ନରେନ୍ଦ୍ର ମୋଦି ଷ୍ଟାଡ଼ିୟମ ପିଚକୁ ନେଇ ଗମ୍ଭୀର ଆଣିଲେ ଗୁରୁତର ଅଭିଯୋଗ

Ind vs Aus test series: ନୂଆଦିଲ୍ଲୀ: ଭାରତ (India) ଏବଂ ଅଷ୍ଟ୍ରେଲିଆ (Australia) ମଧ୍ୟରେ ଖେଳାଯାଉଥିବା ବର୍ଡର ଗାଭାସ୍କର ଟ୍ରଫିର (Border Gavaskar Trophy) ଶେଷ ମ୍ୟାଚ୍ ଅହମ୍ମଦାବାଦର (Ahmedabad) ନରେନ୍ଦ୍ର ମୋଦୀ ଷ୍ଟାଡିୟମରେ (Narendra Modi Stadium) ଖେଳାଯିବ। ଏହି ଶେଷ ମ୍ୟାଚ୍ ପୂର୍ବରୁ ପୂର୍ବତନ ଭାରତୀୟ ଓପନର୍ ଗୌତମ ଗମ୍ଭୀର (Goutam Gambhir) କହିଛନ୍ତି ଯେ ଅଢେଇ ଦିନରେ ଟେଷ୍ଟ ମ୍ୟାଚ୍ ଶେଷ ହେବା ଟେଷ୍ଟ କ୍ରିକେଟ୍ (Test Match) ପାଇଁ ଭଲ ସଙ୍କେତ ନୁହେଁ।

ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର ଗାଭାସ୍କର ଟ୍ରଫିର ପ୍ରଥମ ତିନୋଟି ଟେଷ୍ଟ ମାତ୍ର ତିନି ଦିନ ମଧ୍ୟରେ ଶେଷ ହେଲା। ପ୍ରଥମ ତିନୋଟି ଟେଷ୍ଟରେ ପିଚର ପ୍ରକୃତି ବିଷୟରେ ଯୁକ୍ତିତର୍କ ଜାରି ରହିଛି। ଏହି ସମୟରେ ଗମ୍ଭୀର କହିଛନ୍ତି ଯେ ଟେଷ୍ଟ ମ୍ୟାଚକୁ ଅଢେଇ ଦିନକୁ ହ୍ରାସ କରିବା ଭଲ କଥା ନୁହେଁ।

ଗମ୍ଭୀର ଗଣମାଧ୍ୟମକୁ ଏକ ସାକ୍ଷାତକାର ଦେଇ କହିଛନ୍ତି, "ମୁଁ ଭାବୁଛି ଏକ ଟର୍ନିଂ ଟ୍ରାକରେ ଖେଳିବା ଭଲ କିନ୍ତୁ ଅଢେଇ ଦିନ ମଧ୍ୟରେ ଟେଷ୍ଟ ମ୍ୟାଚ୍ ଶେଷ ହେବାର ମୁଁ କଦାପି ପ୍ରଶଂସା କରିବି ନାହିଁ। ନ୍ୟୁଜିଲ୍ୟାଣ୍ଡ ଏବଂ ଇଂଲଣ୍ଡ ମଧ୍ୟରେ ଆମେ ଦେଖିଥିବା ଭଳି ରୋମାଞ୍ଚକର ମ୍ୟାଚ୍ ଦେଖିବାକୁ ଚାହୁଁଛୁ। ଯଦି ମ୍ୟାଚ୍ ଚତୁର୍ଥ କିମ୍ବା ପଞ୍ଚମ ଦିନ ଯାଏ ତେବେ ଏହା ଭଲ କିନ୍ତୁ ଅଢେଇ ଦିନ ବହୁତ କମ୍ ଅଟେ।

ଏଠାରେ କହି ରଖୁ କି ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଘରୋଇ ଭାରତ ୨-୧ରେ ସିରିଜ ଆଗୁଆ ରହିଛନ୍ତି। ପ୍ରଥମ ଦୁଇଟି ଟେଷ୍ଟକୁ ଖରାପ ଭାବେ ହରାଇବା ପରେ ଅଷ୍ଟ୍ରେଲିଆ ଇନ୍ଦୋର ଟେଷ୍ଟରେ ଦୃଢ ପ୍ରତ୍ୟାବର୍ତ୍ତନ କରି ଭାରତକୁ ୯ ୱିକେଟରେ ପରାସ୍ତ କରିଥିଲା। ଏହି ସିରିଜର ଶେଷ ମ୍ୟାଚ୍ ୯ ମାର୍ଚ୍ଚ ଅର୍ଥାତ ଆଜିଠାରୁ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ଯଦି ଭାରତ ଏହି ମ୍ୟାଚ୍ ଜିତେ, ତେବେ ଏହା ସିଧାସଳଖ ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ର ଫାଇନାଲରେ ପହଞ୍ଚିବ। ଅନ୍ୟପକ୍ଷରେ ଯଦି ସେ ହାରନ୍ତି ତେବେ ତାଙ୍କୁ ଶ୍ରୀଲଙ୍କା ଏବଂ ନ୍ୟୁଜିଲ୍ୟାଣ୍ଡ ମ୍ୟାଚ୍ ଫଳାଫଳକୁ ଅପେକ୍ଷା କରିବାକୁ ପଡିବ। ଇନ୍ଦୋର ଟେଷ୍ଟ ଜିତି ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିସାରିଛି।

ଯଦି ଟିମ୍ ଇଣ୍ଡିଆ ଅହମ୍ମଦାବାଦରେ ଅଷ୍ଟ୍ରେଲିଆ ବିପକ୍ଷ ଚତୁର୍ଥ ଟେଷ୍ଟ ମ୍ୟାଚ୍ ଜିତେ, ତେବେ ଏହା କ୍ରମାଗତ ୧୬ତମ ଟେଷ୍ଟ ସିରିଜକୁ ଜିତାଇ ଇତିହାସ ସୃଷ୍ଟି କରିବ। ବର୍ତ୍ତମାନ ଭାରତ କ୍ରମାଗତ ୧୫ଟି ଟେଷ୍ଟ ସିରିଜ୍ ଜିତିଛି, ଯାହାକି ବିଶ୍ୱ ରେକର୍ଡ ଅଟେ।