ଟ୍ରେନ ଧକ୍କାରେ ଦୁଇ ହାତୀଙ୍କ ମୃତ୍ୟୁ

ରାଉରକେଲା: ପୁଣି ଟ୍ରେନ ଧକ୍କାରେ (Train Accident) ଦୁଇ ହାତୀ (Two Elephant) ମୃତ୍ୟୁ। ରାଉରକେଲା ବନଖଣ୍ଡ ଅନ୍ତର୍ଗତ (Rourkela Forest Range) ବିଶ୍ରା ରେଞ୍ଜ ଭାଲୁଲତା-ଜରେଇକେଲା ଟ୍ରେନ ଲାଇନ ରେ ଘଟିଛି ଘଟଣା। ଗତ କାଲି ବିଳମ୍ବିତ ରାତିରେ ଛଅ ଟିକିଆ ହାତୀପଲ ଟ୍ରେନ ଲାଇନ ପାର ହେଉଥିବା ବେଳେ ଦୁଇଟି ହାତୀକୁ ଧକ୍କା ଦେଇଥିଲା ମାଲବାହୀ ଟ୍ରେନ। ଗୋଟିଏ ହାତୀକୁ ସିଧାସଳଖ ଧକ୍କା ଦେଇଥିବା ବେଳେ ଅନ୍ୟଟିକୁ କିଛି ବାଟ ଘୋଷାରି ନେଇଥିଲା ଟ୍ରେନ। 

ସେପଟେ ଅନ୍ୟ ହାତୀମାନେ ଅଳ୍ପକେ ବର୍ତ୍ତି ଯାଇଥିଲା ବେଳେ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ତାକୁ ନେଇ ତଦନ୍ତ କରୁଛି ବନବିଭାଗ। ତେବେ ଗତ ରାତିରେ ସମ୍ପୃକ୍ତ ଅଞ୍ଚଳରେ ୧୫ଟିକିଆ ହାତୀପଲ ରହିଥିବା ରେଳ ବିଭାଗକୁ ସୂଚନା ଦିଆଯାଇଥିବା କହିଛନ୍ତି ବନବିଭାଗ ଅଧିକାରୀ।