ରାଷ୍ଟ୍ରପତି ନିର୍ବାଚନକୁ ନେଇ ଓମ୍ ପ୍ରକାଶ ରାଜଭରଙ୍କ ବଡ଼ ଘୋଷଣା, ଏହି ପ୍ରାର୍ଥୀଙ୍କୁ କରିବେ ସମର୍ଥନ
Presidential Election 2022: ଶୁକ୍ରବାର ଏକ ସାମ୍ବାଦିକ ସମ୍ମିଳନୀ କରିବା ପରେ SBSP ମୁଖ୍ୟ କହିଛନ୍ତି ଯେ, `ରାଷ୍ଟ୍ରପତି ନିର୍ବାଚନରେ ଆମ ଦଳ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବ । ଆମର ୬ ଜଣ ବିଧାୟକ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ । ରାଷ୍ଟ୍ରପତି ନିର୍ବାଚନ ପାଇଁ ଆମେ ଆମର ବିଧାୟକଙ୍କ ସହ ଆଲୋଚନା କରିଛୁ । ଏହା ବ୍ୟତୀତ ଆମ ଦଳର ନେତାଙ୍କ ସହ ଆଲୋଚନା କରିଛୁ ।`
ନୂଆଦିଲ୍ଲୀ: Presidential Election 2022: ରାଷ୍ଟ୍ରପତି ନିର୍ବାଚନକୁ ନେଇ ଓମ୍ ପ୍ରକାଶ ରାଜଭର (Om Prakash Rajbhar) ଶୁକ୍ରବାର ଏକ ବଡ଼ ଘୋଷଣା କରିଛନ୍ତି । ଶୁକ୍ରବାର ସୁହେଲଦେବ ଭାରତୀୟ ସମାଜ ପାର୍ଟି (Suheldev Bharatiya Samaj Party) ମୁଖ୍ୟ ଓମ ପ୍ରକାଶ ରାଜଭର ଏକ ସାମ୍ବାଦିକ ସମ୍ମିଳନୀ କରି ଏହା ଘୋଷଣା କରିଛନ୍ତି । ସାମ୍ବାଦିକ ସମ୍ମିଳନୀରେ ସେ ସ୍ପଷ୍ଟ କରିଛନ୍ତି ଯେ, ରାଷ୍ଟ୍ରପତି ନିର୍ବାଚନରେ ସେ ବିରୋଧୀ ଦଳର ମିଳିତ ପ୍ରାର୍ଥୀ ଯଶୱନ୍ତ ସିହ୍ନା (Yashwant Sinha) ଙ୍କ ପରିବର୍ତ୍ତେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ (Draupadi Murmu) ଙ୍କୁ ସମର୍ଥନ କରିବେ । ଏହି ଘୋଷଣା ପରେ ସମାଜବାଦୀ ପାର୍ଟିକୁ ବଡ଼ ଝଟକା ଲାଗିଛି ।
ଶୁକ୍ରବାର ଏକ ସାମ୍ବାଦିକ ସମ୍ମିଳନୀ କରିବା ପରେ SBSP ମୁଖ୍ୟ କହିଛନ୍ତି ଯେ, "ରାଷ୍ଟ୍ରପତି ନିର୍ବାଚନରେ ଆମ ଦଳ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବ । ଆମର ୬ ଜଣ ବିଧାୟକ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ । ରାଷ୍ଟ୍ରପତି ନିର୍ବାଚନ ପାଇଁ ଆମେ ଆମର ବିଧାୟକଙ୍କ ସହ ଆଲୋଚନା କରିଛୁ । ଏହା ବ୍ୟତୀତ ଆମ ଦଳର ନେତାଙ୍କ ସହ ଆଲୋଚନା କରିଛୁ ।"
ଏହା ବି ପଢ଼ନ୍ତୁ:-ବିରାଟ କୋହଲିଙ୍କ ଖରାପ ଫର୍ମକୁ ନେଇ ପାକିସ୍ତାନ ଅଧିନାୟକ ବାବର ଆଜମଙ୍କ ଆସିଲା ପ୍ରତିକ୍ରିୟା, ଜାଣନ୍ତୁ କ'ଣ କହିଲେ
ଏହା ବି ପଢ଼ନ୍ତୁ:-ଭୁଲ ଆକାଉଣ୍ଟକୁ ଟ୍ରାନ୍ସଫର ହୋଇଯାଇଛି କି ଟଙ୍କା? ଚିନ୍ତା କରନ୍ତୁନି, ଜାଣନ୍ତୁ ଟଙ୍କା ଫେରିପାଇବାର ପୁରା ପ୍ରକ୍ରିୟା
ଏହା ବି ପଢ଼ନ୍ତୁ:-କେବେଠୁ ଆରମ୍ଭ ହୋଇଥିଲା କାଉଡ଼ି ଯାତ୍ରା, ଜାଣନ୍ତୁ କିଏ ଥିଲେ ପ୍ରଥମ କାଉଡ଼ିଆ..
ସେ କହିଛନ୍ତି ଯେ, ଦ୍ରୌପଦୀ ମୁର୍ମୁ ଆସିବା ପରେ ୟୁପି ସିଏମ ଯୋଗୀ ଆଦିତ୍ୟନାଥ ଆମକୁ ରାତ୍ରୀ ଭୋଜନ ପାଇଁ ଡାକିଥିଲେ । ସିଏମ୍ ଯୋଗୀଙ୍କ ସହ ମୋର ଆଲୋଚନା ହୋଇଛି । ଏଥି ସହିତ ଦ୍ରୌପଦୀ ମୁର୍ମୁ ଆମର ସମର୍ଥନ ଲୋଡିଥିଲେ । ଯେତେବେଳେ ମୁଁ ଲକ୍ଷ୍ନୌ ଗସ୍ତରେ ଥିଲି, ସେତେବେଳେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସମର୍ଥନ କରିବା ପାଇଁ ଫୋନ୍ ଆସିଥିଲା । ଦିଲ୍ଲୀରେ ଅମିତ ଶାହଙ୍କୁ ରାଷ୍ଟ୍ରପତି ନିର୍ବାଚନ ପାଇଁ ଭେଟିଥିଲି ।
ସୂଚନାଯୋଗ୍ୟ, ନିକଟ ଅତୀତରେ ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ ଲକ୍ଷ୍ନୌକୁ ଆସିଥିଲେ । ତା’ପରେ ସିଏମ ଯୋଗୀ ଆଦିତ୍ୟନାଥଙ୍କ ବାସଭବନରେ ରାତ୍ରୀ ଭୋଜନର ଆୟୋଜନ କରାଯାଇଥିଲା । ଯେଉଁଥିରେ ଓମ୍ ପ୍ରକାଶ ରାଜଭର ମଧ୍ୟ ଅଂଶଗ୍ରହଣ କରିଥିଲେ । ତେବେ ଓପି ରାଜଭରଙ୍କ ପୁଅ ରାତ୍ରୀ ଭୋଜନରେ ଯୋଗଦେବାକୁ ମନା କରିଦେଇଥିଲେ ।
ଏଠାରେ କହି ରଖୁଛୁ, ଦ୍ରୌପଦୀ ମୁର୍ମୁ ଆଦିବାସୀ ପୃଷ୍ଠଭୂମି ଓ ମହିଳା ପ୍ରାର୍ଥୀ ଯୋଗୁଁ ବିଭିନ୍ନ ଦଳରୁ ସମର୍ଥନ ମିଳୁଛି । ଏଥିରେ ସେହି ଦଳ ମଧ୍ୟ ସାମିଲ ଅଛନ୍ତି, ଯେଉଁମାନଙ୍କର ବିଜେପି ସହିତ ଆଦର୍ଶଗତ ମତଭେଦ ରହିଛି । ଏପରିକି ମମତା ବାନାର୍ଜୀ କହିଛନ୍ତି ଯେ ଯଦି ବିଜେପି ତାଙ୍କୁ ପୂର୍ବରୁ ପ୍ରାର୍ଥୀ ଭାବରେ ଦ୍ରୌପଦୀ ମୁର୍ମୁଙ୍କୁ ମୈଦାନରେ ଓହ୍ଲାଇବାକୁ ଯାଉଛି ବୋଲି କହିଥାନ୍ତେ ତେବେ ସେ ସମର୍ଥନ କରିବାକୁ ଚିନ୍ତା କରିଥାନ୍ତେ ।