7th pay commission DA Hike: କେନ୍ଦ୍ର ସରକାର (Central Government Employees) ନିଜର କର୍ମଚାରୀ ଓ ପେନସନଭୋଗୀଙ୍କ ପାଇଁ ମାର୍ଚ୍ଚ ମାସରେ ମହଙ୍ଗା ଭତ୍ତା (Dearness Allowance) ଘୋଷଣା କରିଥିଲେ । କେନ୍ଦ୍ରର ମୋଦି ସରକାର (Modi Govt) ମାର୍ଚ୍ଚରେ ଜାନୁଆରୀ ୨୦୨୩ର ମହଙ୍ଗା ଭତ୍ତା (DA Hike) ଘୋଷଣା କରିଥିଲେ। ଛଅ ମାସ ପରେ ପରବର୍ତ୍ତୀ ମହଙ୍ଗା ଭତ୍ତା ଘୋଷଣା କରାଯାଇଥାଏ । ପ୍ରତି ଛଅ ମାସ ଆଧାରରେ ଏଥର କେନ୍ଦ୍ର ସରକାର ଜୁଲାଇ ମାସ ପାଇଁ ମହଙ୍ଗା ଭତ୍ତା (DA) ଘୋଷଣା କରିବେ । ତେବେ, AICPI ସୂଚକାଙ୍କ  (AICPI Index) ଆଧାରରେ ସେପ୍ଟେମ୍ବରରେ ଜୁଲାଇର ମହଙ୍ଗା ଭତ୍ତା (DA) ଘୋଷଣା ହେବାର ସମ୍ଭାବନା ଅଛି । କିନ୍ତୁ ଏହାକୁ ନେଇ ପ୍ରସ୍ତୁତି ଆରମ୍ଭ ହୋଇସାରିଛି ।


COMMERCIAL BREAK
SCROLL TO CONTINUE READING

ଜୁଲାଇ ୧, ୨୦୨୩ ଠାରୁ ସରକାରୀ କର୍ମଚାରୀଙ୍କ ପାଇଁ ଲାଗୁ ହେବାକୁ ଥିବା ମହଙ୍ଗା ଭତ୍ତା (DA) କେତେ ବୃଦ୍ଧି ହେବ, ଏହା ପ୍ରାୟ ଆକଳନ କରାଯାଇଛି । କିନ୍ତୁ ଏପର୍ଯ୍ୟନ୍ତ କୌଣସି ସ୍ପଷ୍ଟତା ନାହିଁ । ବର୍ତ୍ତମାନ କର୍ମଚାରୀମାନଙ୍କୁ ୪୨ ପ୍ରତିଶତ ହାରରେ ମହଙ୍ଗା ଭତ୍ତା (Dearness Allowance) ସରକାର ପ୍ରଦାନ କରୁଛନ୍ତି । ଏହା ଜାନୁଆରୀ ୨୦୨୩ରୁ କାର୍ଯ୍ୟକାରୀ ହୋଇଛି । ଏପ୍ରିଲ୍ ବେତନରେ ବର୍ଦ୍ଧିତ ମହଙ୍ଗା ଭତ୍ତା ବା ଡିଏ ଓ ବକେୟା ଟଙ୍କା କର୍ମଚାରୀଙ୍କ ଆକାଉଣ୍ଟକୁ ଆସିବ । ଆପଣଙ୍କୁ କହି ରଖୁଛୁ ଯେ, ସପ୍ତମ ବେତନ କମିଶନ ଅଧୀନରେ ପ୍ରତି ୬ ମାସରେ ମହଙ୍ଗା ଭତ୍ତା ବା DA ସଂଶୋଧିତ ହୁଏ ।


ଜୁଲାଇରେ ବଢ଼ିବାକୁ ଯାଉଥିବା ମହଙ୍ଗା ଭତ୍ତା କର୍ମଚାରୀଙ୍କୁ ଜାନୁଆରୀରୁ ଜୁନ୍ ୨୦୨୩ ପର୍ଯ୍ୟନ୍ତ AICPI ସୂଚକାଙ୍କ ଆଧାରରେ ଦିଆଯିବ । ନୂତନ ମହଙ୍ଗା ଭତ୍ତା ପାଇଁ AICPI ଇଣ୍ଡେକ୍ସର ନୂତନ ଗଣନା ଏପ୍ରିଲ ୨୮ ସନ୍ଧ୍ୟାରେ ଆସିବ । ଏଥିରୁ ଏହା ସ୍ପଷ୍ଟ ହେବ ଯେ ଏଥର ମହଙ୍ଗା ଭତ୍ତା କେତେ ବୃଦ୍ଧି ପାଇବ? ବର୍ତ୍ତମାନ ସୂଚକାଙ୍କ ଆଧାରରେ ମହଙ୍ଗା ଭତ୍ତା ୪୩.୭୯ ପ୍ରତିଶତରେ ପହଞ୍ଚିଛି । ଅର୍ଥାତ୍ ଫେବୃଆରୀ ପର୍ଯ୍ୟନ୍ତ ୪୪ ପ୍ରତିଶତ ମହଙ୍ଗା ଭତ୍ତା ସ୍ଥିର କରାଯାଇଛି । ବର୍ତ୍ତମାନ ମାର୍ଚ୍ଚ ପାଇଁ ଏହି ସଂଖ୍ୟା ଏପ୍ରିଲ ୨୮ ସନ୍ଧ୍ୟାରେ ଆସିବ ।


ଫେବୃଆରୀରେ ମହଙ୍ଗା ଭତ୍ତାରେ ବୃଦ୍ଧି ଘଟିଛି । କିନ୍ତୁ ଏହି ମାସରେ ସୂଚକାଙ୍କ ସଂଖ୍ୟା ୧୩୨.୮ରୁ ଖସି ୧୩୨.୭କୁ ଆସିଛି । ଏପ୍ରିଲ ୨୮ରେ ଆସିବାକୁ ଥିବା ମାର୍ଚ୍ଚ ଡାଟାରେ ବୃଦ୍ଧି ଆଶା କରାଯାଉଛି । ଏହା ପରେ ଏପ୍ରିଲ୍, ମେ ଏବଂ ଜୁନ୍ ସଂଖ୍ୟାଗୁଡିକ ଫାଇନାଲ୍ ମହଙ୍ଗା ଭତ୍ତା / ମହଙ୍ଗା ରିଲିଫ୍ (DA / DR) ର ସ୍କୋର ସ୍ଥିର କରିବ । ବିଶେଷଜ୍ଞମାନେ ଆଶା କରୁଛନ୍ତି ଯେ, ଏଥର ମଧ୍ୟ ମହଙ୍ଗା ଭତ୍ତାରେ ୪ ପ୍ରତିଶତ ବୃଦ୍ଧି ହେବ । ସେହି ଅନୁଯାୟୀ, ଏହା ବର୍ତ୍ତମାନର ୪୨ ପ୍ରତିଶତରୁ ୪୬ ପ୍ରତିଶତକୁ ବୃଦ୍ଧି ପାଇପାରେ ।


ଅଧିକ ପଢ଼ନ୍ତୁ-ଟିମ୍ ଇଣ୍ଡିଆର ଘୋଷଣା ହେବା ମାତ୍ରେ ଶେଷ ହେଲା ଏହି ଖେଳାଳିଙ୍କ ଟେଷ୍ଟ କ୍ୟାରିୟର! ଚୟନକର୍ତ୍ତା ଦଳରୁ କଲେ ବାହାର


ଅଧିକ ପଢ଼ନ୍ତୁ-WTC ଫାଇନାଲ ପାଇଁ ଟିମ୍ ଇଣ୍ଡିଆର ହେଲା ଘୋଷଣା, ଶ୍ରେୟସ ଆୟରଙ୍କ ସ୍ଥାନରେ ଦଳକୁ ଫେରିଲେ ଏହି ଖତରନାକ୍ ଖେଳାଳି


ଅଧିକ ପଢ଼ନ୍ତୁ-ଶନି ସୃଷ୍ଟି କଲେ 'ଶଶ ରାଜ ଯୋଗ', ୩୦ ମାସ ପର୍ଯ୍ୟନ୍ତ ୫ଟି ରାଶି ଉପରେ ବର୍ଷିବ ବମ୍ପର ଧନ!


ଶ୍ରମ ମନ୍ତ୍ରଣାଳୟରୁ ମିଳିଥିବା ସୂଚନା ଅନୁଯାୟୀ, ଗ୍ରାହକ ମୂଲ୍ୟ ସୂଚକାଙ୍କ (CPI-IW) ଆଧାରରେ ଡିଏ ଗଣନା କରାଯାଏ । ଦେଶରେ ମୁଦ୍ରାସ୍ଫୀତି କିପରି ବୃଦ୍ଧି ପାଉଛି? ସେହି ଅନୁଯାୟୀ, କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରାଯାଇଥାଏ । ବର୍ତ୍ତମାନ ଜାନୁୟାରୀ ମାସରେ ସରକାର ମହଙ୍ଗା ଭତ୍ତାକୁ ୪ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ସୂଚନାଯୋଗ୍ୟ, ସରକାରଙ୍କ ଦ୍ୱାରା ବର୍ଷକୁ ଦୁଇଥର ମହଙ୍ଗା ଭତ୍ତା ବୃଦ୍ଧି କରାଯାଏ । ଏହା ଜାନୁଆରୀ ଓ ଜୁଲାଇରେ କାର୍ଯ୍ୟକାରୀ ହୋଇଥାଏ । ତେବେ ଏହି ଘୋଷଣା ପ୍ରତିବର୍ଷ ବିଳମ୍ବରେ ହୋଇଥାଏ । ଯେପରି ଜାନୁଆରୀ ପାଇଁ ମହଙ୍ଗା ଭତ୍ତା ନିଷ୍ପତ୍ତି ମାର୍ଚ୍ଚରେ ନିଆଯାଇଛି । ସେହିଭଳି ଜୁଲାଇ ପାଇଁ ନିଷ୍ପତ୍ତି ସେପ୍ଟେମ୍ବର-ଅକ୍ଟୋବରରେ ନିଆଯାଇଥାଏ ।