IPL 2024 Auction: ଦୁବାଇରେ ଆଇପିଏଲ୍ ପାଇଁ ମିନି ନିଲାମ ଚାଲିଛି । ଏହି ନିଲାମରେ କିଛି ରେକର୍ଡ ବ୍ରେକିଂ ବିଡ୍ ଦେଖିବାକୁ ମିଳିଛି ​​। ଯାହା ପରେ ନିଲାମର ଚର୍ଚ୍ଚା ଜୋରଦାର ହୋଇଥିଲା । ଏହି ନିଲାମରେ ପ୍ରଥମ ଥର ପାଇଁ ଜଣେ ମହିଳା ଆଇପିଏଲର ଅକ୍ସନର ଭାବରେ ନଜର ଆସିଛନ୍ତି । ମଲ୍ଲିକା ସାଗର ଦୁବାଇରେ ଆଇପିଏଲ ୨୦୨୪ ନିଲାମ କାର୍ଯ୍ୟ ସମ୍ଭାଳିଥିଲେ । ପ୍ରଥମ ପ୍ରୟାସରେ ସେ ଏକ ବଡ଼ ଭୁଲ କରିଥିଲେ, ଯେଉଁ କାରଣରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏକ ବଡ଼ କ୍ଷତି ସହିଛି । ଏହି ଘଟଣା ସେତେବେଳେ ଘଟିଥିଲା, ଯେତେବେଳେ ତିନିଟି ଦଳ କାରିବିଆନ୍ ଖେଳାଳି ଅଲଜାରୀ ଜୋସେଫଙ୍କ ପାଇଁ ବିଡ୍ କରୁଥିଲେ ।


COMMERCIAL BREAK
SCROLL TO CONTINUE READING

ୱେଷ୍ଟଇଣ୍ଡିଜ୍ ଷ୍ଟାର ଖେଳାଳି ଅଲଜାରୀ ଜୋସେଫ ନିଜର ଦ୍ରୁତ ବୋଲିଂ ପାଇଁ ଜଣାଶୁଣା । ଅଲଜାରି ଜୋସେଫ ଆଇପିଏଲ ୨୦୨୪ ରେ ମୂଳ ମୂଲ୍ୟ ୧ କୋଟି ଟଙ୍କା ସହିତ ଯୋଗ ଦେଇଥିଲେ । ଏହି ଖେଳାଳିଙ୍କ ପାଇଁ ୪ଟି ଦଳ ମଧ୍ୟରେ ଲଢ଼େଇ ହୋଇଥିଲା, ଯେଉଁଥିରେ CSK, RCB, ଲକ୍ଷ୍ନୌ ଓ ଦିଲ୍ଲୀ ଦଳ ଅନ୍ତର୍ଭୁକ୍ତ ଥିଲା । ପ୍ରଥମେ ଚେନ୍ନାଇ ଜୋସେଫଙ୍କୁ ବିଡ୍ କରି ଦିଲ୍ଲୀ ସହିତ ଲଢ଼ିଥିଲେ । ମାତ୍ର ବିଡ୍ ୩ କୋଟିରେ ପହଞ୍ଚିବା ପରେ ଧୋନିଙ୍କ ଦଳ ହାର ମାନିଯଆଇଥିଲା । ଯାହା ପରେ ୩ଟି ଦଳ ଦୃଢ଼ ଭାବରେ ଠିଆ ହୋଇଥିଲେ । ଶେଷରେ ଆରସିବି ଜୋସେଫଙ୍କୁ ନିଜ ଦଳରେ ୧୧.୫୦ କୋଟି ଟଙ୍କା ଯୋଡିଥିଲା । କିନ୍ତୁ ଅକ୍ସନର ମହିଳା ଏକ ଭୁଲ କରିଥିଲେ, ଯେତେବେଳେ ବିଡ୍ ୬.୪୦ କୋଟିରେ ପହଞ୍ଚିଥିଲା ।


ମଲ୍ଲିକା ପାଇଁ ଆରସିବିରେ ହେଲା ୨୦ ଲକ୍ଷ ଟଙ୍କା କ୍ଷତି
୬.୪୦ ରେ ପହଞ୍ଚିବା ପରେ ସମସ୍ତେ ଶାନ୍ତ ହୋଇଗଲେ । କିନ୍ତୁ ଆରସିବି ପୁନର୍ବାର ଏଣ୍ଟ୍ରୀ ମାରିଥିଲା, ଯେଉଁଠାରେ ମଲ୍ଲିକାଙ୍କୁ ୬.୬୦ କୋଟି ଟଙ୍କା କହିବାକୁ ଥିଲା, କିନ୍ତୁ ସେ ୬.୮୦ କୋଟି ଟଙ୍କା କହି ଦେଇଥିଲେ । ଶେଷରେ, ଜୋସେଫ ୧୧.୫୦ କୋଟିରେ RCB ର ଅଂଶ ପାଇଲେ କିନ୍ତୁ ଦଳ ୨୦ ଲକ୍ଷ ଟଙ୍କା କ୍ଷତି ସହିଲା ।