IND vs SA Schedule: ଦକ୍ଷିଣ ଆଫ୍ରିକା ଗସ୍ତକୁ ନେଇ ବିସିସିଆଇ ଜାରିକଲା ସିଡ୍ୟୁଲ୍, ଜାଣନ୍ତୁ କେବେ ଓ କେଉଁଠାରେ ଖେଳାଯିବ ମ୍ୟାଚ୍

IND vs SA Schedule: ଭାରତୀୟ କ୍ରିକେଟ୍ ଦଳକୁ ଚଳିତ ବର୍ଷ ଶେଷରେ ଦକ୍ଷିଣ ଆଫ୍ରିକା ଗସ୍ତ କରିବାକୁ ପଡିବ, ଯେଉଁଠାରେ ଦଳ ୩ଟି ଦିନିକାଆ, ୩ଟି ଟି-୨୦ ଓ ୨ଟି ଟେଷ୍ଟ ମ୍ୟାଚ୍ ଖେଳିବ । ଏହି ଗସ୍ତ ଟି-୨୦ ସିରିଜ୍ ସହିତ ଆରମ୍ଭ ହେବ ।

India’s Tour of South Africa 2023-24 Full Schedule: ଭାରତୀୟ ଦଳ ଚଳିତ ବର୍ଷ ଶେଷରେ ଦକ୍ଷିଣ ଆଫ୍ରିକା ଗସ୍ତ କରିବ, ଯେଉଁଠାରେ ଦଳ ତିନୋଟି ଫର୍ମାଟରେ ସିରିଜ୍ ଖେଳିବ । ଏହି ଗସ୍ତ ସମ୍ପର୍କରେ ଭାରତରେ କ୍ରିକେଟ୍ ବୋର୍ଡ ଅଫ୍ କଣ୍ଟ୍ରୋଲ୍ (BCCI) ଦ୍ୱାରା ଏକ ସମ୍ପୂର୍ଣ୍ଣ କାର୍ଯ୍ୟସୂଚୀ ଘୋଷଣା କରାଯାଇଛି । ଟିମ୍ ଇଣ୍ଡିଆର (Team India) ଏହି ଗସ୍ତ ୧୦ ଡିସେମ୍ବର ରୁ ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ସହିତ ଆରମ୍ଭ ହେବ । ଏହା ପରେ ୩ଟି ODI ଓ ତା’ପରେ ୨ ଟି ଟେଷ୍ଟ ମ୍ୟାଚର ସିରିଜ ଖେଳାଯିବ ।

ଭାରତରେ ଖେଳାଯିବାକୁ ଥିବା ଆଗାମୀ ଦିନିକିଆ ବିଶ୍ୱକପ୍ ୫ ଅକ୍ଟୋବରରୁ ଆରମ୍ଭ ହୋଇଥିବାବେଳେ ଫାଇନାଲ୍ ମ୍ୟାଚ୍ ନଭେମ୍ବର ୧୯ ରେ ଖେଳାଯିବ । ଏହା ପରେ ତୁରନ୍ତ ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତକୁ ଯିବେ । ଦଳ ୧୦ ଡିସେମ୍ବରରେ ଡର୍ବାନରେ ଟି-୨୦ ସିରିଜର ପ୍ରଥମ ମ୍ୟାଚ୍ ଖେଳିବ ଓ ୧୨ ଡିସେମ୍ବରରେ କ୍ୟୁବେରରେ ଖେଳିବ । ସିରିଜର ଶେଷ ଟି-୨୦ ମ୍ୟାଚ୍ ୧୪ ଡିସେମ୍ବର ରେ ଜୋହାନ୍ସବର୍ଗ ଗ୍ରାଉଣ୍ଡରେ ଖେଳାଯିବ ।

ଦିନିକିଆ ସିରିଜ୍ ୧୭ ଡିସେମ୍ବରରୁ ଆରମ୍ଭ ହେବ, ଯେଉଁଥିରେ ଜୋହାନ୍ସବର୍ଗରେ ପ୍ରଥମ ମ୍ୟାଚ୍ ଖେଳାଯିବ । ଦ୍ୱିତୀୟ ଦିନିକିଆ ୧୯ ଡିସେମ୍ବରରେ କ୍ୟୁବେରାରେ ଖେଳାଯିବ, ସିରିଜର ଶେଷ ଦନିକିଆ ୨୧ ଡିସେମ୍ବରରେ ପର୍ଲ ଗ୍ରାଉଣ୍ଡରେ ଖେଳାଯିବ ।

ସେଞ୍ଚୁରିଅନ୍ ଗ୍ରାଉଣ୍ଡରେ ବକ୍ସିଂ ଟେଷ୍ଟ ମ୍ୟାଚ୍ ଖେଳାଯିବ ବିଶ୍ୱ ଟେଷ୍ଟ ଚାମ୍ପିଅନସିପର ଏହି ସାଇକେଲରେ ଭାରତୀୟ ଦଳକୁ ଦକ୍ଷିଣ ଆଫ୍ରିକାରେ ଦ୍ୱିତୀୟ ବିଦେଶ ଟେଷ୍ଟ ସିରିଜ୍ ଖେଳିବାକୁ ପଡିବ । ଦୁଇ ଦଳ ମଧ୍ୟରେ ସିରିଜର ପ୍ରଥମ ଟେଷ୍ଟ ମ୍ୟାଚ୍ ୨୬ ଡିସେମ୍ବର ବକ୍ସିଂ ଡେରେ ସେଞ୍ଚୁରିଅନ୍ ଗ୍ରାଉଣ୍ଡରେ ଆରମ୍ଭ ହେବ । ଏଥି ସହିତ, ଏହି ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ ୨୦୨୪ ବର୍ଷ ଆରମ୍ଭରେ ଜାନୁୟାରୀ ୩ ରୁ ୭ ପର୍ଯ୍ୟନ୍ତ କେପଟାଉନ୍ ଗ୍ରାଉଣ୍ଡରେ ଖେଳାଯିବ । ଏହାପୂର୍ବରୁ, ଯେତେବେଳେ ୨୦୨୧-୨୨ବର୍ଷରେ ଶେଷ ଥର ପାଇଁ ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତ କରିଥିଲା, ସେତେବେଳେ ଭାରତୀୟ ଦଳକୁ ୩ ମ୍ୟାଚ୍ ଟେଷ୍ଟ ସିରିଜରେ ୨-୧ ପରାଜୟର ସାମ୍ନା କରିବାକୁ ପଡିଥିଲା ।