WTC ଫାଇନାଲ୍ ଯଦି ଟାଇ ହୁଏ, ତେବେ କିଏ ଘରକୁ ନେବ ଟ୍ରଫି?

WTC Final 2023: ଦୀର୍ଘ ୧୦ ବର୍ଷ ଧରି ଭାରତ (Team India) ଆଇସିସି ଟ୍ରଫି ଜିତିବାକୁ ଅପେକ୍ଷା କରିଛି । ୨୦୧୩ ଚାମ୍ପିଅନ୍ସ ଟ୍ରଫି ପରେ ଟିମ୍ ଇଣ୍ଡିଆ କୌଣସି ଆଇସିସି ଟ୍ରଫି ଜିତି ନାହିଁ । ଅନେକ ଥର ଦଳ ନିକଟତର ହେବା ପରେ ନିରାଶ ହୋଇଛି । ବର୍ତ୍ତମାନ ଦଳର ନଜର ବିଶ୍ୱ ଟେଷ୍ଟ ଚାମ୍ପିଅନସିପ୍‌ର ଫାଇନାଲ ଉପରେ ରହିଛି ।

WTC Final ୭ଜୁନ୍ ଅର୍ଥାତ ଆସନ୍ତା କାଲିଠାରୁ ଆରମ୍ଭ ହେବାକୁ ଯାଉଛି । ଭାରତୀୟ କ୍ରିକେଟ୍ ଦଳ (Team India) ଏଥର ଅଷ୍ଟ୍ରେଲିଆ (Australia) ସହ ଜୋରଦାର ଟକ୍କର ଦେବାକୁ ପ୍ରସ୍ତୁତ ଅଛି । ବିଶ୍ୱ ଟେଷ୍ଟ ଚାମ୍ପିଅନସିପ୍‌ର ପ୍ରଥମ ଫାଇନାଲରେ (World Test Championship) ନ୍ୟୁଜିଲ୍ୟାଣ୍ଡ ଠାରୁ ହାରିଥିବା ଟିମ୍ ଇଣ୍ଡିଆ ଏଥର ଏହି ଟ୍ରଫି ହାତଛଡା କରିବାକୁ ଚାହୁଁନାହିଁ । କହିରଖୁଛୁ ଯେ, ଟେଷ୍ଟ ମ୍ୟାଚ୍ ଫଳାଫଳ ପ୍ରାୟତଃ ପାଞ୍ଚ ଦିନିର ମଧ୍ୟରେ ଆସେ, କିନ୍ତୁ ବେଳେବେଳେ ଏହା ଏକ ଟାଇ ଆକାରରେ ମଧ୍ୟ ଶେଷ ହୁଏ । ତେବେ ବର୍ତ୍ତମାନ ସବୁଠାରୁ ବଡ଼ ପ୍ରଶ୍ନ ହେଉଛି ଯେ WTC Final ଯଦି ଟାଇ ହୁଏ, ତେବେ କିଏ ଘରକୁ ଟ୍ରଫି ନେବ?

ମ୍ୟାଚ୍ ଇଂଲଣ୍ଡରେ ହେଉଛି, ଯେଉଁଥିପାଇଁ ବର୍ଷା ହେବାର ମଧ୍ୟ ଆଶଙ୍କା ରହିଛି । ଏଭଳି ପରିସ୍ଥିତି ପାଇଁ ଆଇସିସି ଗୋଟିଏ ଦିନ ରିଜର୍ଭ ଡେ ରଖିଛି । କିନ୍ତୁ ଏହା ପରେ ମଧ୍ୟ ଯଦି ଏହି ମ୍ୟାଚ୍ ଟାଇ ହୁଏ ତେବେ କ’ଣ ହେବ?  ଯଦି ଆପଣଙ୍କ ମନରେ ମଧ୍ୟ ସମାନ ପ୍ରଶ୍ନ ଅଛି, ତେବେ ଜାଣନ୍ତୁ ଏହାର ଉତ୍ତର ।

ଗୋଟିଏ ବାକ୍ୟରେ ଯଦି ଆମେ କହିବା ମ୍ୟାଚ୍ ଟାଇ ହେଲେ ଉଭୟ ଦଳ ମିଳିତ ଭାବେ ବିଜେତା ହେବେ । ମ୍ୟାଚ୍ ଟାଇ ହୋଇଗଲେ ମଧ୍ୟ ସମାନ ନିଷ୍ପତ୍ତି ନିଆଯିବ । ପୂର୍ବରୁ ସମସ୍ତ ଇଭେଣ୍ଟରେ ବାଉଣ୍ଡ୍ରିର ଗଣନା, ସୁପର ଓଭର କିମ୍ବା ଲିଗ୍ ଷ୍ଟାଣ୍ଡିଂ ଆଧାରରେ ବିଜେତା ଘୋଷିତ ହୋଇଥିଲା । କିନ୍ତୁ WTC ଫାଇନାଲରେ ଏହିପରି କିଛି ଘଟିବ ନାହିଁ ।

ଯଦି ଆମେ ରିଜର୍ଭ ଡେ' ବିଷୟରେ କଥାବାର୍ତ୍ତା କରୁ, ତେବେ ବର୍ଷା କିମ୍ବା ଖରାପ ପାଗ ଯୋଗୁଁ ଅନେକ ସମୟ ନଷ୍ଟ ହେଲେ ଏହା ବ୍ୟବହାର ହେବ । ନଷ୍ଟ ହୋଇଯାଇଥିବା ସମୟ ପାଇଁ ରିଜର୍ଭ ଡେ ବ୍ୟବହାର କରାଯିବ । କିନ୍ତୁ ଯଦି କୌଣସି କାରଣରୁ ସମୟ ନଷ୍ଟ ହୁଏ ନାହିଁ, ଓ ତଥାପି ମ୍ୟାଚ୍ ଟାଇ ଆଡକୁ ଯାଏ, ତେବେ ରିଜର୍ଭ ଡେ' ବ୍ୟବହାର ହୋଇପାରିବ ନାହିଁ ।

ରିଜର୍ଭ ଡେ' ବ୍ୟବହାର ପାଇଁ ବର୍ଷା ଆବଶ୍ୟକ । ଏବଂ ଯଦି ପୂରା ଦିନ କିମ୍ବା କିଛି ଘଣ୍ଟା ଏହା ଯୋଗୁଁ ନଷ୍ଟ ନହୁଏ, ତେବେ ରିଜର୍ଭ ଦିନର କୌଣସି ଭୂମିକା ରହିବ ନାହିଁ । କହି ରଖୁଛୁ ଯେ WTC ଫାଇନାଲ୍ ୨୦୨୧ ରେ ମଧ୍ୟ ମ୍ୟାଚ୍ ରିଜର୍ଭ ଡେ ପର୍ଯ୍ୟନ୍ତ ଚାଲିଥିଲା ​​।

ବର୍ଷା ଯୋଗୁଁ ଏହି ଟେଷ୍ଟର ପ୍ରଥମ ଓ ଚତୁର୍ଥ ଦିନ ସମ୍ପୂର୍ଣ୍ଣ ଧୋଇ ହୋଇ ଯାଇଥିଲା । ଏହି ଦିନରେ ଗୋଟିଏ ବି ବଲ୍ ବୋଲିଂ ହୋଇପାରି ନଥିଲା । ଏହି ମ୍ୟାଚରେ ନ୍ୟୁଜିଲ୍ୟାଣ୍ଡର ଅଧିନାୟକ କେନ୍ ୱିଲିୟମସନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ତାଙ୍କର ଏହି ନିଷ୍ପତ୍ତି ମଧ୍ୟ ସଠିକ୍ ପ୍ରମାଣିତ ହୋଇଥିଲା । ସମଗ୍ର ଭାରତୀୟ ଦଳ ୨୧୭ ରନରେ ଅଲ୍ ଆଉଟ୍ ହୋଇଯାଇଥିଲା । ଟିମ୍ ଇଣ୍ଡିଆ ପାଇଁ ଗୋଟିଏ ବି ବ୍ୟାଟ୍ସମ୍ୟାନ୍ ପଚାଶ ପପର୍ଯ୍ୟନ୍ତ ପହଞ୍ଚି ପାରି ନଥିଲା ।

ଟିମ୍ ଇଣ୍ଡିଆ ପାଇଁ ଅଜିଙ୍କ୍ୟ ରାହାଣେ ସର୍ବାଧିକ ୪୯ ରନ୍ ସ୍କୋର କରିଥିଲେ । ଅଧିନାୟକ ବିରାଟ କୋହଲି ୪୪ ରନର ଇନିଂସ ଖେଳିଥିଲେ । ରୋହିତ ଶର୍ମା ୩୪, ଶୁଭମନ ଗିଲ ୨୮ ଓ ରବିଚନ୍ଦ୍ରନ ଅଶ୍ୱିନ ୨୨ ରନ ସ୍କୋର କରିଥିଲେ ।

ନ୍ୟୁଜିଲ୍ୟାଣ୍ଡର ପ୍ରଥମ ଇନିଂସ ପ୍ରତିକ୍ରିୟାରେ ନ୍ୟୁଜିଲ୍ୟାଣ୍ଡ ୨୪୯ ରନ୍ ସ୍କୋର କରିଥିଲା । ଡିଭନ୍ କନୱେ ସର୍ବାଧିକ ୫୪ ସ୍କୋର କରିଥିବାବେଳେ କେନ୍ ୱିଲିୟମସନ ୪୯ ରନ୍ ସ୍କୋର କରିଥିଲେ। ଟମ୍ ଲାଥାମ୍ ଓ ଟିମ୍ ସାଉଥୀ ୩୦ ରନ୍ ଲେଖାଏଁ ଇନିଂସ ଖେଳିଥିଲେ । ଭାରତ ପାଇଁ ମହମ୍ମଦ ଶାମି ଚାରିଟି, ଇଶାନ୍ତ ଶର୍ମା ତିନି, ରବି ଅଶ୍ୱିନ ଦୁଇଟି ଓ ଜାଡେଜା ଗୋଟିଏ ୱିକେଟ୍ ନେଇଥିଲେ।

ଭାରତର ଦ୍ୱିତୀୟ ଇନିଂସରେ ବ୍ୟାଟ୍ସମ୍ୟାନ ମାନେ ନିରାଶ କରିଥିଲେ । ପୂରା ଦଳ ୧୭୦ ରନ୍ କରି ଅଲ ଆଉଟ୍ ହୋଇ ଯାଇଥିଲା । ଋଷଭ ପନ୍ତ ୪୧ ରନ୍ ସହ ଦଳର ସର୍ବାଧିକ ସ୍କୋରର ଥିଲେ । ନ୍ୟୁଜିଲ୍ୟାଣ୍ଡ ପାଇଁ ସାଉଦି ଚାରିଟି, ବୋଲ୍ଟ ତିନି, ଜେମସନ ଦୁଇଟି ଓ ୱାଗନର୍ ଗୋଟିଏ ୱିକେଟ୍ ନେଇଥିଲେ । ଏହାର ଜବାବରେ ନ୍ୟୁଜିଲ୍ୟାଣ୍ଡ କେବଳ ଦୁଇଟି ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା । କ୍ୟାପଟେନ ୱିଲିୟମସନ ୫୨ ରେ ଅପରାଜିତ ରହିଥିଲେ ଓ ରସ ଟେଲର ୪୭ ରନ ସ୍କୋର କରିଥିଲେ ।