IPL Auction 2025: ଖେଳାଳି ନିଲାମୀରେ କିଏ କେତେରେ କିଣା? ଦେଖନ୍ତୁ ତାଲିକା...
IPL Auction 2025: ଆଜି ସାଉଦି ଆରବରେ ହୋଇଛି ଆଇପିଏଲର ମେଗା ନିଲାମୀ । ଆଜି ଓ ଆସନ୍ତାକାଲି ଦୁଇଦିନ ପାଇଁ ଏହି ନିଲାମୀ ପ୍ରକ୍ରିୟା ହେବ । ପ୍ରଥମ ଦିନରେ ଆୟାଜକ ଟିମ୍ ମାନେ ନିଜ ପସନ୍ଦର ଖେଳାଳିମାନଙ୍କୁ କିଣୁଛନ୍ତି। ତେବେ ଆଇପିଏଲ୍-୨୦୨୫ ପାଇଁ ନିଲାମରେ ସମୁଦାୟ ୫୭୭ ଖେଳାଳି ଅଛନ୍ତି, ସେମାନଙ୍କ ମଧ୍ୟରୁ ୩୬୭ ଜଣ ଭାରତୀୟ ଏବଂ ୨୧୦ ଜଣ ବିଦେଶୀ ରହିଛନ୍ତି। ତେବେ ଆସନ୍ତୁ ଜାଣିବା ଟପ୍ ୮ ରେ କେଉଁ ସବୁ ଖେଳାଳି କେତେ ଟଙ୍କାରେ କିଣିଛନ୍ତି ଦଳ।
ପ୍ରଥମରେ ରହିଛନ୍ତି କ୍ରିକେଟର ଋଷଭ ପନ୍ତ। ୨୭ କୋଟିରେ କିଣିବା ସହ ଲକ୍ଷ୍ନୌ ଟିମ୍ ରେ ସାମିଲ ହୋଇଛନ୍ତି ଋଷଭ ।
Also Read: IPL 2025 Mega Auction: ଆଇପିଏଲ ଇତିହାସରେ ସବୁଠୁ ଦାମୀ ଖେଳାଳି ଋଷଭ ପନ୍ତ, ଜାଣନ୍ତୁ କେଉଁ ଟିମରେ ହେଲେ ସାମିଲ୍
Also Read: Rishabh Pant: ନିଜ ଜୀବନ ବଞ୍ଚାଇଥିବା ଲୋକଙ୍କୁ ଭୁଲିନାହାଁନ୍ତି ଋଷଭ ପନ୍ତ, ଦୁଇଜଣଙ୍କୁ ଦେଲେ ଏହି ଉପହାର
ଦ୍ୱିତୀୟରେ ରହିଛନ୍ତି ଶ୍ରେୟସ ଆୟର । ୨୬ କୋଟି ୭୫ ଲକ୍ଷରେ କିଣିଲା ପଞ୍ଜାବ କିଙ୍ଗସ ।
ତୃତୀୟରେ ରହିଛନ୍ତି ଅର୍ଶଦୀପ ସିଂ। ଭାରତୀୟ ଦ୍ରୁତ ବୋଲର୍ ଅର୍ଶଦୀପ ସିଂଙ୍କୁ ୧୮ କୋଟିରେ କିଣିଲା ପଞ୍ଜାବ କିଙ୍ଗ୍ସ।
ଚତୁର୍ଥରେ ରହିଛନ୍ତି ୟୁଜବେନ୍ଦ୍ର ଚହଲ । ୧୮ କୋଟିରେ ଚହଲଙ୍କୁ ଦଳରେ ସାମିଲ କଲା ପଞ୍ଜାବ।
ପଞ୍ଚମରେ ରହିଛନ୍ତି ମିଚେଲ ଷ୍ଟାର୍କ। ୧୧ କୋଟି ୭୫ ଲକ୍ଷରେ କିଣିଛି ଦିଲ୍ଲୀ କ୍ୟାପିଟାଲ୍ସ।
ଷଷ୍ଠରେ ରହିଛନ୍ତି କାଗିସୋ ରବାଡା। ୧୦ କୋଟି ୭୫ ଲକ୍ଷରେ କିଣିଲା ଗୁଜରାଟ ଟାଇଟନ୍ସ ।
ସପ୍ତମରେ ରହିଛନ୍ତି ମହମ୍ମଦ ସାମି। ୧୦ କୋଟିରେ କିଣି ଟିମ୍ ରେ ସାମିଲ କଲା ସନରାଇଜର୍ସ ହାଇଦ୍ରାବାଦ।
ଅଷ୍ଟମରେ ଦାମୀ ଖେଳାଳିଙ୍କ ମଧ୍ୟରେ ରହିଛନ୍ତି ଡେଭିଡ ମିଲର। ୭.୫ କୋଟି ରେ କିଣି ଟିମରେ ସାମିଲ କଲା ଲକ୍ଷ୍ନୌ ସୁପର ଜାଏଣ୍ଟସ।