India vs Australia ODI World Cup 2023: ଭାରତୀୟ ଦଳ କ୍ରିକେଟ୍ ବିଶ୍ୱକପରେ ଅଷ୍ଟ୍ରେଲିଆ ବିପକ୍ଷ ପ୍ରଥମ ମ୍ୟାଚ୍ ଖେଳିବାକୁ ଯାଉଛି । ଚେନ୍ନାଇର ସମ୍ମାନଜନକ ଏମ ଚିଦାମ୍ବରମ୍ ଷ୍ଟାଡିୟମରେ ଏହି ମ୍ୟାଚ୍ ଆୟୋଜିତ ହେବାକୁ ଯାଉଛି । ଏହି ମ୍ୟାଚ୍ ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଓ ଦଳ ଅଷ୍ଟ୍ରେଲିଆକୁ ପରାସ୍ତ କରି ବିଜୟ ନିଜର ଅଭିଯାନ ଆରମ୍ଭ କରିବାକୁ ଚାହୁଁଛନ୍ତି । ଏହି ମ୍ୟାଚ୍ ପାଇଁ ଭାରତୀୟ ଦଳ ଚେନ୍ନାଇରେ ପହଞ୍ଚି ଟ୍ରେନିଂ ମଧ୍ୟ ଆରମ୍ଭ କରିଛି ।


COMMERCIAL BREAK
SCROLL TO CONTINUE READING

ନୂଆ ଜର୍ସିରେ ନଜର ଆସିଲେ ଭାରତୀୟ ଖେଳାଳି
ODI ବିଶ୍ୱକପ ପାଇଁ ଟିମ୍ ଇଣ୍ଡିଆର ଜର୍ସି ନୀଳ ହୋଇଥିବାବେଳେ କିଟ୍ ପ୍ରଯୋଜକ ଆଡିଦାସ୍ ଦଳର ପ୍ରଶିକ୍ଷଣ ପାଇଁ ଏକ ଭିନ୍ନ ପୋଷାକ ପ୍ରସ୍ତୁତ କରିଛି । ଏହି ଟ୍ରେନିଂ କିଟ୍ ର ରଙ୍ଗ ହେଉଛି ସାଫ୍ରନ୍ । ଏଥିରେ ମଧ୍ୟ ମୁଖ୍ୟ ଜର୍ସିର ସମାନ ପାର୍ଶ୍ୱରେ କାନ୍ଧରେ ତିନୋଟି ଷ୍ଟ୍ରାଇପ୍ ଅଛି । ଏହାର ଫଟୋ ବର୍ତ୍ତମାନ ସବୁଆଡେ ଭାଇରାଲ ହେଉଛି ।


ଭାରତ ବନାମ ଅଷ୍ଟ୍ରେଲିଆ ହେଡ ଟୁ ହେଡ ରେକର୍ଡ
୧୪୯ ଟି ODI ମ୍ୟାଚରେ ଭାରତ ଓ ଅଷ୍ଟ୍ରେଲିଆ ପରସ୍ପରର ମୁହାଁମୁହିଁ ହୋଇଛନ୍ତି, ସେଥିମଧ୍ୟରୁ ଭାରତ ୫୬ ଟି ମ୍ୟାଚ ଏବଂ ଅଷ୍ଟ୍ରେଲିଆ ୮୩ ଟି ମ୍ୟାଚ ଜିତିଛି । ODI ବିଶ୍ୱକପରେ ଅଷ୍ଟ୍ରେଲିଆ ଭାରତ ବିପକ୍ଷରେ ୧୨ ଟି ମ୍ୟାଚ୍ ଖେଳିଛି । ସେଥିମଧ୍ୟରୁ ଅଷ୍ଟ୍ରେଲିଆ ୮ ଏବଂ ଭାରତ ବାକି ୪ଟି ମ୍ୟାଟ୍ ଜିତିଛି ।


ଆଇସିସି ବିଶ୍ୱକପ ୨୦୨୩ ପାଇଁ ଭାରତ ଦଳ: ରୋହିତ ଶର୍ମା (ଅଧିନାୟକ), ଶୁବମନ ଗିଲ, ବିରାଟ କୋହଲି, ଶ୍ରେୟସ ଆୟର, ଇଶାନ କିଶାନ, କେ.ଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, ସୂର୍ଯ୍ୟକୁମାର ଯାଦବ, ରବିନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱିନ, ଶାର୍ଦ୍ଦୁଲ ଠାକୁର, ଯଶପ୍ରୀତ ବୁମ୍ରା, ମହମ୍ମଦ ସିରାଜ, ମହମ୍ମଦ ସାମୀ ଓ କୁଲଦୀପ ଯାଦବ ।


ଆଇସିସି ବିଶ୍ୱକପ୍ ୨୦୨୩ ପାଇଁ ଅଷ୍ଟ୍ରେଲିଆର ଦଳ: ପ୍ୟାଟ୍ କମିନ୍ସ (ଅଧିନାୟକ), ଷ୍ଟିଭ୍ ସ୍ମିଥ୍, ଆଲେକ୍ସ କ୍ୟାରି, ଜୋସ୍ ଇଂଲିସ୍, ସିନ୍ ଆବଟ୍ଟ, କ୍ୟାମେରନ୍ ଗ୍ରୀନ୍, ଜୋସ୍ ହାଜଲେଉଡ୍, ଟ୍ରାଭିସ୍ ହେଡ୍, ମାର୍ନସ୍ ଲାବୁସାଗ୍ନେ, ମିଚେଲ ମାର୍ଶ, ଗ୍ଲେନ ମ୍ୟାକ୍ସୱେଲ, ମାର୍କସ ଷ୍ଟୋଇନିସ, ଡେଭିଡ ୱାର୍ନର, ଆଡାମ ଝାମ୍ପା, ମିଚେଲ ଷ୍ଟାର୍କ ।