IND vs SL 3rd ODI: ୨୭ ବର୍ଷ ପରେ ଭାରତ ବିପକ୍ଷରେ ସିରିଜ ଜିତିଲା ଶ୍ରୀଲଙ୍କା, ଶେଷ ଦିନିକିଆରେ ୧୧୦ ରନରେ ହାରିଲା ରୋହିତ୍ ଟିମ୍
IND vs SL: ତୃତୀୟ ଦିନିକିଆ ମ୍ୟାଚରେ ଶ୍ରୀଲଙ୍କା ଭାରତକୁ ୧୧୦ ରନରେ ପରାସ୍ତ କରିଛି। ଏହି ବିଜୟ ସହିତ ଶ୍ରୀଲଙ୍କା ଦଳ ୧୯୯୭ ପରେ ପ୍ରଥମ ଥର ପାଇଁ ଭାରତ ବିପକ୍ଷ ODI ସିରିଜ ଜିତିବାରେ ସଫଳ ହୋଇଛି।
IND vs SL 3rd ODI: ତୃତୀୟ ଦିନିକିଆରେ ଶ୍ରୀଲଙ୍କା ଭାରତକୁ ୧୧୦ ରନରେ ପରାସ୍ତ କରିଛି। ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜକୁ ଶ୍ରୀଲଙ୍କା ୨-୧ରେ ଜିତି ନେଇଛି। ୧୯୯୭ ପରେ ପ୍ରଥମ ଥର ପାଇଁ ଶ୍ରୀଲଙ୍କା ଭାରତ ବିପକ୍ଷ ODI ସିରିଜ୍ ଜିତିଛି। କଲମ୍ବୋସ୍ଥିତ ଆର ପ୍ରେମଦାସା ଷ୍ଟାଡିୟମରେ ଭାରତ ବିପକ୍ଷ ତୃତୀୟ ଦିନିକିଆରେ ୫୦ ଓଭରରେ ସାତ ୱିକେଟ୍ ହରାଇ ଶ୍ରୀଲଙ୍କା ୨୪୮ ରନ୍ ସଂଗ୍ରହ କରିଥିଲା। ଏହାର ଜବାବରେ ଭାରତୀୟ ଦଳ ୨୬.୧ ଓଭରରେ ମାତ୍ର ୧୩୮ ରନ୍ ସ୍କୋର କରି ଅଲ୍ ଆଉଟ୍ ହୋଇଯାଇଥିଲା।
୨୪୯ ରନ୍ର ଲକ୍ଷ୍ୟକୁ ପିଛା କରୁଥିବା ଭାରତୀୟ ଦଳ ପଞ୍ଚମ ଓଭରରେ ପ୍ରଥମ ଝଟକା ପାଇଥିଲା। ୧୪ ବଲରେ ୬ ରନ୍ ସ୍କୋର କରିବା ପରେ ଶୁବମାନ ଗିଲ ଆଉଟ୍ ହୋଇଥିଲେ। ୨୦ ବଲରେ ୩୫ ରନ୍ ସ୍କୋର କରିବା ପରେ କ୍ୟାପଟେନ ରୋହିତ ଶର୍ମା ଆଉଟ୍ ହୋଇଥିଲେ। ଋଷଭ ପନ୍ତ ୬, ବିରାଟ କୋହଲି ୨୦ ଓ ଅକ୍ଷର ପଟେଲ ୨ ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ଶ୍ରେୟସ ୮ ରନ୍, ରିୟାନ୍ ପାରାଗ୍ ୧୫ ଓ ଶିବମ୍ ୯ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ୩୦ ରନ୍ ସ୍କୋର କରିବା ପରେ ୱାଶିଂଟନ୍ ସୁନ୍ଦର ଆଉଟ୍ ହୋଇଥିଲେ ଓ କୁଲଦୀପ ଯାଦବ ୬ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଶ୍ରୀଲଙ୍କା ପାଇଁ ଡୁନିଥ୍ ଭେଲାଲେଜ୍ ସର୍ବାଧିକ ପାଞ୍ଚଟି ୱିକେଟ୍ ନେଇଥିଲେ। ମହିଷ ତିକସଣା ଓ ଜେଫ୍ରି ୨ଟି ଲେଖାଁଏ ୱିକେଟ୍ ନେଇଥିଲେ।
ପ୍ରଥମେ ବ୍ୟାଟିଂ କରିବାକୁ ଆସିଥିବା ଶ୍ରୀଲଙ୍କା ଦଳ ଓପନର୍ ପୃଥମ୍ ନିସଙ୍କା ଏବଂ ଅଭିସ୍କା ଫର୍ନାଣ୍ଡୋଙ୍କଠାରୁ ଭଲ ଆରମ୍ଭ ପାଇଥିଲା। ପ୍ରଥମ ୱିକେଟ୍ ପାଇଁ ଉଭୟଙ୍କ ମଧ୍ୟରେ ୮୯ ରନ୍ ଭାଗିଦାରୀ ହୋଇଥିଲା। ୬୫ ବଲରେ ୪୫ ରନ୍ ସ୍କୋର କରିବା ପରେ ପୃଥମ୍ ଆଉଟ୍ ହୋଇଥିଲେ। ଏହା ପରେ କୁସାଲ ମେଣ୍ଡିସ ଏବଂ ଅଭିସ୍କାଙ୍କ ମଧ୍ୟରେ ୯୪ ବଲରେ ୮୨ ରନର ପାର୍ଟନରଶିପ୍ ହୋଇଥିଲା। ରିୟାନ୍ ପରାଗ ଅଭିସ୍କାଙ୍କୁ ପାଭିଲିୟନକୁ ପଠାଇ ଏହି ପାର୍ଟନରଶିପ ଭାଙ୍ଗିଥିଲେ। ୯୬ ରନ୍ ସ୍କୋର କରିବା ପରେ ଅଭିସ୍କା ଆଉଟ୍ ହୋଇଥିଲେ। କ୍ୟାପଟେନ ଚାରିଥ ଆସାଲଙ୍କା ମଧ୍ୟ ପାରାଗଙ୍କ ଦ୍ୱାରା ଆଉଟ୍ ହୋଇଥିଲେ। ସିରାଜ ସାଦୀରଙ୍କୁ ପ୍ୟାଭିଲିୟନର ରାସ୍ତା ଦେଖାଇଲେ। ଜେନିଥ୍ ମାତ୍ର ୮ ରନ୍ ସ୍କୋର କରିପାରିଥିଲା ଓ ଡୁନିଥ୍ ମାତ୍ର ଦୁଇଟି ରନ୍ ସ୍କୋର କରିପାରିଥିଲେ। ରିୟାନ୍ ପାରାଗ ଭାରତ ପାଇଁ ତିନୋଟି ୱିକେଟ୍ ନେଇଥିଲେ। ଶ୍ରୀଲଙ୍କା ପାଇଁ ଓପନିଂ ବ୍ୟାଟ୍ସମ୍ୟାନ୍ ଅଭିସ୍କା ଫର୍ନାଣ୍ଡୋ ସର୍ବାଧିକ ୯୬ ରନ୍ ସଂଗ୍ରହ କରିଥିଲେ। ରିୟାନ୍ ପାରାଗ ଭାରତ ପାଇଁ ତିନୋଟି ୱିକେଟ୍ ନେଇଥିଲେ।