Benefits of Garlic Leaf: ଶୀତଦିନେ ଖାଆନ୍ତୁ ରସୁଣ ପତ୍ର, ଦୂର ହୋଇଯିବ ବଡ଼ ରୋଗ
ସବୁଜ ରସୁଣ ପତ୍ରରେ ଆପଣଙ୍କ ସ୍ୱାସ୍ଥ୍ୟ ପାଇଁ ଅନେକ ଔଷଧିୟ ଗୁଣ ଲୁଚି ରହିଛି । ତେଣୁ ଆପଣ ଶୀତଦିନେ ଏହାକୁ ଖାଦ୍ୟରେ ବ୍ୟବହାର କରିବା ଉଚିତ ।
ସବୁଜ ରସୁଣ ପତ୍ରରେ କ୍ୟାଲସିୟମ ଏବଂ ଜିଙ୍କ ସହିତ ପ୍ରଚୁର ପରିମାଣରେ ଭିଟାମିନ୍ ସି, ଫସଫରସ୍, ମାଙ୍ଗାନିଜ୍, ଆଇରନ ଏବଂ ଭିଟାମିନ ବି ଥାଏ । ରସୁଣର ସବୁଠାରୁ ଗୁରୁତ୍ୱପୂର୍ଣ୍ଣ ଉପାଦାନ ହେଉଛି ଆଲିସିନ୍ । ଏନଜାଇମ୍ ଆଲିଏନାଜ୍ ଦ୍ୱାରା ରୂପାନ୍ତରିତ, ଆଲିସିନ୍ ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଯୋଗାଇଥାଏ ଯାହା ଶରୀରକୁ ଅନେକ ରୋଗରୁ ରକ୍ଷା କରିବାରେ ସାହାଯ୍ୟ କରିଥାଏ ।
ସବୁଜ ରସୁଣରେ ଶରୀରର ରୋଗ ପ୍ରତିରୋଧକ ଶକ୍ତିକୁ ମଜବୁତ କରିବା, ହୃଦ୍ ରୋଗରୁ ରକ୍ଷା କରିବା ଏବଂ କେତେକ ପ୍ରକାରର କର୍କଟ ରୋଗ ହେବାର ଆଶଙ୍କାକୁ କମାଇବାର କ୍ଷମତା ରହିଛି
ରସୁଣର ସବୁଜ ପତ୍ରରେ ପ୍ରାକୃତିକ ଆଣ୍ଟିବାୟୋଟିକ୍ ଗୁଣ ରହିଛି । ଯଦି ଆପଣ ଥଣ୍ଡା କିମ୍ବା ସଂକ୍ରମଣ ସହିତ ସଂଘର୍ଷ କରୁଛନ୍ତି, ତେବେ ଆପଣଙ୍କ ସାଲାଡରେ କିଛି ସବୁଜ ରସୁଣ ପତ୍ର ବ୍ୟବହାର କରନ୍ତୁ । ଏହାକୁ ଖାଇବା ଦ୍ୱରା ଏଥିରେ ଥିବା ଭିଟାମିନ୍ ସି ରକ୍ତ କଣିକା ଉତ୍ପାଦନରେ ସାହାଯ୍ୟ କରେ ।
ସବୁଜ ରସୁଣ ପତ୍ର ଅନ୍ତନଳୀରେ ଥିବା ପ୍ରଦାହକୁ ଦୂର କରିଥାଏ । ଏଥିସହ ପେଟରେ କୌଣସି ସମସ୍ୟା ଥିଲେ ତାହାକୁ ଧିରେ ଧିରେ ଭଲ କରିବା ସହ ହଜମ ପ୍ରକ୍ରିୟାକୁ ସୁସ୍ଥ ରଖିଥାଏ । ରସୁଣରେ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟିବାୟୋଟିକ୍ ଗୁଣ ମିଳିଥାଏ ଯାହା ହଜମ ପ୍ରକ୍ରିୟାକୁ ସୁସ୍ଥ ରଖେ ।
ରସୁଣ ଏବଂ ତାହାର ପତ୍ରର ସକ୍ରିୟ ଉପାଦାନ ଆଲିସିନ୍, LDL ଖରାପ କୋଲେଷ୍ଟ୍ରଲ ସ୍ତରକୁ ହ୍ରାସ କରିବାରେ ଏବଂ HDL ଭଲ କୋଲେଷ୍ଟ୍ରଲ ସ୍ତରକୁ ବୃଦ୍ଧି କରିବାରେ ସାହାଯ୍ୟ କରିଥାଏ । ଏହା ରକ୍ତଚାପକୁ କମ କରିବାରେ ସାହାଯ୍ୟ କରିଥାଏ । ଯାହା ଆପଣଙ୍କର ହୃଦଘାତ ଏବଂ ଷ୍ଟ୍ରୋକର ଆଶଙ୍କାକୁ ମଧ୍ୟ କମାଇଥାଏ ।
ସବୁଜ ରସୁଣ ପତ୍ରରେ ଆଲିସିନ୍ ରହିଥାଏ ଯାହା କର୍କଟ କୋଷ ସହିତ ଲଢିବାରେ ସକ୍ଷମ । ଏକ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଭାବରେ, ଆଲିସିନ୍ କେବଳ କର୍କଟ ନୁହେଁ ଅନ୍ୟ ଅନେକ କ୍ରନିକ୍ ରୋଗକୁ ମଧ୍ୟ ରକ୍ଷା କରିବାରେ ସାହାଯ୍ୟ କରିଥାଏ । ଆପଣଙ୍କ ଶରୀରରେ ଅକ୍ସିଡେଟିଭ୍ ଚାପକୁ ହ୍ରାସ କରିବାରେ ସାହାଯ୍ୟ କରିଥାଏ । ଏଥିସହ ଏହା ସେଲୁଲାର୍ ମ୍ୟୁଟେସନ୍ ଏବଂ କର୍କଟ ବିକାଶର ବିପଦକୁ ହ୍ରାସ କରିଥାଏ ।
ସବୁଜ ରସୁଣ ପତ୍ର ଖାଇବା ଦ୍ୱାରା କିଡନୀ ମଜବୁତ ହୋଇଥାଏ । ଏହା ଯକୃତ ରୋଗରୁ ମଧ୍ୟ ରକ୍ଷା କରିଥାଏ । ରସୁଣ ସମଗ୍ର ଶରୀରକୁ ଡିଟକ୍ସାଇଫ କରିବାରେ ସାହାଯ୍ୟ କରେ । ତେଣୁ ଆପଣ ଶୀତଦିନେ ସବୁଜ ରସୁଣ ପତ୍ର ପାଇଲେ ଏହାକୁ ନିଶ୍ଚେ ଖାଦ୍ୟରେ ବ୍ୟବହାର କରି ଖାଆନ୍ତୁ ।
Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ସୂଚନା ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।