Crop Loss: ବର୍ଷା ଉଜାଡ଼ି ଦେଲା ଚାଷ, ପାଣିରେ ଭାଷୁଛି ଚଷା ପୁଅର ପରିଶ୍ରମ

Crop Loss: ସରକାର ଧାର୍ଯ୍ୟ କରିଥିବା ଏଫ କ୍ୟୁ ମାନର ଧାନ ମଣ୍ଡିରେ ଦେବା ପାଇଁ ନିର୍ଦ୍ଧାରଣ କରିଥିବା ବେଳେ ଅଦିନିଆ ବର୍ଷା ଧାନ ଫସଲ ଉଜାଡି ଦେଇଥିବାରୁ ଚାଷୀ ମୁଣ୍ଡରେ ଚଡକ ପଡିଛି। ବର୍ଷକର ଆହାର ବିଲରେ ଭାସୁଥିବା ବେଳେ ଧାର କରଜ କରି ଚାଷୀ କିପରି ଲୋନ ସୁଝିବ ତାକୁ ନେଇ ଚାଷୀମାନେ ଏବେ ଚିନ୍ତାରେ ରହିଛନ୍ତି।

Crop Loss: (ନାରାୟଣ ବେହେରା) ପାଣିରେ ଭାସୁଛି ଚାଷୀଙ୍କ ଧାନ। ଗତ ଦୁଇଦିନ ଧରି ଲଗାଣ ବର୍ଷା ଫଳରେ ଧାନ ବିଲରେ ପାଣି ଲହଡା ମାରୁଛି। ଧାନ ଗଛ ମୂଳ ପଚି ଯାଇଥିବା ବେଳେ ପଡି ଯାଇଥିବା ଧାନ ଗୁଡିକ ପାଣିରେ କଳା ପଡି ନଷ୍ଟ ହୋଇହୋଇଛି। ଏହା ସହିତ ବିଲରେ କଟା ଯାଇଥିବା ଧାନର ଅବସ୍ଥା ଆହୁରି ସଙ୍ଗିନ ହୋଇଛି। ବନ୍ଧା ଯାଇଥିବା ଧାନ ହଳା ଗୁଡିକ ଉପରେ ପାଣି ଜମି ରହିଥିବାରୁ ଚାଷୀ ଜୀବନ ଆକୁଳରେ ପାଣିରୁ ଧାନ ଛାଣି ହିଡ ମୁଣ୍ଡରେ ରଖୁଥିବା ଦେଖାଯାଇଛି।

ପାଣିରେ ଭାସୁଛି ଚାଷୀଙ୍କ ଧାନ। ଗତ ଦୁଇଦିନ ଧରି ଲଗାଣ ବର୍ଷା ଫଳରେ ଧାନ ବିଲରେ ପାଣି ଲହଡା ମାରୁଛି। #jagatsinghpur #rain pic.twitter.com/Wh5Q93xSD6

— ZEE Odisha News (@ZeeOdisha) December 22, 2024

 ଆଜି ଧାନ ଗଜା ହୋଇଯିବାର ସମ୍ଭାବନା ଥିବା ବେଳେ ଆଉ ଧାନ ଉଦ୍ଧାର ହେବା ସମ୍ଭବ ନୁହେଁ ବୋଲି ଜଗତସିଂହପୁର ଜିଲ୍ଲାର ଚାଷୀ ମାନେ କହିଛନ୍ତି। ଅନ୍ୟ ପଟରେ ସରକାର ଧାର୍ଯ୍ୟ କରିଥିବା ଏଫ କ୍ୟୁ ମାନର ଧାନ ମଣ୍ଡିରେ ଦେବା ପାଇଁ ନିର୍ଦ୍ଧାରଣ କରିଥିବା ବେଳେ ଅଦିନିଆ ବର୍ଷା ଧାନ ଫସଲ ଉଜାଡି ଦେଇଥିବାରୁ ଚାଷୀ ମୁଣ୍ଡରେ ଚଡକ ପଡିଛି। ବର୍ଷକର ଆହାର ବିଲରେ ଭାସୁଥିବା ବେଳେ ଧାର କରଜ କରି ଚାଷୀ କିପରି ଲୋନ ସୁଝିବ ତାକୁ ନେଇ ଚାଷୀମାନେ ଏବେ ଚିନ୍ତାରେ ରହିଛନ୍ତି।