ସମ୍ବଲପୁରରୁ ନକଲି କୋରୋନା ଔଷଧ ଜବତ

ଜବତ ହୋଇଥିବା ସମସ୍ତ ଔଷଧର ଆନୁମାନିକ ମୁଲ୍ୟ ୧୭ ହଜାର ୪ ଶହ ଟଙ୍କା ହେବ ବୋଲି ଜଣାପଡିଛି।

ସମ୍ବଲପୁର: ସହରରୁ ନକଲି କରୋନା ଔଷଧ ଜବତ। ସ୍ଥାନୀୟ ଜଗନ୍ନାଥ କଲୋନୀ ସ୍ଥିତ ମେଡିଲାଇନ ଏଜେନ୍ସି ଠାରେ ସମ୍ବଲପୁର ଡ୍ରଗ ବିଭାଗ ର ଏକ ସ୍ବତନ୍ତ୍ର ସ୍କ୍ୱାର୍ଡ ପକ୍ଷରୁ ଚଢାଉ କରାଯାଇ ବ୍ୟାପକ ପରିମାଣରେ ନୋକଲି କରୋନା ଔଷଧ ଜବତ କରାଯାଇଛି। ଏଥିରେ ୩ ପ୍ରକାର ନକଲି ଔଷଧ ଜବତ ହୋଇଛି କରାଯାଇଛି। 

ଚଢାଉ ବେଳେ ୩୩୦ଟି ଟ୍ରିଟ -୨୦୦ ବଟିକା , ୬୧୦ଟି ଟ୍ରିଟ ବିଏଲ ବଟିକା, ୬୦ଟି ଫେଡର ଏସ ବଟିକା ଜବତ ହୋଇଛି। ଏହି ସମସ୍ତ ଔଷଧର ଆନୁମାନିକ ମୁଲ୍ୟ ୧୭ ହଜାର ୪ ଶହ ଟଙ୍କା ହେବ ବୋଲି ଜଣାପଡିଛି। ନକଲି ଔଷଧ ହିମାଚଳ ପ୍ରଦେଶସ୍ଥି ସୋଲାନ ଅଞ୍ଚଳରେ ଥିବା ମେକ୍ସ ରିଲିଫ ହେଲଥ କେୟାର ଦ୍ଵାରା ପ୍ରସ୍ତୁତ ହୋଇଛି। ହେଲେ କମ୍ପାନୀ ସରକାରଙ୍କ ଦ୍ଵାରା ପଞୀକୃତ ହୋଇନାହିଁ। ଏହି କମ୍ପାନୀ ରାଜ୍ୟରେ ବିଭିନ୍ନ ବିତରକଙ୍କୁ ଔଷଧ ଯୋଗାଇଥିବା ପ୍ରାଥମିକ ତଦନ୍ତରୁ ଜଣାପଡିଛି।