South Actor Ramcharan: ଅଲ୍ଲୁ ଅର୍ଜୁନଙ୍କ ପରେ ସାଉଥ ଷ୍ଟାର ରାମଚରଣଙ୍କୁ ମିଳିଲା ଧମକ...ନୂଆବର୍ଷରେ...

South Actor Ramcharan: ଚଳଚ୍ଚିତ୍ରର ମୁକ୍ତିଲାଭକୁ ଆଉ ୧୩ ଦିନ ବାକି ଅଛି ଏବଂ ନିର୍ମାତାମାନେ ଏପର୍ଯ୍ୟନ୍ତ ଟ୍ରେଲର ସହ ଜଡିତ କୌଣସି ଗୁରୁତ୍ୱପୂର୍ଣ୍ଣ ଅପଡେଟ୍ ସେୟାର କରିନାହାଁନ୍ତି । ପ୍ରଶଂସକଙ୍କ ଭାବନାକୁ ଆପଣ ବୁଝି ପାରୁନାହାନ୍ତି ବୋଲି ଏହି ପୋଷ୍ଟରେ ଲେଖାଯାଇଛି।

South Actor Ramcharan: ସାଉଥ ସୁପରଷ୍ଟାର ରାମ ଚରଣ ଏବେ ଚର୍ଚ୍ଚାରେ ଅଛନ୍ତି । ମେଗାଷ୍ଟାର ରାମ୍ ଏବେ ନିଜର ଆଗାମୀ ଫିଲ୍ମ 'ଗେମ୍ ଚେଞ୍ଜର'କୁ ନେଇ ଚର୍ଚ୍ଚାରେ ଅଛନ୍ତି । ଅଭିନେତା ତାଙ୍କ ଚଳଚ୍ଚିତ୍ରର ଜୋରଦାର ପ୍ରମୋସନ୍ କରୁଛନ୍ତି ଏବଂ ଆଜିକାଲି ବହୁତ ବ୍ୟସ୍ତ ରହୁଛନ୍ତି ମଧ୍ୟ । ଫିଲ୍ମକୁ ନେଇ ଜୋରଦାର ଚର୍ଚ୍ଚା ହେଉଛି ଏବଂ ପ୍ରଶଂସକମାନେ ଏହାର ରିଲିଜକୁ ଉତ୍ସୁକତାର ସହ ଅପେକ୍ଷା କରିଛନ୍ତି । ସେପଟେ ଏବେ ପ୍ରଶଂସକମାନେ ଏମିତି କିଛି କରିଛନ୍ତି ଯାହାକୁ ନେଇ ଚର୍ଚ୍ଚା ଜୋର ଧରିଛି ।

ଫିଲ୍ମ 'ଗେମ୍ ଚେଞ୍ଜର'
ନିକଟରେ ଆଗାମୀ ଫିଲ୍ମ 'ଗେମ୍ ଚେଞ୍ଜର'ର ନିର୍ମାତା ଫିଲ୍ମର ଆକ୍ସନ ଭରା ଟିଜର ରିଲିଜ କରିଛନ୍ତି । ଫିଲ୍ମର ଟିଜରରେ ରାମ ଚରଣଙ୍କୁ ଅନେକ ହାଇ ଆକ୍ସନ ଦୃଶ୍ୟରେ ଦେଖିବାକୁ ମିଳିଛି । ଟିଜର ଭିଡିଓରେ ରାମ ଚରଣ କହୁଛନ୍ତି ଯେ ମୁଁ ଅନିଶ୍ଚିତ। ଫିଲ୍ମର ଟିଜର ଦେଖିବା ପରେ ପ୍ରଶଂସକମାନେ ବହୁତ ଉତ୍ସାହିତ ହୋଇଯାଇଥିଲେ ଏବଂ ଏବେ ଜଣେ ପ୍ରଶଂସକ ଫିଲ୍ମର ଟ୍ରେଲରକୁ ଯଥାଶୀଘ୍ର ରିଲିଜ କରିବା ପାଇଁ ଫିଲ୍ମ ର ନିର୍ମାତାଙ୍କୁ ଧମକପୂର୍ଣ୍ଣ ଚିଠି ମଧ୍ୟ ଲେଖିଛନ୍ତି ।

ନିକଟରେ ଶୁଣିବାକୁ ମିଳିଛି ଯେ ରାମ ଚରଣଙ୍କ ଜଣେ ଡାଏହାର୍ଟ ଫ୍ୟାନ୍ ଗେମ୍ ଚେଞ୍ଜରର ନିର୍ମାତାଙ୍କୁ ଏକ ଚିଠି ଲେଖିଛନ୍ତି। ତେଲୁଗୁ ଭାଷାରେ ଲେଖାଯାଇଥିବା ଏହି ଚିଠିରେ ଫ୍ୟାନ୍ସ ନିଜର ବଢୁଥିବା ନିରାଶା ଓ ଅପେକ୍ଷାକୁ ପ୍ରକାଶ କରିଛନ୍ତି । ସେ କହିଛନ୍ତି ଯେ ଚଳଚ୍ଚିତ୍ରର ମୁକ୍ତିଲାଭକୁ ଆଉ ୧୩ ଦିନ ବାକି ଅଛି ଏବଂ ନିର୍ମାତାମାନେ ଏପର୍ଯ୍ୟନ୍ତ ଟ୍ରେଲର ସହ ଜଡିତ କୌଣସି ଗୁରୁତ୍ୱପୂର୍ଣ୍ଣ ଅପଡେଟ୍ ସେୟାର କରିନାହାଁନ୍ତି । ପ୍ରଶଂସକଙ୍କ ଭାବନାକୁ ଆପଣ ବୁଝି ପାରୁନାହାନ୍ତି ବୋଲି ଏହି ପୋଷ୍ଟରେ ଲେଖାଯାଇଛି।

ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି 
ସେ ଚିଠିରେ ଲେଖିଛନ୍ତି, ଯଦି ଚଳିତ ମାସ ଶେଷ ସୁଦ୍ଧା କିମ୍ବା ନୂଆ ବର୍ଷର ସ୍ୱତନ୍ତ୍ର ଅବସରରେ ଟିଜର କିମ୍ବା ଟ୍ରେଲରରେ କୌଣସି ଅପଡେଟ୍ ସେୟାର କରାନଯାଏ,ତେବେ ମୁଁ ଦୁଃଖର ସହ ଆପଣଙ୍କୁ ଜଣାଇବାକୁ ଚାହୁଁଛି ଯେ ମୁଁ ମୋ ଜୀବନ ଶେଷ କରିବା ଭଳି କଠୋର ପଦକ୍ଷେପ ନେବାକୁ ବାଧ୍ୟ ହେବି। ପ୍ରଶଂସକମାନେ ଏହି ଚିଠିକୁ ନେଇ ଏକ 'ଆରଆଇପି ଲେଟର' ଲେଖିଥିବା ବେଳେ ଏବେ ଏହାର ଫଟୋ ଭାଇରାଲ ହେବାରେ ଲାଗିଛି।

ଏହି ଫିଲ୍ମ ୨୦୨୫ରେ ରିଲିଜ ହେବ
ଏହି ଚିଠି କୁ ନେଇ ଏପର୍ଯ୍ୟନ୍ତ ଫିଲ୍ମର ନିର୍ମାତା କିମ୍ବା ରାମ ଚରଣ କୌଣସି ପ୍ରତିକ୍ରିୟା ଦେଇନାହାନ୍ତି। କହିରଖୁଛୁ ଯେ ଏହି ଫିଲ୍ମରେ ରାମ ଚରଣ ମୁଖ୍ୟ ଭୂମିକାରେ ଅଛନ୍ତି । ଏହା ବ୍ୟତୀତ କିଆରା ଆଡଭାନୀ ମଧ୍ୟ ଏହି ଫିଲ୍ମରେ ନଜର ଆସିବାକୁ ଯାଉଛନ୍ତି । ଏହି ଫିଲ୍ମ ୨୦୨୫ ଜାନୁଆରୀ ୧୦ରେ ରିଲିଜ ହେବ । ପ୍ରଶଂସକମାନେ ମଧ୍ୟ ଫିଲ୍ମକୁ ନେଇ ବହୁତ ଉତ୍ସାହିତ ଅଛନ୍ତି ।