Top News Headlines: ଦିନଯାକର ୧୦ ପ୍ରମୁଖ ଖବର
Top 10 News Headlines | 25th February 2024: ବଲାଙ୍ଗିର ବଡ଼ମାଳ ସ୍ଥିତ ଗୋଳାବାରୁଦ କାରଖାନାରେ ଭୟଙ୍କର ବିସ୍ଫୋରଣ। ସଂକ୍ଷେପରେ ପଢ଼ନ୍ତୁ ଦିନଯାକର ୧୦ ପ୍ରମୁଖ ଖବର...
Top 10 News Headlines | 25th February 2024: 1. Odisha CM Declares Sonepur's Birmaharajpur As NAC: ସୁବର୍ଣ୍ଣପୁର ଜିଲ୍ଲାର ବୀରମହାରାଜାପୁରରେ ବିଜ୍ଞାପିତ ଅଞ୍ଚଳ ପରିଷଦ ଗଠନ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । କହିରଖୁଛୁ ଯେ ମୁଖ୍ୟମନ୍ତ୍ରୀ ଗତକାଲି ୩୪ଟି ନୂଆ ବିଜ୍ଞାପିତ ଅଞ୍ଚଳ ପରିଷଦ ଗଠନ ବିଷୟ ପୂର୍ବରୁ ଘୋଷଣା କରିଥିଲେ। ବୀରମହାରାଜପୁର ଏଥିରେ ସାମିଲ ହେବାଦ୍ୱାରା ନୂଆ ବିଜ୍ଞାପିତ ପରିଷଦ ସଂଖ୍ୟା ୩୫ରେ ପହଞ୍ଚିଲା। ବୀରମହାରାଜପୁର ସୁବର୍ଣ୍ଣପୁର ଜିଲ୍ଲାର ସବଡିଭିଜନ ମୁଖ୍ୟାଳୟ ଅଟେ।
2. Amrit Bharat Station Scheme: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୬ ଫେବ୍ରୁଆରୀ ମଧ୍ୟାର୍ଣ୍ଣ ୧୨:୩୦ ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ୪୧,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ୨୦୦୦ ରେଳ ଭିତ୍ତିଭୂମି ପ୍ରକଳ୍ପର ମୂଳଦୁଆ ପକାଇ ଦେଶକୁ ଉତ୍ସର୍ଗ କରିବେ। ଏହି ପ୍ରୟାସର ଏକ ପ୍ରମୁଖ ପଦକ୍ଷେପରେ ପ୍ରଧାନମନ୍ତ୍ରୀ ଅମୃତ ଭାରତ ଷ୍ଟେସନ ଯୋଜନା ଅନ୍ତର୍ଗତ ୫୫୩ ରେଳ ଷ୍ଟେସନର ପୁନଃ ନିର୍ମାଣ ପାଇଁ ଭିତ୍ତି ପ୍ରସ୍ତର ସ୍ଥାପନ କରିବେ। ୨୭ଟି ରାଜ୍ୟ ଏବଂ ୟୁନିଅନ୍ ଅଞ୍ଚଳରେ ବ୍ୟାପିଥିବା ଏହି ଷ୍ଟେସନଗୁଡିକ ୧୯,୦୦୦ କୋଟି ଟଙ୍କାରୁ ଅଧିକ ମୂଲ୍ୟରେ ପୁନଃ ନିର୍ମାଣ ହେବ।
3. Explosion reported at Badmal ordnance factory in Balangir: ବଲାଙ୍ଗିର ବଡ଼ମାଳ ସ୍ଥିତ ଗୋଳାବାରୁଦ କାରଖାନାରେ ଭୟଙ୍କର ବିସ୍ଫୋରଣ ଘଟିଥିବା ସୂଚନା ମିଳିଛି । ତେବେ ଏଥିରେ କେତେ କ୍ଷୟକ୍ଷତି କିମ୍ୱା କେହି ଆହତ ହୋଇଛନ୍ତି କି ନାହିଁ ତାହା ସ୍ପଷ୍ଟ ଜଣାପଡିନାହିଁ । ବିସ୍ଫୋରଣ ପରେ କାରଖାନା ଚାରିପଟେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଘଟଣାସ୍ଥଳରେ ଦମକଳ ଗାଡି ସହିତ ଆମ୍ୱୁଲାନ୍ସ ମଧ୍ୟ ପହଞ୍ଚିଛି ।
4. President Droupadi Murmu Odisha Visit: ୨୯ ଫେବ୍ରୁଆରୀ ରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୟୂରଭଞ୍ଜ ଜିଲ୍ଲାର ଖିଚିଙ୍ଗ ଗସ୍ତ କରିବେ। ତାଙ୍କର ଦୁଇ ଦିନିଆ ଜିଲ୍ଲା ଗସ୍ତ ପାଇଁ ବିସ୍ତୃତ ସୁରକ୍ଷା ବ୍ୟବସ୍ଥା କରାଯିବ। ରବିବାର ଦିନ ଭାରତୀୟ ବାୟୁସେନା ଅଧିକାରୀମାନେ ଏକ ସ୍ୱତନ୍ତ୍ର ବିମାନରେ ଆସି ପାଣ୍ଡୁରଶିଲ ଗ୍ରାମରେ ହେଲିପ୍ୟାଡରେ ଅବତରଣ କରିଥିଲେ। ସେମାନେ ପୋଲିସ ଅଧିକାରୀଙ୍କ ସହ ଉକ୍ତ ସ୍ଥାନରେ ସୁରକ୍ଷା ବ୍ୟବସ୍ଥା ଉପରେ ନଜର ରଖିଥିଲେ। ସୁରକ୍ଷା ବ୍ୟବସ୍ଥା ସମ୍ପର୍କରେ ପୋଲିସ ଅଧିକାରୀଙ୍କ ସହ ଆଲୋଚନା କରିବା ପରେ ସେମାନେ ନୂଆଦିଲ୍ଲୀ ଫେରିଥିଲେ।
5. PM Modi dedicated 5 New AIIMS: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପାଞ୍ଚଟି ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) କୁ ଦେଶ ପାଇଁ ଉତ୍ସର୍ଗ କରିଛନ୍ତି। ଏଥିରେ ରାଜକୋଟ (ଗୁଜୁରାଟ), ବଥିଣ୍ଡା (ପଞ୍ଜାବ), ରାୟ ବରେଲି (ଉତ୍ତରପ୍ରଦେଶ), କଲ୍ୟାଣୀ (ପଶ୍ଚିମବଙ୍ଗ) ଓ ମଙ୍ଗଳାଗିରି (ଆନ୍ଧ୍ରପ୍ରଦେଶ) ର AIIMS ଅନ୍ତର୍ଭୁକ୍ତ। ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ଅନେକ ପ୍ରକଳ୍ପର ମୂଳଦୁଆ ପକାଇଛନ୍ତି।
6. Odisha Weather Update: ଓଡି଼ଶାର ବିଭିନ୍ନ ଜିଲ୍ଲାରେ ୨୮ ଫେବ୍ରୁଆରୀ ପର୍ଯ୍ୟନ୍ତ ହାଲୁକାରୁ ମଧ୍ୟମ ଧରଣର ବର୍ଷା ଓ ବଜ୍ରପାତ ଜାରି ରହିବ ବୋଲି ଭାରତ ପାଣିପାଗ ବିଭାଗ (ଆଇଏମଡି) ରବିବାର ଦିନ ମଧ୍ୟାହ୍ନ ବୁଲେଟିନରେ ପୂର୍ବାନୁମାନ କରିଛି। ୨୭ ତାରୀଖରେ ନୁଆପଡା, ବରଗଡ, ଝାରସୁଗୁଡା, ସୁନ୍ଦରଗଡ, ବୋଲାଙ୍ଗୀର, ସୁବର୍ଣ୍ଣପୁର, ଅନୁଗୁଳ, କାଳାହାଣ୍ଡି, କନ୍ଦମାଳ, ବୌଦ୍ଧ, ସମ୍ବଲପୁର ଓ ଦେଓଗଡ଼ରେ ହାଲୁକା ରୁ ମଧ୍ୟମ ବର୍ଷା କିମ୍ବା ବଜ୍ରପାତ ହେବାର ସମ୍ଭାବନା ଅଛି। ବାକି ରାଜ୍ୟରେ ଶୁଖିଲା ପାଣିପାଗ ପୂର୍ବାନୁମାନ କରାଯାଇଛି।
7. Ex-Odisha minister Debasis Nayak quits BJD: ବିଜୁ ଜନତା ଦଳର (ବିଜେଡି) ଭେଟେରାନ ନେତା ତଥା ଓଡିଶାର ପୂର୍ବତନ କ୍ୟାବିନେଟ ମନ୍ତ୍ରୀ ଦେବାଶିଷ ନାୟକ ରବିବାର ଦିନ ନବୀନ ପଟ୍ଟନାୟକ ନେତୃତ୍ୱାଧୀନ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି।
8. Arvind Kejriwal News: ଦିଲ୍ଲୀ ମୁଖ୍ୟମନ୍ତ୍ରୀ ତଥା ବରିଷ୍ଠ ଆମ୍ ଆଦମୀ ପାର୍ଟି (AAP) ନେତା ଅରବିନ୍ଦ କେଜ୍ରିୱାଲ ବିଜେପି ନେତୃତ୍ୱାଧୀନ କେନ୍ଦ୍ର ସରକାରଙ୍କ ଉପରେ ତୀବ୍ର ଆଟାକ୍ କରି କହିଛନ୍ତି ଯେ ଜାତୀୟ ରାଜଧାନୀରେ ସରକାର ଚଳାଇବା ପାଇଁ ତାଙ୍କୁ 'ନୋବେଲ ପୁରସ୍କାର' ମିଳିବା ଉଚିତ। ଜଳ ବିଲ୍କୁ ବିରୋଧ କରି ତାଙ୍କ ଦଳର କର୍ମୀଙ୍କୁ ସମ୍ବୋଧିତ କରି ସିଏମ୍ କେଜ୍ରିୱାଲ କହିଛନ୍ତି, 'ମୁଁ ଦିଲ୍ଲୀରେ ଏପରି ବିଦ୍ୟାଳୟ ନିର୍ମାଣ କରିବି ଯାହା ସମଗ୍ର ବିଶ୍ୱ ମନେ ରଖିବ। ସେମାନେ (ବିଜେପି) ଦିଲ୍ଲୀ ସ୍କୁଲ ବନ୍ଦ କରିବାକୁ ଚେଷ୍ଟା କରିଥିଲେ ...।'
9. Ravichandran Ashwin Records: ରାଞ୍ଚିରେ ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରେ ଭାରତର ଭେଟେରାନ୍ ସ୍ପିନର ରବିଚନ୍ଦ୍ରନ ଅଶ୍ୱିନ (Ravichandran Ashwin) ଏକ ପ୍ରମୁଖ ସଫଳତା ହାସଲ କରିଛନ୍ତି। ଅଶ୍ୱିନ ଇଂଲଣ୍ଡର ଦ୍ୱିତୀୟ ଇନିଂସରେ ଓଲି ପୋପଙ୍କୁ ଆଉଟ୍ କରି ଇତିହାସ ସୃଷ୍ଟି କରିଥିଲେ। ଓଲି ପୋପଙ୍କ ବ୍ୟତୀତ ସେ ବେନ୍ ଡକେଟ୍, ଜୋ ରୁଟ୍, ବେନ୍ ଫକ୍ସ ଏବଂ ଜେମ୍ସ ଆଣ୍ଡରସନଙ୍କୁ ମଧ୍ୟ ଆଉଟ୍ କରିଛନ୍ତି। ନିକଟରେ ଟେଷ୍ଟରେ ୫୦୦ ୱିକେଟ୍ ପୂରଣ କରିଥିବା ଏହି ବୋଲର ପୂର୍ବତନ ସ୍ପିନର ଅନିଲ କୁମ୍ବଲେଙ୍କ (Anil Kumble) ରେକର୍ଡ ଭାଙ୍ଗିଛନ୍ତି।
10. India vs England, 4th Test Day 3: ରାଞ୍ଚି ଟେଷ୍ଟ ମ୍ୟାଚର ତୃତୀୟ ଦିନର ଖେଳ ଟିମ୍ ଇଣ୍ଡିଆ ନାମରେ ରହିଛି। ଇଂଲଣ୍ଡ ଦଳ ଦୁଇଟି ସପୂର୍ଣ୍ଣ ଅଧିବେଶନ ମଧ୍ୟ ଖେଳି ପାରି ନଥିଲା। ଏଥି ସହିତ, ଜିତିବାକୁ ଭାରତୀୟ ଦଳକୁ ଚତୁର୍ଥ ଦିନରେ ମାତ୍ର ୧୫୨ ରନ୍ ସ୍କୋର କରିବାକୁ ପଡିବ। ୧୦ଟି ୱିକେଟ୍ ମଧ୍ୟ ଭାରତ ହାତରେ ଅଛି। ମ୍ୟାଚରେ ଚତୁର୍ଥ ଦିନରେ ଟିମ୍ ଇଣ୍ଡିଆକୁ ଜିତିବା ପାଇଁ ବାକି ୧୫୨ ରନ୍ ସ୍କୋର କରିବାକୁ ପଡିବ। ରୋହିତ ଶର୍ମା (୨୪) ଓ ଯଶସ୍ୱୀ ଜୈସୱାଲ (୧୬) ଅପରାଜିତ ଅଛନ୍ତି।