Balasore Accident: ମଙ୍ଗଳବାର ଦିନ ସକାଳୁ ଘଟିଛି ଭୟଙ୍କର ସଡ଼କ ଦୁର୍ଘଟଣା (Accident) । ଶ୍ରମିକଙ୍କୁ ନେଇ ଯାଉଥିବା ବେଳେ ଓଲଟି ପଡ଼ିଛି ପିକଅପ ଭ୍ୟାନ୍ (pickup van) । ସମସ୍ତ ଗୁରୁତରଙ୍କୁ ଉଦ୍ଧାର କରାଯାଇ ନିକଟସ୍ଥ ମେଡ଼ିକାଲରେ ଭର୍ତ୍ତି କରାଯାଇଛି । ବାଲେଶ୍ବର (Balasore) ଜିଲ୍ଲା ୬୦ ନମ୍ବର ରାଜପଥ ନନ୍ଦିକା ଛକ ନିକଟରେ ଏହି ଦୁର୍ଘଟଣାଟି ଘଟିଛି । ସୂଚନା ଅନୁଯାୟୀ, ବିଲ କାମ କରିବା ନେଇ ପ୍ରାୟ ୪୦ ଜଣ ଶ୍ରମିକଙ୍କୁ ନେଇ ମୟୂରଭଞ୍ଜ (mayurbhanj) ଜିଲ୍ଲା ବାର ମାଇଲରୁ କର୍ମଦା ଅଞ୍ଚଳକୁ ଯାଉଥିଲା ଟାଟା ଏସଇ ପିକଅପ ଭ୍ୟାନ୍ ।  ୬୦ ନଂ ରାଜପଥ ନନ୍ଦିକା ଛକ ନିକଟରେ ପହଁଞ୍ଚିବା ବେଳେ ହଠାତ୍ ଗାଡ଼ିର ଟାୟାର ଫାଟି ଯିବାରୁ ଭାରସାମ୍ୟ ହରାଇ ପିକଅପ୍ ଭ୍ୟାନଟି ରାସ୍ତା କଡ଼କୁ ଓଲଟି ପଡ଼ିଥିଲା। ଏହି ଦୁର୍ଘଟଣାରେ ଗାଡ଼ିରେ ଥିବା ୨୦ ଜଣ ଗୁରୁତର ହୋଇଥିବା ସୂଚନା ମିଳିଛି । ସମସ୍ତ ଆହତ ମାନଙ୍କୁ ଜଳେଶ୍ବର ଜିକେ ହସ୍ପିଟାଲରେ ଭର୍ତ୍ତି କରାଯାଇଛି ।


COMMERCIAL BREAK
SCROLL TO CONTINUE READING

ସୂଚନା ଥାଉ କି, ଗତ ଗୁରୁବାର ଦିନ ସକାଳେ କୋଲକତାରୁ (Kolkata) ପର୍ଯ୍ୟଟକଙ୍କୁ ନେଇ ପୁରୀ (Puri) ଯାଉଥିବା ଏକ ଯାତ୍ରୀବାହୀ ବସଟି ଭଦ୍ରକ (Bhadrak) ଜିଲ୍ଲା ଭଣ୍ତାରିପୋଖରୀ (Bhandaripokhari) ପେଟ୍ରୋଲ ପମ୍ପ ନିକଟରେ ଓଲଟି ପଡ଼ିଥିଲା । ଫଳରେ ବସରେ ଥିବା ଏନେକ ଯାତ୍ରୀ ଆହତ ହୋଇଥିଲେ। ଶିବମ ନାମକ ଏକ ଘରୋଇ ବସ କୋଲକତାରୁ ପୁରୀ ଅଭିମୁଖେ ଯାଉଥିଲା । ସକାଳ ପ୍ରାୟ ୧୦ଟା ବେଳେ ଏହି ଯାତ୍ରାବାହୀ ବସଟି ଛତାବର ପେଟ୍ରୋଲ ପମ୍ପ ନିକଟରେ (chatabar pretrol pump) ଓଲଟି ପଡ଼ିଥିଲା । ଫଳରେ ବସରେ ଥିବା ୭୦ ଜଣ ଯାତ୍ରୀଙ୍କ ମଧ୍ଯରୁ ୨୫ ଜଣ ଯାତ୍ରୀ ଆହତ ହୋଇଥିଲେ । ସେମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ହୋଇଥିଲା । ସ୍ଥାନୀୟ ଲୋକ, ପୋଲିସ ଓ ଅଗ୍ନିଶମ ବାହିନୀ ଦ୍ବାରା ଆହତ ଯାତ୍ରୀଙ୍କୁ ଉଦ୍ଧାର କରାଯାଇ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।


Also Read-Draupadi Murmu: ତିନି ଦିନିଆରେ ଓଡି଼ଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଜାଣନ୍ତୁ କ’ଣ ରହିଛି କାର୍ଯ୍ୟସୂଚୀ


ସେହିପରି ବୁଧବାର ଦିନ ଯାଜପୁର ରୋଡ଼ କୋରେଇ ଥାନା ଜହ୍ନା ଛକରେ ଭାରସାମ୍ୟ ହରାଇ ଏକ ବସଟି ଦୁର୍ଘଟଣାଗସ୍ତ ହୋଇଥିଲା । (Jajpur Bus Accident)। ଏଥିରେ ପ୍ରାୟ ୪୨ ଜଣ ଯାତ୍ରୀ ଆହତ ହୋଇଥିଲେ। ସେମାନଙ୍କ ମଧ୍ୟରୁ ୨ ଶିଶୁ ଓ ୮ ଜଣ ମହିଳାଙ୍କ ଅବସ୍ଥା ଗୁରୁତର ହୋଇଥିଲା । ୪୦ରୁ ଅଧିକ ଯାତ୍ରୀଙ୍କୁ ନେଇ କଟକରୁ କରଞ୍ଜିଆ ଅଭିମୁଖେ ଯାତ୍ରା ଆରମ୍ଭ କରିଥିବା ବସଟି ଜହ୍ନା ଛକରେ ପହଞ୍ଚିଥିବା ବେଳେ ହଠାତ୍ ଭାରସାମ୍ୟ ହରାଇ ରାସ୍ତା କଡକୁ ଖସିପଡ଼ିଥିଲା । ଖବର ପାଇବା ପରେ ପୋଲିସ୍ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ବସ୍ ଭିତରୁ ଆହତଙ୍କୁ ଉଦ୍ଧାର କରି ମେଡିକାଲକୁ ପଠାଇଥିଲା। ଉଦ୍ଧାର ଆହତ ଯାତ୍ରୀଙ୍କ ମଧ୍ୟରୁ ୧୪ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଥିଲା । ସେପଟେ, ଦୁର୍ଘଟଣା ପରେ ବସ୍ ଡ୍ରାଇଭର ଫେରାର୍ ଥିବା ଜଣାପଡିଛି । ସେହିପରି ନିକଟରେ ଏଭଳି ଆଉ ଏକ ବସ୍ ଦୁର୍ଘଟଣା ବାଲେଶ୍ବର (Balasore) ଜିଲ୍ଲା ଜଳେଶ୍ବର  ୬୦ ନମ୍ବର  ଜାତୀୟ ରାଜପଥ ଆମ୍ବଳିଅଠା ବାଇପାସ୍ ନିକଟରେ ଘଟିଥିଲା । ଏଥିରେ ୪୦ରୁ (40 injured) ଅଧିକ ଯାତ୍ରୀ ଆହତ ହୋଇଥିବା ବେଳେ  ୮ ଜଣଙ୍କ ଅବସ୍ଥା ଗୁରୁତର ହୋଇଥିଲା । 


Also Read--Horoscope Today 25 July 2023: ଶୁଭଫଳ ସହ ଅର୍ଥ ଲାଭ ଯୋଗ! ଜାଣନ୍ତୁ କେଉଁ ରାଶି ପାଇଁ କେମିତି କଟିବ ଆଜିର ଦିନ ?