ENG vs SL Match Highlights: ଆଇସିସି କ୍ରିକେଟ୍ ବିଶ୍ୱକପ୍ ୨୦୨୩ ର ୨୫ ତମ ମ୍ୟାଚ୍ ରେ ଶ୍ରୀଲଙ୍କା କ୍ରିକେଟ୍ ଦଳ ବର୍ତ୍ତମାନର ଚାମ୍ପିଅନ୍ ଇଂଲଣ୍ଡକୁ ୮ ୱିକେଟ୍ ହରାଇ ପରାସ୍ତ କରିଛି । 'କର ବା ମର' ମ୍ୟାଚରେ ଜୋସ୍ ବଟଲରଙ୍କ ଟିମ୍ ପରାଜୟର ସମ୍ମୁଖିନ ହୋଇଛି । ନିଜ ଟାଇଟଲ୍ ବଞ୍ଚାଇବାକୁ ଭାରତକୁ ଆସିଥିବା ଜୋସ୍ ବଟଲରଙ୍କ ଟିମ୍ ଏହି ବିଶ୍ୱକପ୍‌ରେ ଯେପରି ଆତ୍ମସମର୍ପଣ କରିଛି, ତାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ଶ୍ରୀଲଙ୍କା ବିପକ୍ଷରେ ଇଂଲଣ୍ଡର ବ୍ୟାଟ୍ସମ୍ୟାନ ମାନଙ୍କର ଭୁଲ୍ ସଟ୍ ଯୋଗୁଁ ଶସ୍ତାରେ ୱିକେଟ୍ ହରାଇଥିଲେ । ଇଂଲଣ୍ଡ ବ୍ୟାଟ୍ସମ୍ୟାନ ମାନେ ଏପରି ଭୁଲ କରିଥିଲେ, ଯାହାକୁ କ୍ଷମା କରାଯାଇ ନ ପାରେ । ଏହି ପରାଜୟ ସହିତ ଇଂଲଣ୍ଡ ଦଳର ସେମିଫାଇନାଲରେ ପ୍ରବେଶ କରିବାର ଆଶା ମଧ୍ୟ ଧ୍ୱଂସ ହୋଇଯାଇଛି । ୫ଟି ମ୍ୟାଚ୍ ରେ ଏହା ଇଂଲଣ୍ଡର ଚତୁର୍ଥ ପରାଜୟ ହୋଇଥିବାବେଳେ ଅନେକ ମ୍ୟାଚ୍ ରେ ଶ୍ରୀଲଙ୍କାର ଦ୍ୱିତୀୟ ବିଜୟ । ଏହି ବିଜୟ ସହିତ ଶ୍ରୀଲଙ୍କା ଦଳ ପଏଣ୍ଟ ଟେବୁଲରେ ସପ୍ତମରୁ ପଞ୍ଚମ ସ୍ଥାନକୁ ଉନ୍ନୀତ ହୋଇଥିବାବେଳେ ଇଂଲଣ୍ଡ ଦଳ ଅଷ୍ଟମରୁ ନବମ ସ୍ଥାନକୁ ଖସି ଆସିଛି।


COMMERCIAL BREAK
SCROLL TO CONTINUE READING

ଇଂଲଣ୍ଡ ଦ୍ୱାରା ସ୍ଥିର ହୋଇଥିବା ୧୫୭ ରନର ଲକ୍ଷ୍ୟକୁ ପିଛାକରି ଶ୍ରୀଲଙ୍କା ଦଳ ୨୫.୪ ଓଭରରେ ୨ ୱିକେଟ୍ ହରାଇ ୧୬୦ ରନ୍ ସଂଗ୍ରହ କରିଥିଲା ​​। ଶ୍ରୀଲଙ୍କା ପାଇଁ ଓପନର୍ ପୃଥମ୍ ନିସଙ୍କା ଅପରାଜିତ ୭୭ ରନ୍ ସଂଗ୍ରହ କରିଥିବାବେଳେ ସମରୱିକ୍ରମା ୪୫ ବଲରେ ୬୫ ରନ୍ ସ୍କୋର କରିବା ପରେ ଅପରାଜିତ ରହି ପ୍ୟାଭିଲିୟନକୁ ଫେରିଥିଲେ । ନିସଙ୍କା କ୍ରମାଗତ ଚତୁର୍ଥ ଅର୍ଦ୍ଧଶତକ ହାସଲ କରିଥିଲେ । ଶ୍ରୀଲଙ୍କାର ଭଲ ଆରମ୍ଭ କରିଥିଲା ଓ ୨୩ ସ୍କୋରରେ କୁସାଲ ପେରେରା ଓ କୁସାଲ ମେଣ୍ଡିସଙ୍କ ୱିକେଟ୍ ହରାଇଥିଲେ । ଏହା ପରେ ପୃଥମ୍ ନିସଙ୍କା ଏବଂ ସାଦିରା ସମରୱିକ୍ରାମାଙ୍କ ଯୋଡି ଏକ ଚମତ୍କାର ଇନିଂସ ଖେଳି ଟୁର୍ଣ୍ଣାମେଣ୍ଟରେ ନିଜ ଦଳକୁ ଦ୍ୱିତୀୟ ବିଜୟ ଦେଇଥିଲେ ।


ଏହାପୂର୍ବରୁ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ଇଂଲଣ୍ଡ ଦଳ ୩୩.୨ ଓଭରରେ ୧୫୬ ରନ୍ ସଂଗ୍ରହ କରିଥିଲା। ବର୍ତ୍ତମାନର ଚାମ୍ପିଅନ୍ ଇଂଲଣ୍ଡ ପାଇଁ ବେନ୍ ଷ୍ଟୋକ୍ସ ୭୩ ବଲରେ ୪୩ ରନ୍ ସଂଗ୍ରହ କରିଥିଲେ । ଷ୍ଟୋକ୍ସଙ୍କ ବ୍ୟତୀତ କୌଣସି ଇଂଲଣ୍ଡ ବ୍ୟାଟ୍ସମ୍ୟାନ୍ କ୍ରିଜରେ ଅଧିକ ସମୟ ରହିପାରି ନଥିଲେ । ଦ୍ରୁତ ବୋଲର ଲାହିରୁ କୁମାରା ଶ୍ରୀଲଙ୍କାର ସବୁଠାରୁ ସଫଳ ବୋଲର ଥିଲେ । ସେ ୩୫ ରନ୍ ଦେଇ ୩ ୱିକେଟ୍ ନେଇଥିବାବେଳେ ଆଞ୍ଜେଲୋ ମାଥ୍ୟୁସ୍ ଓ କାସୁନ୍ ରଜିତା ଦୁଇଟି ଲେଖାଏଁ ୱିକେଟ୍ ନେଇଥିଲେ ।