Australian Coach Andrew Mcdonald on Australia Vs England Match: ଚଳିତ ଥର ଆଇସିସି ଟି-20 ବିଶ୍ୱକପ ୨୦୨୨ରେ ଲଗାତର ଭାବରେ ବର୍ଷା ଯୋଗୁଁ ଖେଳ ବ୍ୟାହତ ହେଉଛି । ଶୁକ୍ରବାର ଅର୍ଥାତ ଅକ୍ଟୋବର ୨୮ରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ଦୁଇଟି ମ୍ୟାଚ୍ ଖେଳା ଯିବାର ଥିଲା । ପ୍ରଥମ ମ୍ୟାଚରେ ଆୟର୍ଲାଣ୍ଡ ଓ ଆଫଗାନିସ୍ତାନ ମଧ୍ୟରେ ଟକ୍କର ହେବାର ଥିଲା ।  ଦ୍ୱିତୀୟ ମ୍ୟାଚ୍‌ରେ ଡିଫେଣ୍ଡିଂ ଚାମ୍ପିଅନ୍ ଅଷ୍ଟ୍ରେଲିଆ ଓ ଇଂଲଣ୍ଡ ମଧ୍ୟରେ ମୁକାବିଲା  ହେବାର ଥିଲା । କିନ୍ତୁ ବର୍ଷା ଯୋଗୁଁ ଏହି ଦୁଇଟି ମ୍ୟାଚ୍ ବାତିଲ କରିବାକୁ ପଡିଥିଲା । ଫଳରେ ଦଳଗୁଡ଼ିକ ମଧ୍ୟରେ ସମାନ ଭାବେ ପଏଣ୍ଟ ବାଣ୍ଟିବାକୁ ପଡ଼ିଥିଲା । ଅଷ୍ଟ୍ରେଲି ଟି-20 ବିଶ୍ୱକପ ୨୦୨୨ର ସୁପର-12 ରାଉଣ୍ଡର ପ୍ରଥମ ମ୍ୟାଚ୍ ନ୍ୟୁଜିଲ୍ୟାଣ୍ଡ ଠାରୁ ପରାସ୍ତ ହୋଇଥିଲା । ଦ୍ୱିତୀୟ ମ୍ୟାଚରେ ଶ୍ରୀଲଙ୍କାକୁ ପରାସ୍ତ କରିଥିଲା । କିନ୍ତୁ ତୃତୀୟ ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଛି । ଫଳରେ ଅଷ୍ଟ୍ରେଲିଆ ପାଇଁ ଟି-20 ବିଶ୍ୱକପ ୨୦୨୨ର ସେମିଫାଇନାଲ ରାସ୍ତା କଠିନ ହୋଇପଡ଼ିଛି ।


COMMERCIAL BREAK
SCROLL TO CONTINUE READING

ଯଦି ଶୁକ୍ରବାର ଅଷ୍ଟ୍ରେଲିଆ ବନାମ ଇଂଲଣ୍ଡ ମ୍ୟାଚ୍ ଅନୁଷ୍ଠିତ ହୋଇଥାନ୍ତା, ତେବେ ହାରିଥିବା ଦଳ ଶେଷ ୪ରେ ପହଞ୍ଚିବା ପ୍ରାୟ ଅସମ୍ଭବ ହୋଇଥାନ୍ତା । ବର୍ଷା ଯୋଗୁଁ ମ୍ୟାଚ୍ ବାତିଲ ହୋଇଥିବାରୁ ଉଭୟ ଦଳ ବର୍ତ୍ତମାନ ରେସରେ ଅଛନ୍ତି । ଏମାନଙ୍କ ମଧ୍ୟରୁ ଯେଉଁ ଦଳ ନିଜର ଶେଷ ଦୁଇଟି ମ୍ୟାଚ୍ ଜିତିବ, ସେ ସେମିଫାଇନାଲରେ ପ୍ରବେଶ କରିବାର ଅଧିକ ସୁଯୋଗ ପାଇବ । ବର୍ତ୍ତମାନ ଇଂଲଣ୍ଡ ଦଳ ତିନୋଟି ମ୍ୟାଚରୁ ତିନି ପଏଣ୍ଟ ସହ ଦ୍ୱିତୀୟ ସ୍ଥାନରେ ଅଛି । ଏଥି ସହିତ ଅଷ୍ଟ୍ରେଲିଆ ବର୍ତ୍ତମାନ ତିନୋଟି ମ୍ୟାଚରୁ ତିନୋଟି ପଏଣ୍ଟ ପାଇଛି ଓ ଦଳର ନେଟ୍ ରନ୍ ରେଟ୍ ହେଉଛି -1.555, ଯାହା ଇଂଲଣ୍ଡର +0.239 ନେଟ୍ ରନ୍ ହାରଠାରୁ ବହୁତ ଖରାପ ଅଟେ । ସୁପର-12ରେ ଆଗାମୀ ଦୁଇଟି ମ୍ୟାଚରେ ଅଷ୍ଟ୍ରେଲିଆକୁ ଆୟର୍ଲାଣ୍ଡ ଓ ଆଫଗାନିସ୍ତାନ ସହ ଖେଳିବାର ଅଛି । ଯଦି ଅଷ୍ଟ୍ରେଲିଆ ଏହି ଦଳଗୁଡିକ ଠାରୁ ଏକ ବୃହତ ବ୍ୟବଧାନରେ ଜିତେ, ତା’ହେଲେ ତାର ନେଟ୍ ରେଟରେ ସୁଧାର ହେବ । ଯଦି ଇଂଲଣ୍ଡ ଓ ଅଷ୍ଟ୍ରେଲିଆ ସେମାନଙ୍କ ଅବଶିଷ୍ଟ ମ୍ୟାଚ୍ ଜିତନ୍ତି, ତେବେ ସେମାନଙ୍କ ୭-୭ ପଏଣ୍ଟ ହୋଇଯିବ ।
 
ବର୍ତ୍ତମାନ ଅଷ୍ଟ୍ରେଲୀୟ ଦଳର ମୁଖ୍ୟ କୋଚ୍ ଆଣ୍ଡ୍ରିୟୁ ମ୍ୟାକଡୋନାଲ୍ଡ (Andrew Mcdonald) ମ୍ୟାଚ୍ ବାତିଲା ହେବା ଉପରେ ପ୍ରତିକ୍ରିୟା ରଖିଛନ୍ତି । ମ୍ୟାକଡୋନାଲ୍ଡ କହିଛନ୍ତି ଯେ, ଯେତେବେଳେ ମେଲବୋର୍ଣ୍ଣରେ ବର୍ଷା ହେଉଛି ତ ସେତେବେଳେ ମୁକାବିଲା ଡକ୍ଲ୍ୟାଣ୍ଡସ୍ ଷ୍ଟାଡିୟମରେ ମ୍ୟାଚ୍ କରାଇବାର ବିକଳ୍ପ ଅଛି । କିନ୍ତୁ ଆଇସିସି ଉପରେ ନିର୍ଭର କରେ କି ମ୍ୟାଚଗୁଡ଼ିକୁ ଏହି ଷ୍ଟାଡିୟମକୁ ସ୍ଥାନାନ୍ତର କରାଯିବ କି ନାହିଁ । ସୂଚନାଯୋଗ୍ୟ ଯେ ଡକ୍ଲ୍ୟାଣ୍ଡସ୍ ଷ୍ଟାଡିୟମ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡ ଠାରୁ ପ୍ରାୟ ୫ କିଲୋମିଟର ଦୂରରେ ଅବସ୍ଥିତ । ଡକ୍ଲ୍ୟାଣ୍ଡସ୍ ଷ୍ଟାଡିୟମରେ ଛାତ ସୁବିଧା ମଧ୍ୟ ଅଛି । ଅର୍ଥାତ ବର୍ଷା ହେଲେ ମଧ୍ୟ ମ୍ୟାଚ୍ ଜାରି ରହିପାରିବ ।


ଅଧିକ ପଢ଼ନ୍ତୁ:-ବାବର ଆଜମଙ୍କୁ ସମସ୍ତଙ୍କ ଆଗରେ ବେଇଜ୍ଜତ କଲେ ଆକ୍ରମ, କହିଲେ ଏପରି କିଛି ଶୁଣି ସମସ୍ତେ ଚକିତ


ଅଧିକ ପଢ଼ନ୍ତୁ:-ଭାରତ ସେମିଫାଇନାଲରେ ପହଞ୍ଚିବ ତ କାହା ସହ ହେବ ଟକ୍କର; ଜାଣନ୍ତୁ ପୂରା ସମୀକରଣ


ଅଧିକ ପଢ଼ନ୍ତୁ:-ଭାରତକୁ ଅଭିଶାପ ଦେଲେ ଶୋଏବ ଅଖତର! କହିଲେ ପାକିସ୍ତାନ ପରେ ଟିମ୍ ଇଣ୍ଡିଆ ମଧ୍ୟ ଟି-20 ବିଶ୍ୱକପରୁ ହୋଇଯିବ ବାହାର


 


ଆଣ୍ଡ୍ରିୟୁ ମ୍ୟାକଡୋନାଲ୍ଡ କହିଛନ୍ତି, "ମୁଁ ଭାବୁଛି ସମସ୍ତେ ଏମସିଜିରେ ଖେଳିବାକୁ ପସନ୍ଦ କରନ୍ତି । ଆପଣ ପାଗର ପୂର୍ବାନୁମାନ କରିପାରିବେ ନାହିଁ, କିନ୍ତୁ ଆପଣ ନିଶ୍ଚିତ ଭାବରେ ଜାଣିବେ ଯେ ମେଲବୋର୍ଣ୍ଣ ପ୍ରଶଂସକମାନେ ସାଧାରଣତଃ ଇଂଲଣ୍ଡ ଓ ଅଷ୍ଟ୍ରେଲିଆ ମ୍ୟାଚରେ ଆସନ୍ତି । ହୁଏତ ଏମସିଜି ଅପେକ୍ଷା କୌଣସି ଭଲ ଷ୍ଟାଡିୟମ ନାହିଁ ଯେଉଁଠାରେ ଆପଣ ଖେଳିବାକୁ ଚାହୁଁଛନ୍ତି । ଯେତେବେଳେ ଆପଣ ଛାତର ଷ୍ଟାଡିୟମରେ ଖେଳିବାକୁ ଚାହାଁନ୍ତି, ଏହା ଶେଡ୍ୟୁଲିଂ ଉପରେ ନିର୍ଭର କରେ । ଡକ୍ଲ୍ୟାଣ୍ଡସ୍ ଷ୍ଟାଡିୟମ୍ ରାସ୍ତା ପାର୍ଶ୍ୱରେ ଅଛି, କିନ୍ତୁ କ୍ରିକେଟ୍ ଉଦ୍ଦେଶ୍ୟରେ ନିର୍ମାଣ କରାଯାଇ ନାହିଁ । ଏଠାରେ ବିବିଏଲ୍ ମ୍ୟାଚ୍ ଖେଳା ଯାଇଛି ।" 


ଆଣ୍ଡ୍ରିୟୁ ମ୍ୟାକଡୋନାଲ୍ଡ ଆହୁରି କହିଛନ୍ତି ଯେ, "ଏହା ଅତ୍ୟନ୍ତ ନିରାଶାଜନକ । ବର୍ଷର ଏହି ସମୟରେ ଓ ଗ୍ରୀଷ୍ମର ପ୍ରାରମ୍ଭରେ ଏହା ହିଁ ଘଟେ । ଏହି ଋତୁରେ ସବୁବେଳେ ବର୍ଷା ହେବାର ସମ୍ଭାବନା ଥାଏ । ଏହା ପ୍ରକୃତରେ ଦୁର୍ଭାଗ୍ୟଜନକ । ନିରାଶାଜନକ ବିଷୟ ହେଉଛି ରାସ୍ତା ନିକଟରେ ଏକ ଷ୍ଟାଡିୟମ ଅଛି ଯାହାର ଛାତ ଅଛି । ଯାହାଫଳରେ ଆପଣ ସେଠାରେ କ୍ରିକେଟ୍ ଖେଳିପାରିବେ । ତେଣୁ ଆମେ ବହୁତ କ୍ରିକେଟ୍ ଖେଳି ପାରିବା ।"