IND vs SL 3rd T20, Rahul Tripathi: ଭାରତ ଶ୍ରୀଲଙ୍କାକୁ ତୃତୀୟ ତଥା ନିର୍ଣ୍ଣାୟକ ମ୍ୟାଚରେ ୯୧ ରନରେ ପରାସ୍ତ କରି ଟି-20 ସିରିଜ (India vs Sri Lanka T20 Series) କୁ ୨-୧ରେ ଜିତିଛି । ଏହି ବିଜୟ ପରେ ଚାରିଆଡ଼େ କେବଳ ଜଣେ ବ୍ୟାଟ୍ସମ୍ୟାନଙ୍କ ଚର୍ଚ୍ଚା ହେଉଛି । ସେ ହେଉଛନ୍ତି ଟମ୍ ଇଣ୍ଡିଆ (Team India) ର ବିସ୍ଫୋରକ ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ । ସେ ମାତ୍ର ୫୧ ବଲରେ ୧୧୨ ରନର ଅପରାଜିତ ଇନିଂସ ଖେଳିଥିଲେ । T20 ଅନ୍ତର୍ଜାତୀୟରେ ଏହା ତାଙ୍କର ତୃତୀୟ ଶତକ ଥିଲା । ଏହି ମ୍ୟାଚରେ ସୂର୍ଯ୍ୟକୁମାର ଯାଦବ ଯେଉଁଭଳି ଭାବେ ବ୍ୟାଟିଂ କରିଥିଲେ ତାହା ଦେଖିବା ଯୋଗ୍ୟ ଥିଲା । ସେ କୌଣସି ଶ୍ରୀଲଙ୍କା ବୋଲରଙ୍କୁ ଛାଡି ନଥିଲେ । ଶୋଇ, ବସି, ପ୍ରତ୍ୟେକ ଦିଗରେ ଶର୍ଟ ଲଗାଇଥିଲେ । କିନ୍ତୁ ତାଙ୍କ ବ୍ୟତୀତ ଜଣେ ବ୍ୟାଟ୍ସମ୍ୟାନ ଏକ ଛୋଟ କିନ୍ତୁ ଦମଦାର୍ ଇନିଂସ ଖେଳିଥିଲେ । ସେ ହିଁ ଏହି ମ୍ୟାଚରେ ଭାରତର ବଡ଼ ସ୍କୋରର ମୂଳଦୁଆ ପକାଇଥିଲେ, ଯାହା ପରେ ପରେ ସୂର୍ଯ୍ୟକୁମାର ଯାଦବ (Suryakumar Yadav) ଚଢ଼ି ଏକ ଉଚ୍ଚ ରନର ବିଲ୍ଡିଂ ନିର୍ମାଣ କରିଥିଲେ । ଏହି ବ୍ୟାଟ୍ସମ୍ୟାନଙ୍କ ନାମ ହେଉଛନ୍ତି ରାହୁଲ ତ୍ରିପାଠୀ (Rahul Tripathi) ।


COMMERCIAL BREAK
SCROLL TO CONTINUE READING

ଦ୍ୱିତୀୟ ଟି-20 ପରି ରାଜକୋଟରେ ଖେଳାଯାଇଥିବା ତୃତୀୟ ଟି-20 ମ୍ୟାଚରେ ଭାରତର ଆରମ୍ଭ ଭଲ ନଥିଲା । ଓପନର ଇଶାନ କିଶନ ପ୍ରଥମ ଓଭରରେ ଆଉଟ ହୋଇଥିଲେ । ଏହା ପରେ ତିନି ନମ୍ବରରେ ସୁର୍ଯ୍ୟକୁମାରଙ୍କ ସ୍ଥାନରେ ରାହୁଲ ତ୍ରିପାଠୀ ବ୍ୟାଟିଂ କରିବା ପାଇଁ ଆସିଥିଲେ । ଶ୍ରୀଲଙ୍କା ପେସରମାନେ ନୂଆ ବଲ ସହ ଭଲ ବୋଲିଂ କରୁଥିଲେ । କିନ୍ତୁ ରାହୁଲ ତ୍ରିପାଠୀ ପଡ଼ିଆକୁ ଆସିବା ମାତ୍ରେ ଏକ ହଇଚଇ ସୃଷ୍ଟି କରିଥିଲେ । ସେ ଚୌକାରୁ ଇନିଂସର ଆରମ୍ଭ କରିଥିଲେ । ଏହା ପରେ ରାହୁଲ ପଛକୁ ଚାହିଁ ନଥିଲେ ଓ ଦ୍ରୁତ ବ୍ୟାଟିଂ ଜାରି ରଖିଥିଲେ ।


ପ୍ରଥମ ଦୁଇଟି ଟି-20ରେ ରାହୁଲ ତ୍ରିପାଠୀ ଭାରତୀୟ ବ୍ୟାଟ୍ସମ୍ୟାନ୍ଙ୍କୁ ଅସୁବିଧାରେ ପକାଇଥିବା ମହିଷ ଟିକସନାଙ୍କ ଉପରେ ଚାପ ପକାଇଥିଲେ । ସେ ଟିକସନାଙ୍କ ଗୋଟିଏ ଓଭରରେ ୩ଟି ଚୌକା ମାରିଥିଲେ । ପରବର୍ତ୍ତୀ ଓଭରରେ ରାହୁଲ ଚାମିକା କରୁଣାତ୍ନେଙ୍କ ଦୁଇଟି ବଲରେ ଦୁଇଟି ଛକା ମାରିଥିଲେ । ପରବର୍ତ୍ତୀ ବଲରେ ସେ ଆଉଟ୍ ହୋଇଥିଲେ । କିନ୍ତୁ ୧୬ ବଲରେ ୩୫ ରନର ଇନିଂସ ଖେଳି ଭବିଷ୍ୟତର ଟ୍ରେଲର ନିଶ୍ଚିତ ଭାବରେ ଦେଖାଇଦେଇଛନ୍ତି ।


ରାହୁଲ ତ୍ରିପାଠୀଙ୍କ ୩୫ ରନର ଏହି ଇନିଂସରେ ଦର୍ଶାଯାଇଛି ଯେ ଭାରତ ଆଉ ଏକ ସୂର୍ଯ୍ୟକୁମାର ଯାଦବ ପାଇଛି । ଏହି କଥାଟି ଏମିତି ହିଁ କୁହାଯାଉ ନାହିଁ । ରାହୁଲ ଓ ସୂର୍ଯ୍ୟକୁମାରଙ୍କ ବ୍ୟାଟିଂ ଶୈଳୀ ମଧ୍ୟରେ ବହୁତ ସମାନ୍ତର ରହିଛି । ତାଙ୍କ ଓ ସୂର୍ଯ୍ୟକୁମାରଙ୍କ ବ୍ୟାଟିଂ ମଧ୍ୟରେ ଅନେକ ସମାନତା ଅଛି । ଏହି କାରଣରୁ କୁହାଯାଇପାରେ ଯେ ଭାରତକୁ ଦ୍ୱିତୀୟ SKY ମିଳିଯାଇଛି ।


ବର୍ତ୍ତମାନ ସେହି ସମାନତା କ’ଣ, ଆସନ୍ତୁ ରାଜକୋଟ ଟି-20ରେ ଉଭୟଙ୍କ ବ୍ୟାଟିଂ ଦେଖି ବୁଝିବାକୁ ଚେଷ୍ଟା କରିବା । ଉଲ୍ଲେଖଥାଉ କି, ସୂର୍ଯ୍ୟକୁମାର ଯାଦବ ଓ ରାହୁଲ ତ୍ରିପାଠୀଙ୍କ ଇନିଂସକୁ ତୁଳନା କରାଯାଇପାରିବ ନାହିଁ । କାରଣ ସୂର୍ଯ୍ୟକୁମାର ଯାଦବ ଏକ ତୁଫାନୀ ଶତକ ମାରିଥିବାବେଳେ ରାହୁଲ ୩୫ ରନ୍ କରି ଆଉଟ୍ ହୋଇଥିଲେ । କିନ୍ତୁ, ଖେଳିବାର ଶୈଳୀ ଓ ଉଦ୍ଦେଶ୍ୟକୁ ଦେଖି ଏହା ବୁଝି ହେବ ।


ଅଧିକ ପଢ଼ନ୍ତୁ:-ହକି ବିଶ୍ୱକପ ୨୦୨୩: ଭାରତ ପାଇଁ ୪୮ ବର୍ଷର ଟ୍ରଫିର ମରୁଡିକୁ ଶେଷ କରିବେ ଏସବୁ ଖେଳାଳି, ଏହି ୫ ଷ୍ଟାର ପ୍ଲେୟାରଙ୍କ ଉପରେ ରହିବ ସମସ୍ତଙ୍କ ନଜର


ଅଧିକ ପଢ଼ନ୍ତୁ:-୧୦ ଇନିଂସ ୮ ଶତକ, ୬ଟି ବଲରେ ୭ଟି ଛକା; ଶତକର ବାଦଶାହ ଏହି ଖେଳାଳଙ୍କୁ ଟିମ୍ ଇଣ୍ଡିଆରେ କେବେ ମିଳିବ ସୁଯୋଗ


ଅଧିକ ପଢ଼ନ୍ତୁ:-ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ୍ ଆରମ୍ଭ ହେବା ପୂର୍ବରୁ ଟିମ୍ ଇଣ୍ଡିଆକୁ ଲାଗିଲା ବଡ଼ ଝଟକା, ଦଳରୁ ବାହାର ହେଲେ ଏହି ଖତରନାକ୍ ଖେଳାଳି!


 


୫୧ ବଲରେ ସୁର୍ଯ୍ୟକୁମାର ଯାଦବ ଅପରାଜିତ ୧୧୨ ରନ୍ କରିଥିଲେ । ତାଙ୍କର ଷ୍ଟ୍ରାଇକ୍ ରେଟ୍ ୨୧୯.୬୦ ଥିଲା । ସେପଟେ ରାହୁଲ ତ୍ରିପାଠୀ ୧୬ ବଲରେ ୩୫ ରନ୍ ସଂଗ୍ରହ କରିଥିଲେ ଓ ତାଙ୍କର ଷ୍ଟ୍ରାଇକ୍ ରେଟ୍ ୨୧୮.୭୫ ଥିଲା । ଅର୍ଥାତ୍ ଉଭୟଙ୍କ ଷ୍ଟ୍ରାଇକ୍ ରେଟ୍ ସମାନ ରହିଥିଲା । ଏହା ଦର୍ଶାଏ ଯେ ରାହୁଲ ତ୍ରିପାଠୀ ମଧ୍ୟ ସୂର୍ଯ୍ୟକୁମାର ଯାଦବଙ୍କ ପରି ଦ୍ରୁତ ସ୍କୋର କରିପାରିବେ । ରାହୁଲ ଓ ସୂର୍ଯ୍ୟକୁମାରଙ୍କ ମଧ୍ୟରେ ଆଉ ଏକ ସମାନତା ହେଉଛି ଏହି ବ୍ୟାଟ୍ସମ୍ୟାନ ମାନେ ଗ୍ରାଉଣ୍ଡର ପ୍ରତ୍ୟେକ କୋଣରେ ସଟ୍ ଖେଳି ପାରନ୍ତି । ଏହାସହ ଯେକୌଣସି ନମ୍ୱରରେ ଦଳ ପାଇଁ ବ୍ୟାଟିଂ କରିପାରନ୍ତି ।