ନୂଆଦିଲ୍ଲୀ: ମଧ୍ୟପ୍ରଦେଶର ୨୭ଟି ବିଧାନସଭା ଆସନରେ ହେବାକୁ ଥିବା ଉପ-ନିର୍ବାଚନ (MP ByPolls) ବିଜେପି (BJP) ଓ କଂଗ୍ରେସ (Congress) ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଗୋଟିଏ ପଟେ ରାଜ୍ୟରେ ପୁଣିଥରେ କ୍ଷମତାକୁ ଫେରିବା ପାଇଁ କଂଗ୍ରେସ ଆଗରେ ସମସ୍ତ ଆସନ ଜିତିବାର ଚ୍ୟାଲେଞ୍ଜ ରହିଥିବା ବେଳେ ସରକାରଙ୍କୁ ବଞ୍ଚାଇବା ପାଇଁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ (Shivraj Singh Chauhan) ଙ୍କୁ ଅତି କମରେ ୯ଟି ଆସନ ଜିତିବାକୁ ପଡିବ । ଏଭଳି ପରିସ୍ଥିତିରେ ସମସ୍ତ ଦଳ ଉପନିର୍ବାଚନ ତାରିଖ ଘୋଷଣାକୁ ଉତ୍ସାହର ସହିତ ଅପେକ୍ଷା କରିଛନ୍ତି ।


COMMERCIAL BREAK
SCROLL TO CONTINUE READING

ଅଧିକ ପଢ଼ନ୍ତୁ:-ସେପ୍ଟେମ୍ବରରୁ ସାରା ଦେଶରେ ଛାଡ କରାଯିବ ବିଜୁଳି ବିଲ୍ ? ଜାଣନ୍ତୁ ସଂପୂର୍ଣ୍ଣ ମାମଲା…


ଉଭୟ ବିଜେପି ଓ କଂଗ୍ରେସ ଉପନିର୍ବାଚନରେ ଜିତିବା ପାଇଁ ସମସ୍ତ ବଳ ଲଗାଛନ୍ତି । ଏହି ଉପ-ନିର୍ବାଚନ (MP Bypolls) କଂଗ୍ରେସ (Congress) ତଥା ପୂର୍ବତନ ମୁଖ୍ୟମନ୍ତ୍ରୀ କମଳ ନାଥଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ । କାରଣ ଶିବରାଜ ସରକାର (Shivraj Govt) ଙ୍କୁ ହଟାଇବା ପାଇଁ କଂଗ୍ରେସକୁ ସମସ୍ତ ୨୭ଟି ଆସନ ଜିତିବାକୁ ପଡିବ । ମଧ୍ୟପ୍ରଦେଶ ବିଧାନସଭାରେ ମୋଟ ୨୩୦ ଟି ଆସନ ରହିଛି । ସେଥିମଧ୍ୟରୁ ୨୭ଟି ଖାଲି ଅଛି । ବର୍ତ୍ତମାନ ୨୦୩ ଆସନ ବିଶିଷ୍ଟ ବିଧାନସଭାରେ ମୁଖ୍ୟମନ୍ତ୍ରୀ ଶିବରାଜ ସିଂ ସରକାର ପାଖରେ ୧୦୭ ଜଣ ବିଧାୟକଙ୍କ ସମର୍ଥନ ରହିଛି । ଯାହା ସଂଖ୍ୟାଗରିଷ୍ଠତା ଠାରୁ ୫ଟି ଆସନ ଅଧିକ । ଅନ୍ୟପକ୍ଷେ କଂଗ୍ରେସ ପାଖରେ ୮୯ ଜଣ ବିଧାୟକ ଅଛନ୍ତି । ୨୭ଟି ଆସନରେ ନିର୍ବାଚନ ସହିତ ବିଧାନସଭାରେ ସଂଖ୍ୟାଗରିଷ୍ଠତା ପାଇଁ ୧୧୬ ଜଣ ବିଧାୟକଙ୍କ ଆବଶ୍ୟକତା ହେବ । ଏହି ସଂଖ୍ୟାରେ ପହଞ୍ଚିବା ପାଇଁ ବିଜେପିକୁ ଅତି କମରେ ୯ଟି ଆସନ ଜିତିବାକୁ ହେବ । ଅନ୍ୟପଟେ ସିଏମ ପଦ ପୁଣି ହାସଲ କରିବାକୁ ହେଲେ କମଲ ନାଥ (Kamal Nath) ବା କଂଗ୍ରେସକୁ ସମସ୍ତ ୨୭ଟି ଆସନ ଜିତିବାକୁ ପଡିବ ।


ଅଧିକ ପଢ଼ନ୍ତୁ:-କୋରୋନା ମାମଲାରେ ବିଶ୍ୱ ରେକର୍ଡ କଲା ଭାରତ


ଯଦି ଏପରି ଘଟେ ତେବେ ମୁଖ୍ୟମନ୍ତ୍ରୀ ପଦରେ ହେବ ପରିବର୍ତ୍ତନ 


ଉପ-ନିର୍ବାଚନରେ ​​ଯଦି ବିଜେପି ୯ରୁ କମ୍ ଆସନ ପାଇବ, ତେବେ ସମାଜବାଦୀ ପାର୍ଟି, ବାହୁଜନ ସମାଜ ପାର୍ଟି କିମ୍ବା ସ୍ୱାଧୀନ ପ୍ରାର୍ଥୀଙ୍କ ସମର୍ଥନ ଆବଶ୍ୟକ ହେବ । ଏଥି ସହିତ ୮୯ ଜଣ ବିଧାୟକଙ୍କ ସହ ଉପ-ନିର୍ବାଚନକୁ ଓହ୍ଲାଇଥିବା କଂଗ୍ରେସକୁ ସମସ୍ତ ଆସନ ଜିତିବାକୁ ପଡ଼ିବ । ଯଦି ବିଜେପି ୯ଟି ଆସନରୁ କମ୍ ଏବଂ କଂଗ୍ରେସ ୨୦ରୁ ଅଧିକ ଆସନ ଜିତିବ, ତେବେ ଏଭଳି ପରିସ୍ଥିତିରେ କମଳ ନାଥ ୨ ଜଣ ବିଏସପି ଏବଂ ଜଣେ ଏସପି ବିଧାୟକଙ୍କ ବ୍ୟତୀତ ଚାରିଜଣ ସ୍ୱାଧୀନ ବିଧାୟକଙ୍କ ସହାୟତାରେ ପୁଣିଥରେ ମୁଖ୍ୟମନ୍ତ୍ରୀ ହୋଇପାରିବେ ।


ଅଧିକ ପଢ଼ନ୍ତୁ:-ବିଜେପି ଭିତରେ ବିରୋଧର ସାମ୍ନା କରୁଛନ୍ତି ଜ୍ୟୋତିରାଦିତ୍ୟ ସିନ୍ଧିଆ !


ଉଲ୍ଲେଖନୀୟ କଥା ହେଉଛି, ଚଳିତ ବର୍ଷ ମାର୍ଚ୍ଚରେ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia)ଙ୍କ ସହ ୨୨ ଜଣ ବିଧାୟକ କଂଗ୍ରେସ ଛାଡିଥିଲେ । ଆଉ ସେମାନେ ବର୍ତ୍ତମାନ ବିଜେପି ସହ ମିଶି ସରକାରରେ ଅଛନ୍ତି । ସେଥିପାଇଁ କମଳ ନାଥ ସରକାର କ୍ଷମତା ବେଦଖଲ ହୋଇଥିଲେ । କେବଳ ଏତିକି ନୁହେଁ, ଅନ୍ୟ ତିନି ଜଣ କଂଗ୍ରେସ ବିଧାୟକ ମଧ୍ୟ ବିଧାନସଭା ସଦସ୍ୟତାରୁ ଇସ୍ତଫା ଦେଇ ବିଜେପିରେ ମିଶି ଥିଲେ । ଏଥି ସହିତ ବିଧାୟକଙ୍କ ମୃତ୍ୟୁ ହେତୁ ଦୁଇଟି ଆସନ ଖାଲି ରହିଛି । ଏହି କାରଣରୁ ୨୩୦ ସଦସ୍ୟ ବିଶିଷ୍ଟ ମଧ୍ୟପ୍ରଦେଶ ବିଧାନସଭାରେ ୨୭ଟି ଆସନ ଖାଲି ପଡିଛି ।