Ind vs Ban Kanpur Test: ଟିମ୍ ଇଣ୍ଡିଆର ଦିନିକିଆ ଓ ଟେଷ୍ଟ ଫର୍ମାଟ ଅଧିନାୟକ ରୋହିତ ଶର୍ମା ଟି-୨୦ ବିଶ୍ୱକପ୍ ପରେ ଟି-୨୦ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ସେବେଠାରୁ ଟି-୨୦ ଦଳର ନେତୃତ୍ୱ ନେଉଛନ୍ତି ଶୁଭମନ ଗିଲ୍ ଓ ସୂର୍ଯ୍ୟକୁମାର ଯାଦବ। ତେବେ ପ୍ରଶଂସକଙ୍କ ମନରେ ପ୍ରଶ୍ନ ଉଠୁଛି ରୋହିତ କେବେ ଅନ୍ତର୍ଜାତୀୟ କ୍ରିକେଟରୁ ଅବସର ନେବେ। ଏହାକୁ ନେଇ ଏବେ ନିଜେ ରୋହିତ ଶର୍ମା ଏକ ବଡ ବୟାନ ଦେଇଛନ୍ତି ।

 


ଅବସର ନେଇ ରୋହିତଙ୍କ ବଡ ବୟାନ

ରୋହିତ ଶର୍ମା ଏକ ଭିଡିଓରେ କହିଛନ୍ତି ଯେ ମୁଁ ବର୍ତ୍ତମାନ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ବିଷୟରେ ଚିନ୍ତା କରୁନାହିଁ। ଏହି ଫର୍ମାଟରେ ମୋର ସମୟ ସରିଯାଇଥିବାରୁ ମୁଁ ଟି-୨୦ କ୍ରିକେଟରୁ ଅବସର ନେଇଛି। ଏହି ଫର୍ମାଟରେ ଖେଳିବା ମୋତେ ବହୁତ ଭଲ ଲାଗିଥିଲା। ମୁଁ ୨୦୨୪ ଟି-୨୦ ବିଶ୍ୱକପ୍ ଜିତିଥିଲି ଏବଂ ଅବସର ନେବା ଏବଂ ଏହି ଫର୍ମାଟରୁ ଆଗକୁ ବଢ଼ିବା ପାଇଁ ଏହା ଉପଯୁକ୍ତ ସମୟ ଥିଲା । ଟିମ୍ ଇଣ୍ଡିଆରେ ଅନେକ ଭଲ ଖେଳାଳି ଅଛନ୍ତି ଯେଉଁମାନେ ବହୁତ ଭଲ ପ୍ରଦର୍ଶନ କରିପାରିବେ ।

 

ଏକାଠି ଅବସର ନେଇଥିଲେ ଏହି ୩ ଖେଳାଳି

ଟି-୨୦ ବିଶ୍ୱକପ ୨୦୨୪ରେ ଭାରତ ଫାଇନାଲରେ ଦକ୍ଷିଣ ଆଫ୍ରିକାକୁ ପରାସ୍ତ କରି ଟାଇଟଲ ହାସଲ କରିଛି। ଫାଇନାଲରେ ବିରାଟ କୋହଲି ଭାରତ ପାଇଁ ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଟାଇଟଲ ଜିତିବା ପରେ ବିରାଟ କୋହଲି, ରୋହିତ ଶର୍ମା ଓ ରବୀନ୍ଦ୍ର ଜାଡେଜା ଟି-୨୦ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ।

 


 

ପ୍ରଥମତଃ ମ୍ୟାଚ୍ ସମାରୋହରେ ପ୍ରଶଂସକଙ୍କୁ ବଡ଼ ଝଟକା ଦେଇଥିଲେ ବିରାଟ। ଏହାପରେ ଅଧିନାୟକ ରୋହିତ ଶର୍ମା ଏକ ସାମ୍ବାଦିକ ସମ୍ମିଳନୀ କରି ଅବସର ଘୋଷଣା କରିଥିଲେ। ସେପଟେ ଜାଡେଜା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଟି-୨୦ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ । ବର୍ତ୍ତମାନ ଏହି ତିନି ଜଣ ଖେଳାଳି ବାଂଲାଦେଶ ସହ ଖେଳାଯାଉଥିବା ଟେଷ୍ଟ ସିରିଜରେ ଖେଳୁଥିବାର ନଜର ଆସୁଛନ୍ତି ।