ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ଆକ୍ରମଣ

ଭୁବନେଶ୍ୱର: ପିସିସି ସଭାପତି ନିରଞ୍ଜନ ପଟ୍ଟନାୟକ (PCC President Niranjan Patnaik) ଙ୍କୁ ଆକ୍ରମଣ ଉଦ୍ୟମ । କେନ୍ଦୁଝର ଟାଉନ ଥାନା ନିକଟ କାଶୀପୁର ଠାରେ ୪ରୁ ୫ ଜଣ ଦୁର୍ବୃତ୍ତ ନିଶାସକ୍ତ ଅବସ୍ଥାରେ ପିସିସି ସଭାପତିଙ୍କ ଗାଡିକୁ ଓଭରଟେକ କରି କାଶୀପୁର ଠାରେ ଗାଡି ଅଟକାଇ ଆକ୍ରମଣ ଉଦ୍ୟମ କରାଯାଇଛି । ସଭାପତିଙ୍କ ସୁରକ୍ଷା ପାଇଁ ସୁରକ୍ଷା କର୍ମୀ ଆଗକୁ ଆସିବାରୁ ନିରଞ୍ଜନଙ୍କ ଡ୍ରାଇଭର ଓ ସୁରକ୍ଷା କର୍ମୀଙ୍କୁ ମାଡ ମାରିଲେ ଦୁର୍ବୁତ୍ତ । ପିସିସି ସଭାପତିଙ୍କ ଉପସ୍ଥିତିରେ ଟାଉନ ଥାନାରେ ଏତଲା ଦେଲେ ସୁରକ୍ଷାକର୍ମୀ ରାଜେଶ ସିଂହ । 

ଅଧିକ ପଢ଼ନ୍ତୁ:-LIC ର ଏହି ପଲିସିରେ ନିବେଶ କରି ତୁରନ୍ତ ପାଇପାରିବେ ପ୍ରତି ମାସରେ ୬ ହଜାର ଟଙ୍କା, ଜାଣନ୍ତୁ କେମିତି...

ସୁରକ୍ଷାକର୍ମୀଙ୍କ ଏତଲା ଆଧାରରେ ୩୪୧,୨୯୪,୩୨୩,୩୦୫,୪୨୭,୫୦୬,୩୪ ଆଇପିସି ଦଫାରେ ମାମଲା ରୁଜୁ କଲା ପୋଲିସ । ପିସିସି ସଭାପତିଙ୍କୁ ଆକ୍ରମଣ ଉଦ୍ୟମ ପ୍ରତିବାଦରେ କେନ୍ଦୁଝର ଯୁବ କଂଗ୍ରେସ (Youth Congress) ପକ୍ଷରୁ ରାସ୍ତାରୋକ କରାଯାଇଛି ।