତି ଯେ ଆମେ ରାସ୍ତାରେ ଓହ୍ଲାଇ ଆସିବୁ । ଏହା ଏକ ଧମକପୂର୍ଣ୍ଣ ମାନସିକତା । 


ଏହା ବି ପଢ଼ନ୍ତୁ:-ବିଧାୟକ କିଣାବିକା ମାମଲାରେ କେନ୍ଦ୍ର ମନ୍ତ୍ରୀଙ୍କୁ ନୋଟିସ, ଜାଣନ୍ତୁ କ'ଣ ରହିଛି ପୁରା ମାମଲା


ଏହା ବି ପଢ଼ନ୍ତୁ:-ମହାରାଷ୍ଟ୍ର ସଙ୍କଟ: ଇଡି ଓ ଆଇଟି ଯାଞ୍ଚ ଭୟରେ ବିଦ୍ରୋହୀ ହୋଇଛନ୍ତି ଏସବୁ ବିଧାୟକ! କୋଟି କୋଟି ସମ୍ପତ୍ତି ହେରଫେରର ରହିଛି ମାମଲା


ଏହା ବି ପଢ଼ନ୍ତୁ:-ବିଦ୍ରୋହୀ ବିଧାୟକଙ୍କୁ ସଞ୍ଜୟ ରାଉତଙ୍କ ଖୋଲା ଧମକ, ଚାପରେ ଉଦ୍ଧବ ଠାକରେ ଓ ଶରଦ ପାୱାର


ସେ କହିଛନ୍ତି ଯେ, ଆମେ ଏଥିପାଇଁ ମୁମ୍ବାଇରୁ ଏଠାକୁ ପଳାଇ ଆସିଛୁ କାରଣ ସେମାନେ ଆମକୁ ଧମକ ଦିଅନ୍ତି । ଗାଡ଼ିକୁ ଘେରନ୍ତି । ମୋ ଭିତରେ ସାହସ ଅଛି, ତେଣୁ ମୁଁ ସେମାନଙ୍କ ମୁକାବିଲା ପାଇଁ ଠିଆ ହୁଏ, କିନ୍ତୁ ଅନ୍ୟ ଲୋକଙ୍କ ବିଷୟରେ କ’ଣ କହିବୁ?