Firing: ମାର୍ଶାଘାଇ ଥାନା ମଙ୍ଗଳା ଛକରେ ଯୁବକଙ୍କୁ ଗୁଳିମାଡ

Kendrapara Firing: ବେଶ୍ କିଛି ଦିନର ବ୍ୟବଧାନ ପରେ ପୁଣିଥରେ କେନ୍ଦ୍ରାପଡାରେ ଗୁଳି ଫୁଟିଛି । ଗୁରୁତର ଅବସ୍ଥାରେ ଜଗତସିଂହପୁରର ଜଣେ ଯୁବକଙ୍କୁ ଏସସିବି ପଠାଯାଇଛି ।

Kendrapara Firing:  କେନ୍ଦ୍ରାପଡା ଜିଲା ମାର୍ଶାଘାଇ ଥାନା ଅଞ୍ଚଳରେ ଗୁଳିମାଡ ଖବର ସାମ୍ନାକୁ ଆସିଛି । ୨ଜଣ ଦୁର୍ବୃତ୍ତ ଏକ ବୁଲେଟରେ ଆସି ମାର୍ଶାଘାଇର ମଙ୍ଗଳା ଛକ ନିକଟରେରେ ଗୁଳିମାଡ କରିଛନ୍ତି । ଏହି ଗୁଳିକାଣ୍ଡରେ ଶକ୍ତି ଚନ୍ଦନ ମହାନ୍ତି ନାମକ ଜଣେ ଯୁବକ ଗୁରୁତର ଆହତ ହୋଇଛନ୍ତି ।

ସୂଚନା ମୁତାବକ ଠିକାଦାରଙ୍କ ସୁପରଭାଇଜର (Supervisor) ଭାବେ କାର୍ଯ୍ୟ କରନ୍ତି ଗୁଳିମାଡର ଶିକାର ହୋଇଥିବା ଯୁବକ ଶକ୍ତି ଚନ୍ଦନ । ତାଙ୍କ ଘର ଜଗସିଂହପୁର (jagatsinghpur) ଜିଲ୍ଲାର ମହିରା ଅଞ୍ଚଳରେ । ଶକ୍ତିଙ୍କ ପେଟରେ ଗୁଳି ବାଜିବା ପରେ ସେ ଗୁରୁତର ଅସୁସ୍ଥ ହୋଇପଡିଥିଲେ । ତାଙ୍କୁ ତୁରନ୍ତ କଟକ ବଡ ମେଡିକାଲ (Cuttack SCB)କୁ ସ୍ଥାନାନ୍ତରିତ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ଗୁଳିକାଣ୍ଡର କାରଣ ଅସ୍ପଷ୍ଟ ରହିଛି । ପୋଲିସ (Police) ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।