ପିଏମ ମୋଦିଙ୍କ ଉପରେ କୁହନ୍ତୁ ୫ଟି ଲାଇନ୍? ଜାଣନ୍ତୁ କ`ଣ କହିଲେ ପ୍ରଶାନ୍ତ କିଶୋର
Prashant Kishor: ପ୍ରଶାନ୍ତ କିଶୋର ଆଗକୁ କହିଛନ୍ତି ଯେ, ସେମାନଙ୍କର ମହାନତା ଯେ ମୋତେ ଡାକିଲେ, ଏହାର ଅର୍ଥ ନୁହେଁ ଯେ ମୋର କଥା କଂଗ୍ରେସକୁ ଗ୍ରହଣ କରିବାକୁ ପଡିବ । ଆଙ୍କର୍ କିଶୋରଙ୍କୁ ପଚାରିଲେ, ୨୦୨୪ ଲୋକସଭା ନିର୍ବାଚନରେ ଆପଣ ବିଜେପିର ଚ୍ୟାଲେଞ୍ଜକୁ କିପରି ଭାବରେ ଦେଖୁଛନ୍ତି? ଏହା ଉପରେ କିଶୋର କହିଛନ୍ତି ଯେ, ସେ ଏହି ବିଷୟରେ କିଛି କହିପାରିବେ ନାହିଁ । ଇତିହାସ ବିଷୟରେ କିଶୋର କହିଛନ୍ତି ଯେ, ବିପି ସିଂଙ୍କ ପରେ ପରବର୍ତ୍ତୀ ପ୍ରଧାନମନ୍ତ୍ରୀ କିଏ ହେବେ ତାହା କେହି କହିପାରି ନଥିଲେ ।
ନୂଆଦିଲ୍ଲୀ: Prashant Kishor: ନିର୍ବାଚନୀ ରଣନୀତିଜ୍ଞ ପ୍ରଶାନ୍ତ କିଶୋର (Prashant Kishor) ଙ୍କୁ ନେଇ ଆଜିକାଲି ଅନେକ ପ୍ରକାରର କଳ୍ପନାଜଳ୍ପନା କରାଯାଉଛି । ନିକଟ ଅତୀତରେ ତାଙ୍କର କଂଗ୍ରେସ (Congress) କୁ ଯିବାର କଳ୍ପନାଜଳ୍ପନାର ଅନ୍ତ ଘଟିଛି, କିନ୍ତୁ ବର୍ତ୍ତମାନ ଖୁବ୍ ଶୀଘ୍ର ସେ ନିଜ ଦଳ ଗଠନ କରିପାରନ୍ତି ବୋଲି ମନେ କରାଯାଉଛି । ଏହି ପ୍ରସଙ୍ଗରେ ଏକ ଘରୋଇ ନ୍ୟୁଜ୍ ଚ୍ୟାନେଲରେ ସାକ୍ଷାତକାର ସମୟରେ ପ୍ରଶାନ୍ତ କିଶୋରଙ୍କୁ ଆଙ୍କର୍ ପିଏମ ମୋଦି (PM Modi) ଙ୍କ ଉପରେ ପାଞ୍ଚଟି ଲାଇନ୍ କହିବାକୁ କହିଥିଲେ । ଯାହା ଉପରେ ପ୍ରଶାନ୍ତ କିଶୋର ନିଜର ଜବାବ ରଖିଛନ୍ତି ।
ଯେତେବେଳେ ଆଙ୍କର୍ ତାଙ୍କୁ ପଚାରିଲେ ଯେ, ଆପଣ ପିଏମ ମୋଦିଙ୍କ ଉପରେ ପାଞ୍ଚଟି ଲାଇନ୍ କୁହନ୍ତି, ସେ ଜବାବରେ କହିଛନ୍ତି ଯେ, "ମୁଁ କୌଣସି ପ୍ରବନ୍ଧ ଲେଖୁନାହିଁ ।" ଏହା ଉପରେ ଆଙ୍କର ତରଫରୁ କୁହାଯାଇଥିଲା ଯେ, "ଆପଣ କହିଛନ୍ତି ଯେ ନରେନ୍ଦ୍ର ମୋଦି ଏପରି ଜଣେ ନେତା, ଯାହାର ସମକକ୍ଷ କେହିଁ ନାହାଁନ୍ତି । କେତେ ବର୍ଷ ମଧ୍ୟରେ କେହି ତାଙ୍କୁ ଚ୍ୟାଲେଞ୍ଜ କରିବାକୁ ସାମ୍ନାକୁ ଆସିବେ?" ପ୍ରଶାନ୍ତ କିଶୋର ଏହାର ଉତ୍ତରରେ କହିଛନ୍ତି ଯେ, ମୋ ତରଫରୁ କୁହାଯାଇଛି, "ଯେଉଁ ଦଳ ଦେଶରେ ୩୦ ପ୍ରତିଶତ ଭୋଟ୍ ପାଇବ । ସେ ଏକ ରାଜନୈତିକ ଶକ୍ତି ଭାବେ ସର୍ବଦା ରହିବ । ଏହାର ଅର୍ଥ ନୁହେଁ ଯେ ସେ ସର୍ବଦା ନିର୍ବାଚନରେ ଜିତିବେ ।"
୨୦୨୪ ଲୋକସଭା ନିର୍ବାଚନକୁ ନେଇ କରାଯାଇଥିବା ଏକ ପ୍ରଶ୍ନର ଜବାବରେ ପ୍ରଶାନ୍ତ କିଶୋର କହିଛନ୍ତି ଯେ, ମୁଁ କୌଣସି ଚ୍ୟାନେଲରେ ଏହା କିହ ନାହିଁ କି ମୁଁ ୨୦୨୪ ପାଇଁ ପ୍ରସ୍ତୁତ ହେଉଛି । ଏହି ସମୟରେ ଆଉ ଜଣେ ଆଙ୍କର୍ ପ୍ରଶାନ୍ତ କିଶୋରଙ୍କୁ ପଚାରିଲେ ଯେ, ଆପଣ ମଧ୍ୟ ଜେଡିୟୁରେ ଜଣେ ନେତା ଥିଲେ, କିନ୍ତୁ ପରେ ଛାଡ଼ି ଚାଲିଗଲେ? ପ୍ରଶାନ୍ତ କିଶୋର କହିଛନ୍ତି ଯେ, ମୁଁ ଜେଡିୟୁ ଛାଡି ନାହିଁ, ମୋତେ ମାରି ବାହାର କରିଦିଆଯାଇଛି । ଆପଣ କଂଗ୍ରେସ ପାଇଁ ଏତେ ପରିଶ୍ରମ କରିଥିଲେ କିନ୍ତୁ ଦଳ ଆପଣଙ୍କୁ କାହିଁକି ସ୍ୱାଗତ କଲା ନାହିଁ? ପ୍ରଶାନ୍ତ କିଶୋର କହିଛନ୍ତି ଯେ, କଂଗ୍ରେସ ମୋତେ ଭବିଷ୍ୟତର ରଣନୀତି ପ୍ରସ୍ତୁତ କରିବାକୁ କହିଥିଲା । ମୁଁ ତାହା କରିଥିଲି କିନ୍ତୁ ତାହା ଆଉ ଆଗକୁ ଚାଲିପାରିଲା ନାହିଁ ।
ଏହା ବି ପଢ଼ନ୍ତୁ:-୨୦୨୪ ନିର୍ବାଚନକୁ ଦୃଷ୍ଟିରେ ରଖି ରାଷ୍ଟ୍ରପତି ପ୍ରାର୍ଥୀ ଘୋଷଣା କରିବ ବିଜେପି, ଜାଣନ୍ତୁ କେଉଁ କେଉଁ ନାଁକୁ ନେଇ ଚାଲିଛି ଚର୍ଚ୍ଚା
ଏହା ବି ପଢ଼ନ୍ତୁ:-ଏହି ରାଜ୍ୟର ମୁଖ୍ୟମନ୍ତ୍ରୀଙ୍କ ପାଇଁ କିଣାଯାଉଛି ୧୨୫ କୋଟିର ନୂଆ ବିମାନ
ଏହା ବି ପଢ଼ନ୍ତୁ:-'ମୋଦିଙ୍କୁ ଚିଠି ଲେଖି ଲେଖି ୨୦୧୬ରୁ ଚେତାବନୀ ଦେଇଆସୁଛି, ଶେଷରେ ତାହା ହିଁ ଘଟିଲା'
ପ୍ରଶାନ୍ତ କିଶୋର ଆଗକୁ କହିଛନ୍ତି ଯେ, ସେମାନଙ୍କର ମହାନତା ଯେ ମୋତେ ଡାକିଲେ, ଏହାର ଅର୍ଥ ନୁହେଁ ଯେ ମୋର କଥା କଂଗ୍ରେସକୁ ଗ୍ରହଣ କରିବାକୁ ପଡିବ । ଆଙ୍କର୍ କିଶୋରଙ୍କୁ ପଚାରିଲେ, ୨୦୨୪ ଲୋକସଭା ନିର୍ବାଚନରେ ଆପଣ ବିଜେପିର ଚ୍ୟାଲେଞ୍ଜକୁ କିପରି ଭାବରେ ଦେଖୁଛନ୍ତି? ଏହା ଉପରେ କିଶୋର କହିଛନ୍ତି ଯେ, ସେ ଏହି ବିଷୟରେ କିଛି କହିପାରିବେ ନାହିଁ । ଇତିହାସ ବିଷୟରେ କିଶୋର କହିଛନ୍ତି ଯେ, ବିପି ସିଂଙ୍କ ପରେ ପରବର୍ତ୍ତୀ ପ୍ରଧାନମନ୍ତ୍ରୀ କିଏ ହେବେ ତାହା କେହି କହିପାରି ନଥିଲେ ।