Hajj Pilgrimage: ଅତ୍ୟଧିକ ଗରମ ନେଲା ୧,୩୦୦ ତୀର୍ଥଯାତ୍ରୀଙ୍କ ଜୀବନ
Hajj Pilgrimage: ଯଦିଓ ସାଉଦି ଆରବ ହଜରେ ଗତ କିଛି ବର୍ଷ ମଧ୍ୟରେ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି, କିନ୍ତୁ ଏପର୍ଯ୍ୟନ୍ତ ପଞ୍ଜୀକୃତ ତୀର୍ଥଯାତ୍ରୀଙ୍କ ପାଇଁ ଯଥେଷ୍ଟ ସୁବିଧା ନକରିବାରୁ ଏହା ସମାଲୋଚନାର ସମ୍ମୁଖୀନ ହୋଇଛି। MEA ମୁଖପାତ୍ର ରାନ୍ଧୀର ଜୈସୱାଲଙ୍କ ଅନୁଯାୟୀ ଚଳିତ ବର୍ଷ ତୀର୍ଥଯାତ୍ରା ସମୟରେ ୯୮ ଜଣଙ୍କର ମୃତ୍ୟୁ ଘଟିଛି।
Hajj Pilgrimage: ସାଉଦି ଆରବରେ ହେଉଥିବା ବାର୍ଷିକ ହଜ୍ ତୀର୍ଥଯାତ୍ରା ସମୟରେ ଅତ୍ୟଧିକ ଉତ୍ତାପ ଯୋଗୁଁ ୧,୩୦୦ ରୁ ଅଧିକ ଲୋକ ପ୍ରାଣ ହରାଇଛନ୍ତି ବୋଲି ଅଧିକାରୀମାନେ କହିଛନ୍ତି। ମୃତକଙ୍କ ମଧ୍ୟରେ ୯୮ ଜଣ ଭାରତୀୟ ଅଛନ୍ତି ବୋଲି ଭାରତ ସରକାର କହିଛନ୍ତି। ମୃତ୍ୟୁବରଣ କରିଥିବା ଅର୍ଦ୍ଧାଧିକ ଲୋକ ପଞ୍ଜୀକୃତ ତୀର୍ଥଯାତ୍ରୀ ଥିଲେ ଏବଂ ଅନିୟମିତ ଚ୍ୟାନେଲ ମାଧ୍ୟମରେ ହଜ୍ ରେ ଯୋଗ ଦେଇଥିଲେ, ଯାହାଦ୍ୱାରା ସେମାନଙ୍କୁ ଏୟାର କଣ୍ଡିସନର ଟେଣ୍ଟ ଏବଂ ବସ୍ ଭଳି ସୁବିଧା ଉପଲବ୍ଧ ହୋଇପାରି ନଥିଲା।
ଯଦିଓ ସାଉଦି ଆରବ ହଜରେ ଗତ କିଛି ବର୍ଷ ମଧ୍ୟରେ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି, କିନ୍ତୁ ଏପର୍ଯ୍ୟନ୍ତ ପଞ୍ଜୀକୃତ ତୀର୍ଥଯାତ୍ରୀଙ୍କ ପାଇଁ ଯଥେଷ୍ଟ ସୁବିଧା ନକରିବାରୁ ଏହା ସମାଲୋଚନାର ସମ୍ମୁଖୀନ ହୋଇଛି। MEA ମୁଖପାତ୍ର ରାନ୍ଧୀର ଜୈସୱାଲଙ୍କ ଅନୁଯାୟୀ ଚଳିତ ବର୍ଷ ତୀର୍ଥଯାତ୍ରା ସମୟରେ ୯୮ ଜଣଙ୍କର ମୃତ୍ୟୁ ଘଟିଛି। “ସୂଚନା ଅନୁସାରେ ଅତ୍ୟଧିକ ଖରା ଓ ଗରମ ଯୋଗୁ ମୃତ୍ୟୁ ମୁଖରେ ପଡ଼ିଛନ୍ତି। ଅନ୍ୟ ଦେଶର ଲୋକମାନେ ଅଧିକ କ୍ଷତିଗ୍ରସ୍ତ ହୋଇଥିବା ବେଳେ ଆମ ଦେଶରୁ ଆରାଫତ ଦିନ ୬ ଜଣଙ୍କର ମୃତ୍ୟୁ ଘଟିଛି ବୋଲି କୁହାଯାଉଛି।
ସାଉଦି ଆରବରେ ମକ୍କା ପାଇଁ ହଜ୍ ହେଉଛି ବାର୍ଷିକ ଇସଲାମ ତୀର୍ଥଯାତ୍ରା ଯେଉଁଠିକି ପ୍ରତ୍ୟେକ ମୁସଲମାନ ଜୀବନରେ ଥରେ ଯିବା ପାଇଁ ସ୍ୱପ୍ନ ଦେଖିଥାଏ। କିଛି ମୁସଲମାନ ଏହି ଯାତ୍ରାକୁ ଏକାଧିକ ଥର କରନ୍ତି। ଏହା ଇସଲାମିକ୍ କ୍ୟାଲେଣ୍ଡର ବର୍ଷର ଦ୍ୱାଦଶ ତଥା ଅନ୍ତିମ ମାସ ଧୁଲ-ହିଜା ଇସଲାମିକ୍ ଚନ୍ଦ୍ର ମାସରେ ବର୍ଷରେ ଥରେ ହୋଇଥାଏ।
ଏହି ବର୍ଷ ମୃତ୍ୟୁର କାରଣ କ’ଣ?
ଅତ୍ୟଧିକ ଉତ୍ତାପ: ଅଧିକ ଉତ୍ତାପ ମୃତ୍ୟୁର ମୁଖ୍ୟ କାରଣ ବୋଲି କୁହାଯାଉଛି। ସାଉଦି ଆରବ ସ୍ୱାସ୍ଥ୍ୟ ମନ୍ତ୍ରଣାଳୟ ତୀର୍ଥଯାତ୍ରୀମାନଙ୍କୁ ଉତ୍ତାପ ଏକ୍ସପୋଜରରୁ ଦୂରେଇ ରହିବା ଏବଂ ହାଇଡ୍ରେଟେଡ୍ ରହିବାକୁ ଚେତାବନୀ ଦେଇଥିଲା କିନ୍ତୁ ଅନେକେ ହିଟ୍ ଷ୍ଟ୍ରୋକର ଶିକାର ହୋଇଛନ୍ତି। ବୈଜ୍ଞାନିକମାନେ କହିଛନ୍ତି ଯେ ଗ୍ରୀଷ୍ମ ପ୍ରବାହ ମାତ୍ରାଧିକ ବଢ଼ିବାରେ ଲାଗିଛ, ଯାହାକି ଯାତ୍ରୀଙ୍କ ମୃତ୍ୟୁର କାରଣ ଭାବେ ଉଭା ହୋଇଛି।
ଅତ୍ୟଧିକ ଗହଳି: ଅତ୍ୟଧିକ ଗହଳି ଯୋଗୁ ତୀର୍ଥଯାତ୍ରୀଙ୍କ ସ୍ୱାସ୍ଥ୍ୟବସ୍ଥାରେ ଖରାପ ହେବାରେ ଲାଗିଛି। ଅତ୍ୟଧିକ ଜନଗହଳିପୂର୍ଣ୍ଣ ତମ୍ବୁରେ ପର୍ଯ୍ୟାପ୍ତ ଥଣ୍ଡା ଏବଂ ପରିମଳ ସୁବିଧା ଯୋଗାଇଯାଇପାରୁନାହିଁ।
ପରିବହନ: କେତେକ ତୀର୍ଥଯାତ୍ରୀ ଅତ୍ୟଧିକ ଉତ୍ତାପରେ ଦୂର ଦୁରାନ୍ତରୁ ଚାଲାଚାଲି ଆସୁଥିବା କୁହାଯାଉଛି। ପରିବହନ ବ୍ୟବସ୍ଥାର କମି ଯୋଗୁ ଏଭଳି ଅବସ୍ଥା ଦେଖିବାକୁ ମିଳୁଛି।