ପ୍ରିୟଙ୍କା ଗାନ୍ଧୀଙ୍କୁ ଟାର୍ଗେଟ କଲେ କେନ୍ଦ୍ର ମନ୍ତ୍ରୀ ସାଧ୍ୱୀ ନିରଂଜନ ଜ୍ୟୋତି, କହିଦେଲେ ଏହି ବଡ଼ କଥା

ନୂଆଦିଲ୍ଲୀ: UP Politics: କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା (Priyanka Gandhi Vadra) ଙ୍କ ଉପରେ ବର୍ଷିଛନ୍ତି କେନ୍ଦ୍ର ମନ୍ତ୍ରୀ ସାଧ୍ୱୀ ନିରଂଜନ ଜ୍ୟୋତି (Union Minister Sadhvi Niranjan Jyoti) । ଉତ୍ତର ପ୍ରଦେଶର ଫତେହପୁର ଜିଲ୍ଲାକୁ ଆସିଥିବା କେନ୍ଦ୍ର ମନ୍ତ୍ରୀ ସାଧ୍ୱୀ ନିରଂଜନ ଜ୍ୟୋତି ପ୍ରିୟଙ୍କାଙ୍କ ଦ୍ୱାରା ୨୦୨୨ରେ ୟୁପିରେ ସରକାର ଗଠନ ପରେ ୧୦ ଲକ୍ଷ ପର୍ଯ୍ୟନ୍ତ ମାଗଣା ଚିକିତ୍ସା ବୟାନକୁ ନେଇ କଟାକ୍ଷ କରି କହିଛନ୍ତି ଯେ ଯେଉଁ ରାଜ୍ୟରେ କଂଗ୍ରେସ (Congress) କ୍ଷମତାରେ ଅଛି, ପ୍ରଥମେ ପ୍ରିୟଙ୍କା ଗାନ୍ଧୀ ସେହି ରାଜ୍ୟରେ ମାଗଣା ଚିକିତ୍ସା ବ୍ୟବସ୍ଥା କରାନ୍ତୁ, ତାପରେ ଉତ୍ତର ପ୍ରଦେଶ ବିଷୟରେ ଚିନ୍ତା କରୁ । ନିର୍ବାଚନ ପାଖେଇ ଆସିବା ମାତ୍ରେ ସେ ଏପରି ବୟାନ ଦେଉଛନ୍ତି, ଅନ୍ୟପଟେ ତାଙ୍କ ସରକାରରେ ମେଡିକାଲ କଲେଜଗୁଡ଼ିକ ଛୋଟ ଜିଲ୍ଲାରେ ଖୋଲି ନାହାଁନ୍ତି ।

ସେ କହିଛନ୍ତି ଯେ, ଚିକିତ୍ସା ଅଭାବରୁ ଲୋକମାନେ ପ୍ରାଣ ହରାଉଛନ୍ତି, କିନ୍ତୁ ବର୍ତ୍ତମାନ ନୁହେଁ, କାରଣ ପ୍ରତ୍ୟେକ ଜିଲ୍ଲାରେ ସେଠାକାର ପିଲାମାନେ ମେଡିକାଲ କଲେଜରେ ପାଠ ପଢ଼ି ଡାକ୍ତର ହୋଇ ଜିଲ୍ଲା ସମେତ ଦେଶର ନାମକୁ ଉଜ୍ଜ୍ୱଳ କରିବେ । ଡାକ୍ତରଙ୍କ ଅଭାବ ପୂରଣ ହେବ । ଏଥି ସହିତ ପ୍ରିୟଙ୍କା ଭଦ୍ରାଙ୍କ ଉପରେ ଜୋରଦାର ଆକ୍ରମଣ କରି ସାଧ୍ୱୀ କହିଛନ୍ତି ଯେ ସେ ପ୍ରଥମେ ନିଜ ପତିଙ୍କୁ କୃଷକମାନଙ୍କ ଠାରୁ ଜବରଦଖଲ କରିଥିବା ଜମିକୁ ମାଗଣାରେ ଫେରାଇ ଦିଅନ୍ତୁ ଓ ସେତେବେଳେ ସେ ମାଗଣା ଚିକିତ୍ସା ବିଷୟରେ ଆଲୋଚନା କରନ୍ତୁ, ଯେତେବେଳେ କି କଂଗ୍ରେସର ପରିବାର ସଦସ୍ୟ ସରକାରରେ ରହିଛନ୍ତି, କିନ୍ତୁ ମେଡିକାଲ କଲେଜ ଖୋଲିବାକୁ ଚିନ୍ତା କରିନାହାଁନ୍ତି, ପ୍ରଥମେ କଂଗ୍ରେସ କ୍ଷମତାରେ ଥିବା ରାଜ୍ୟଗୁଡିକୁ ଦେଖନ୍ତୁ ।

ପ୍ରିୟଙ୍କାଙ୍କ ଦ୍ୱାରା ୨୦୨୨ରେ ୟୁପିରେ ସରକାର ଗଠନ ପରେ ୧୦ ଲକ୍ଷ ପର୍ଯ୍ୟନ୍ତ ମାଗଣା ଚିକିତ୍ସା ବୟାନକୁ ନେଇ ସେ କହିଛନ୍ତି ଯେ ଯେଉଁ ରାଜ୍ୟରେ କଂଗ୍ରେସ କ୍ଷମତାରେ ଅଛି, ପ୍ରଥମେ ସେହି ରାଜ୍ୟଗୁଡିକରେ ମାଗଣା ଚିକିତ୍ସା କରାନ୍ତୁ, ତା’ପରେ ୟୁପି ବିଷୟରେ ଚିନ୍ତା କରୁ । ନିର୍ବାଚନ ଆସିବା ମାତ୍ରେ ସେ ଏଭଳି ବୟାନ ଦେଉଛନ୍ତି । କେନ୍ଦ୍ର ମନ୍ତ୍ରୀ କହିଛନ୍ତି ଯେ ମେଡିକାଲ କଲେଜ ଖୋଲିବା କାରଣରୁ ଜିଲ୍ଲାବାସୀଙ୍କୁ ଏକ ବଡ ଉପହାର ମିଳିଛି । ସେମାନଙ୍କୁ ଆଉ ବୁଲିବାକୁ ପଡ଼ିବ ନାହିଁ । ଡାକ୍ତର ହେବାର ଜିଲ୍ଲାର ଯୁବକମାନଙ୍କ ସ୍ୱପ୍ନ ପୂରଣ ହେବ ।