MS Dhoni: ଟିମ୍ ଇଣ୍ଡିଆର ପରବର୍ତ୍ତୀ କୋଚ୍ ହେବେ କି ଧୋନୀ ! ଏହି ବୟାନରୁ ମିଳୁଛି କିଛି ଏମିତି ହିଣ୍ଟ୍

Team India Next Coach MS Dhoni: ଧୋନିଙ୍କ ଫ୍ୟାନ୍ସ ଫଲୋଅର୍ସ ବେଶ ଅଧିକ । ତାଙ୍କ ପ୍ରଦର୍ଶନ, ତାଙ୍କ ନେତୃତ୍ୱ ଟିମ ଇଣ୍ଡିଆକୁ ଏକ ସ୍ୱତନ୍ତ୍ର ପରିଚୟ ଦେଇଛି। ତେବେ ଏକ ପୁସ୍ତକ ଉନ୍ମୋଚନ ବେଳେ ସେ ଦେଇଥିବା କିଛି ବୟାନ ଏବେ ଫ୍ୟାନ୍ସଙ୍କ ହାର୍ଟବିଟ ବଢାଇଦେଇଛି। ଫ୍ୟାନ୍ସ ମାନେ ଚର୍ଚ୍ଚା କରୁଛନ୍ତି ଯେ, ଟିମ ଇଣ୍ଡିଆର ମେଣ୍ଟର ବା କୋଚ୍ ହୋଇପାରନ୍ତି ଧୋନି।

MS Dhoni: ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି (MS Dhoni) ଏକ ପୁସ୍ତକ ଉନ୍ମୋତନ ଅବସରରେ ଅଧ୍ୟୟନ ସମ୍ବନ୍ଧରେ ମାର୍କ ବା ମୂଲ୍ୟାଙ୍କନ ବିଷୟରେ କହିଥିଲେ। କଲେଜ ଡ୍ରପଆଉଟ୍ ଧୋନି ସ୍ୱୀକାର କରିଛନ୍ତି ଯେ ଯଦିଓ ସେ କଲେଜ ଯାଇନାହାଁନ୍ତି, ଅଧ୍ୟୟନ ଏବଂ ଶିକ୍ଷକମାନେ ତାଙ୍କ ବ୍ୟକ୍ତିତ୍ୱ ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି । ପ୍ରଫେସର କେ କେ ଅବ୍ବଦୁଲ ଗଫାରଙ୍କ ଆତ୍ମକଥା ବିମୋଚନ ପରେ କଳ୍ପନାଜଳ୍ପନା କରାଯାଉଛି ଯେ ପୂର୍ବତନ ଅଧିନାୟକ ଶୀଘ୍ର ଜଣେ ପରାମର୍ଶଦାତା କିମ୍ବା ପ୍ରଶିକ୍ଷକ ହୋଇପାରନ୍ତି। ସେ କହିଛନ୍ତି ଯେ, ଶିକ୍ଷକଙ୍କ ମଧ୍ୟରେ ଏ କ୍ଷମତା ଅଛି ଯେ ଶିଶୁଙ୍କୁ ନିଜ ପ୍ରଶିକ୍ଷଣ ଦ୍ୱାରା ବ୍ୟକ୍ତିତ୍ୱକୁ ଏକ ଅଲଗା ରୂପ ଦେଇପାରିବେ। ତାଙ୍କର ଏହି କିଛି ପଦ ବୟାନ ପରେ ଧୋନି ଖୁବଶୀଘ୍ର ମେଣ୍ଟର କିମ୍ବା କୋଚ୍ ହେବା ନେଇ କଳ୍ପନାଜଳ୍ପନା ଜାରି ରହିଛି। 

ପୁସ୍ତକ ଉନ୍ମୋଚନ ସମୟରେ ମହେନ୍ଦ୍ର ସିଂ ଧୋନି କହିଛନ୍ତି ଯେ, 'ମୁଁ କେବେ କଲେଜ ଯାଇ ନାହିଁ କିନ୍ତୁ ଜୀବନରେ ଭଲ ପ୍ରଦର୍ଶନ କରିଛି । ମୁଁ ମୋ ସ୍କୁଲର ଶିକ୍ଷକମାନଙ୍କୁ ଏଥିପାଇଁ ଏକ ବଡ଼ ଶ୍ରେୟ ଦେବାକୁ ଚାହୁଁଛି। ମୋର ବ୍ୟକ୍ତିତ୍ୱ ଗଠନରେ ସେ ଏକ ବଡ଼ ଭୂମିକା ଗ୍ରହଣ କରିଛନ୍ତି। ଏହି ଅବସରରେ ଧୋନି (MS Dhoni)  ଏହା ମଧ୍ୟ କହିଛନ୍ତି ଯେ ଶିକ୍ଷାଦାନ କେବଳ ଏକ ବୃତ୍ତି ଭାବରେ ବିବେଚନା କରାଯିବା ଉଚିତ ନୁହେଁ କାରଣ ଶିକ୍ଷାଦାନ ଏକ କଳା । ଶିକ୍ଷାର୍ଥୀମାନେ ସେମାନଙ୍କର ଛାତ୍ରମାନଙ୍କର ଦୁର୍ବଳତା ଏବଂ ଦୃଢତା ଦିଗକୁ ଦେଖି ଏକ ବ୍ୟକ୍ତିତ୍ୱ ସୃଷ୍ଟି କରିବାର କ୍ଷମତା ରଖିଛନ୍ତି । ସେମାନେ ଛାତ୍ରଛାତ୍ରୀଙ୍କ ଅନୁଶାସନ କରି ଏକ ନୂଆ ଦିଗକୁ ରାସ୍ତା ଦେଖାଇଥାନ୍ତି।

ଏଠାରେ କହିରଖୁଛୁ ଯେ, ଆଇପିଏଲ୍ ୨୦୨୩ ରେ ମହେନ୍ଦ୍ର ସିଂ ଧୋନି ଚେନ୍ନାଇ ସୁପର କିଙ୍ଗ୍ସ (Chennai Super Kings) ପାଇଁ ଖେଳିବେ। କୁହାଯାଉଛି ଯେ, ଏହି ସିଜନରେ ତାଙ୍କୁ ଶେଷ ଥର ପାଇଁ ଲିଗ୍ ଟୁର୍ଣ୍ଣାମେଣ୍ଟରେ ଖେଳାଯିବା ନେଇ ଦେଖାଯିବ । ଯଦିଓ ଅଦ୍ୟାବଧି ଧୋନି ଆଇପିଏଲରୁ ଅବସର ଘୋଷଣା କରିନାହାଁନ୍ତି, କିନ୍ତୁ CSK ର ରଣନୀତିକୁ ଦେଖିଲେ ଏହା ଏକ ସଙ୍କେତ ଭାବରେ ବିବେଚନା କରାଯାଉଛି। 

ଧୋନିଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗସ୍ ୪ ଥର ଟାଇଟଲ ଜିତିଛି । ଏଥର ଆଇପିଏଲରେ ଧୋନିଙ୍କ ଦଳ ସହିତ ବେନ୍ ଷ୍ଟୋକ୍ସ ମଧ୍ୟ ଜଡିତ ଅଛନ୍ତି । ଧୋନିଙ୍କ ବିଷୟରେ ଏକଥା ମଧ୍ୟ କଳ୍ପନାଜଳ୍ପନା ଚାଲୁଛି ଯେ ସେ ଖୁବଶୀଘ୍ର ଟିମ୍ ଇଣ୍ଡିଆର(Team India Coach)  ମେଣ୍ଟର କିମ୍ବା କୋଚ୍ ଭୂମିକାରେ ନଜର ଆସିପାରନ୍ତି।