ବୋଲରଙ୍କ ପାଇଁ ଫ୍ୟାନ୍ସଙ୍କ ସହ ଲଢ଼ିବାକୁ ଲାଗିଲେ ବିରାଟ କୋହଲି; ଭିଡ଼ିଓ ଭାଇରଲ
Leicestershire vs India: ଲିସେଷ୍ଟେରଶର୍ ବିପକ୍ଷ ଅଭ୍ୟାସ ମ୍ୟାଚ୍ ସମୟରେ ବିରାଟ କୋହଲି (Virat Kohli) ପ୍ରଶଂସକଙ୍କ ଆଚରଣରେ ଖୁସି ନଥିଲେ ଓ ସେ କଡ଼ା ଶବ୍ଦରେ ଫ୍ୟାନ୍ସଙ୍କୁ କହିଥିଲେ ସେମାନେ ନାଗେରକୋଟୀଙ୍କୁ ହଇରାଣ ନକରନ୍ତୁ, କାରଣ ସେ ଖେଳିବାକୁ ଆସିଛନ୍ତି ।
Leicestershire vs India: ଭାରତ ଓ ଲିସେଷ୍ଟେରଶର୍ ମଧ୍ୟରେ ଏକ ଚାରି ଦିନିଆ ୱାର୍ମ ଅପ୍ ମ୍ୟାଚ୍ ଖେଳାଯାଉଛି । ମ୍ୟାଚର ତୃତୀୟ ଦିନରେ ଭାରତ ନିଜର ସ୍ଥିତିକୁ ମଜବୁତ କରିଛି । ଭାରତୀୟ ଦଳ (India Cricket Team) ପ୍ରଥମ ଇନିଂସରେ ୮ ଟି ୱିକେଟ୍ ହରାଇ ୨୪୬ ରନ୍ ସ୍କୋର କରିଥିଲା । ଏହାର ଜବାବରେ, ଲିସେଷ୍ଟେରଶର୍ (Leicestershire) ନିଜର ପ୍ରଥମ ଇନିଂସରେ ୨୪୪ ରନ କରି ଅଲଆଉଟ୍ ହୋଇ ଯାଇଥିଲା । ଦ୍ୱିତୀୟ ଇନିଂସରେ ଖବର ଲେଖିବା ମଧ୍ୟରେ ଭାରତ ନିଜର 6 ୱିକେଟ୍ ହରାଇ ଭାରତ ୨୪୬ ରୁ ଅଧିକ ରନ୍ ସଂଗ୍ରହ କରିଛି ।
ଅଭ୍ୟାସ ମ୍ୟାଚରେ ୭ ଜଣ ଭାରତୀୟ ଖେଳାଳି ଘରୋଇ ଦଳ ଲିସେଷ୍ଟେରଶର୍ ପାଇଁ ମଧ୍ୟ ଖେଳୁଛନ୍ତି । ଲିସେଷ୍ଟେରଶର୍ ପାଇଁ ଜସପ୍ରୀତ ବୁମ୍ରା, ଚେତେଶ୍ୱର ପୂଜାରା, ପ୍ରସିଦ୍ଧ କ୍ରିଷ୍ଣା, କମଲେଶ ନାଗରକୋଟି, ନବଦୀପ ସାଇନି, ଋଷଭ ପନ୍ତ ଓ ସାଇ କିଶୋର ଖେଳୁଛନ୍ତି । ଅଭ୍ୟାସ ମ୍ୟାଚର ଦ୍ୱିତୀୟ ଦିନରେ ଏକ ରୋଚକ ଘଟଣା ଘଟିଥିଲା । ବାସ୍ତବରେ, ଲିସେଷ୍ଟେରଶର୍ ପାଇଁ ବୋଲିଂ କରୁଥିବା କମଳେଶ ନାଗରକୋଟି ମ୍ୟାଚ୍ ସମୟରେ ସୀମା ରେଖା ନିକଟରେ ଫିଲ୍ଡିଂ କରୁଥିଲେ, ସେହି ସମୟରେ ଷ୍ଟାଣ୍ଡରେ ବସିଥିବା ଦର୍ଶକମାନେ ଫଟୋଗ୍ରାଫ୍ କରିବାକୁ ଦାବି କରିଥିଲେ । ତେବେ ଏହି ସବୁ ଘଟଣା ଦେଖି ବିରାଟ କୋହଲି ନିଜକୁ ଅଟକାଇ ପାରି ନଥିଲେ ଓ ବାଲକୋନୀରେ ଠିଆ ହୋଇ ଦର୍ଶକଙ୍କୁ ତାଗିଦ କରିଥିଲେ ।
ଜଣେ ପ୍ରଶଂସକ ବିରାଟ କୋହଲିଙ୍କୁ କହିଥିଲେ, 'ମୁଁ କେତେବେଳୁ କହୁଛି, ସେ ଫଟୋ ଉଠାଉ ନାହାଁନ୍ତି । ମୁଁ ଚାକିରି ଛାଡି ଏଠାକୁ ଆସିଛି । ଅତିକମରେ ଫଟୋ ଉଠାଇବା ଉଚିତ୍ । ମୁଁ ନାଗରକୋଟିକୁ ଡାକୁଛି ।' ପାଭିଲିଅନର ବାଲକୋନୀରେ ଠିଆ ହୋଇ କୋହଲି କହିଥିଲେ ଯେ ସେ ମ୍ୟାଚ ଖେଳିବାକୁ ଆସିଛନ୍ତି ନା ଫଟୋ ଉଠାଇବା ପାଇଁ ଆସିଛନ୍ତି ।'
ଏହା ବି ପଢ଼ନ୍ତୁ: ଭଡୋଦରାରେ ବୈଠକ କଲେ ଶିନ୍ଦେ ଓ ଫଡନାଭିସ୍; ମହାରାଷ୍ଟ୍ରରେ ସରକାର ଗଠନ କରିବ ବିଜେପି!
ଏହା ବି ପଢ଼ନ୍ତୁ: ଗେହଲୋଟଙ୍କ ବିସ୍ଫୋରକ ବୟାନ: ସରକାର ଭାଙ୍ଗିବାକୁ ଶେଖୱାତ-ପାଇଲଟ୍ ମିଶିଥିଲେ