IND Vs PAK: ଅରିଜିତ ସିଂ ଦେଖାଇଲେ ଗାଙ୍ଗୁଲିଙ୍କ ରୂପ, ବାବରଙ୍କ ଆଉଟ୍ ସମୟରେ ଗାମୁଛା ହଲାଇ କଲେ ସେଲିବ୍ରେସନ୍, ଦେଖନ୍ତୁ ଭିଡିଓ
World Cup 2023: ଭାରତ ବନାମ ପାକିସ୍ତାନ ମ୍ୟାଚ୍ ସମୟରେ ଅରିଜିତ ସିଂଙ୍କ ଅନନ୍ୟ ଶୈଳୀରେ ସେଲିବ୍ରେସନ୍ ଦେଖିବାକୁ ମିଳିଥିଲା । ବାବର ଆଜାମ ବୋଲ୍ଡ ହେବା ପରେ ଅରିଜିତ ସିଂ ସୌରଭ ଗାଙ୍ଗୁଲିଙ୍କ ଷ୍ଟାଇଲରେ ସେଲିବ୍ରେସନ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଜୋରଦାର ଭାଇରାଲ ହେଉଛି ।
Arijit Singh Celebrates Babar Azam's Wicket: ଭାରତ ବନାମ ପାକିସ୍ତାନ ମଧ୍ୟରେ ଖେଳାଯାଇଥିବା ମ୍ୟାଚରେ ଅରିଜିତ ସିଂଙ୍କ ଏକ ନିଆରା ଅବତାର ଦେଖିବାକୁ ମିଳିଥିଲା । ଆପଣ ହୁଏତ ପୂର୍ବରୁ ଅରିଜିତଙ୍କ ଏହି ଅବତାରକୁ କ୍ୱଚିତ୍ ଦେଖିଥିବେ । ଯେତେବେଳେ ଭାରତୀୟ ଦ୍ରୁତ ବୋଲର ମହମ୍ମଦ ସିରାଜ ବାବର ଆଜାମଙ୍କୁ ବୋଲ୍ଡ କରିଥିଲେ, ସେତେବେଳେ ଅରିଜିତ ସିଂ ଏକ ନିଆରା ଢଙ୍ଗରେ ସେଲିବ୍ରେସନ କରିଥିଲେ । ଏହି ଭିଡିଓ ସୋସିଆଲ ମିଡିଆରେ ଜୋରଦାର ଭାଇରାଲ ହେଉଛି । ଆରିଜିତଙ୍କ ଏହି ଭିଡିଓ ଦେଖି ପ୍ରଶଂସକମାନେ ବହୁତ ମଜା କରୁଛନ୍ତି ।
୫୦ ରନ୍ ସ୍କୋରରେ ପାଭିଲିୟନକୁ ଫେରିଥିଲେ ବାବର ଆଜମ
ଏହି ମ୍ୟାଚରେ ଭାରତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ପାକିସ୍ତାନ ଜବରଦସ୍ତ ଆରମ୍ଭ କରିଥିଲା । ଦୁଇଟି ମ୍ୟାଚ୍ରେ ଫ୍ଲପ୍ ହେବା ପରେ ପାକିସ୍ତାନ ଅଧିନାୟକ ବାବର ଆଜାମ ଭାରତ ବିପକ୍ଷ ଇନିଂସକୁ ବହୁତ ଭଲ ପରିଚାଳନା କରିଥିଲେ ଓ ଦଳକୁ ସ୍ଥିତିକୁ ନେଇଥିଲେ । ଏହି ସମୟ ମଧ୍ୟରେ ମହମ୍ମଦ ସିରାଜ ବାବର ଅଧିନାୟକଙ୍କୁ ବୋଲ୍ଡ କରିଥିଲେ । ବାବର ଆଜାମ ୫୮ ଟି ବଲରେ ୫୦ ରନ ସ୍କୋର କରିପାରିଥିଲେ । ଏହି ଇନିଂସରେ ବାବର ୭ ଚୌକା ମାରିଛନ୍ତି । ଏହି ସମୟରେ ବାବର ବୋଲ୍ଡ ହେବା ମାତ୍ରେ ଅରିଜିତ ସିଂ ଆକାଶରେ ଏକ ନୀଳ ରଙ୍ଗର ଗାମୁଛା ଘୁରାଉଥିବାର ନଜର ଆସିଥିଲେ ।
ଗାଙ୍ଗୁଲିଙ୍କ ସେଲିବ୍ରେସନକୁ ମନେ ପକାଇ ଦେଇଥିଲେ ଅରିଜିତ୍
ଅରିଜିତ ସିଂ ଏହି ସେଲିବ୍ରେସନ ପାଳନ କରି ସୌରଭ ଗାଙ୍ଗୁଲିଙ୍କୁ ମନେ ପକାଇ ଦେଇଥିଲେ । ୨୦୦୨ ରେ ନାଟୱେଷ୍ଟ ଟ୍ରଫି ଜିତିବା ପରେ ସୌରଭ ଗାଙ୍ଗୁଲି ତାଙ୍କ ଟି-ସାର୍ଟ ଖୋଲି ଏହାକୁ ଆକାଶରେ ହଲାଇଥିଲେ, ଗାଙ୍ଗୁଲିଙ୍କ ସେଲିବ୍ରେସନ ଶୌଳୀ ଏବେ ମଧ୍ୟ ସମସ୍ତଙ୍କର ମନେ ଅଛି । ଆଜି ଅରିଜିତ ସିଂ ଗାଙ୍ଗୁଲିଙ୍କ ପରି ସମାନ ଢଙ୍ଗରେ ପବନରେ ଗାମୁଛା ଉଡ଼ାଇ ଏହି କଥା ମନେପକାଇ ଦେଇଛନ୍ତି ।