UIDAI New Rules on Date of Birth: ଯଦି ଆପଣ ଜନ୍ମ ପ୍ରମାଣପତ୍ର ଭାବେ ଆଧାର କାର୍ଡ ବ୍ୟବହାର କରୁଛନ୍ତି, ତାହେଲେ ଏହି ଖବର ଆପଣଙ୍କ ପାଇଁ ଉଦ୍ଦିଷ୍ଟ। ବର୍ତ୍ତମାନ ଠାରୁ ଆପଣ ଆଧାର କାର୍ଡକୁ ଜନ୍ମ ତାରିଖର ପ୍ରମାଣପତ୍ର ଭାବରେ ବ୍ୟବହାର କରିପାରିବେ ନାହିଁ। ଆଧାର କାର୍ଡ ଜାରି କରୁଥିବା ଭାରତୀୟ ସ୍ୱତନ୍ତ୍ର ପରିଚୟ ପ୍ରାଧିକରଣ ଦ୍ୱାରା ନିୟମ ପରିବର୍ତ୍ତନ କରାଯାଇଛି। ହଁ ଆଜ୍ଞା ବର୍ତ୍ତମାନ ଠାରୁ ଆଧାର କାର୍ଡ ରେ ଲେଖାଯାଇଥିବା ଜନ୍ମ ତାରିଖ କୌଣସି ଦସ୍ତାବିଜ ରେ ଜନ୍ମ ତାରିଖ ପାଇଁ ବୈଧ ହେବ ନାହିଁ। ସମ୍ପୃକ୍ତ ପ୍ରମାଣପତ୍ର ସହିତ ଜନ୍ମ ପ୍ରମାଣପତ୍ର ଉପସ୍ଥାପନ କରିବା ଆବଶ୍ୟକ ହେବ। ଏହା ପରେ ଯାଇ ସମ୍ପୃକ୍ତ ଦସ୍ତାବିଦ ଏବଂ ଆବେଦନ ବୈଧ ହେବ। 


COMMERCIAL BREAK
SCROLL TO CONTINUE READING

୨୦୨୩ ଡିସେମ୍ବର ପହିଲାରୁ ଲାଗୁ ହେଲା ନିୟମ 
ଗତ ଡିସେମ୍ବର ୧ ତାରିଖରୁ ଏହି ନୂତନ ବ୍ୟବସ୍ଥା ଲାଗୁ କରାଯାଇଛି। ଏନେଇ ଭାରତର ସ୍ୱତନ୍ତ୍ର ପରିଚୟ ପ୍ରାଧିକରଣ (Unique Identification Authority of India) ୟୁଆଇଡିଏଆଇ (UIDAI) ପକ୍ଷରୁ ଏକ ନିର୍ଦ୍ଦେଶ ଜାରି କରାଯାଇଛି। ତାରିଖ, ମାସ ଏବଂ ବର୍ଷ ଆଦି ତଥ୍ୟ ପରିବର୍ତ୍ତନ କରି ଆଧାରରେ ଜନ୍ମ ତାରିଖ ବଦଳାଇ (Date of Birth Change Aadhaar Card) ହେଉଥିବା ଠକେଇକୁ ରୋକିବା ପାଇଁ ଏପରି ପଦକ୍ଷେପ ନିଆଯାଇଛି। ଏପରିକି ନୂତନ ସୃଷ୍ଟି ହୋଇଥିବା ଆଧାର ପାଇଁ ମଧ୍ୟ ଏହାକୁ ଜନ୍ମ ତାରିଖ ଭାବରେ ବ୍ୟବହାର ନ କରିବା ବିଷୟରେ ମଧ୍ୟ ଆଧାର କାର୍ଡ (Aadhaar Card) ରେ ଉଲ୍ଲେଖ କରାଯାଇଛି। ନୂତନ ଆଧାର କାର୍ଡ ଡାଉନଲୋଡ୍ (New Aadhaar Card Download) କରିବା ବିଷୟରେ ଏ ସମ୍ପର୍କରେ ସମସ୍ତ ସୂଚନା ଲେଖାଯିବ।


ଯାଞ୍ଚ ପାଇଁ ଜନ୍ମ ପ୍ରମାଣପତ୍ର ଉପସ୍ଥାପନ କରିବା ଆବଶ୍ୟକ
ନୂତନ ନିୟମ ଲାଗୁ ହେବା ପରେ ଆପଣଙ୍କୁ ଆଧାର କାର୍ଡ ସହିତ ଜନ୍ମ ପ୍ରମାଣପତ୍ର ଉପସ୍ଥାପନ କରିବାକୁ ହେବ। ଆଧାର ପରିଯୋଜନା ଉପନିର୍ଦ୍ଦେଶକ ରାକେଶ ବର୍ମା କହିଛନ୍ତି ଯେ ନୂତନ ନିୟମ ସହିତ ଶିକ୍ଷାନୁଷ୍ଠାନରେ ନାମ ଲେଖା ହେଉ କିମ୍ବା ପାସପୋର୍ଟ ହେଉ, ଆଧାର କାର୍ଡ କେବଳ ପରିଚୟ ପତ୍ର ଭାବରେ ବ୍ୟବହାର କରାଯିବ। ଜନ୍ମ ତାରିଖ ଯାଞ୍ଚ ପାଇଁ ଜନ୍ମ ପ୍ରମାଣପତ୍ର ଉପସ୍ଥାପନ କରିବା ଆବଶ୍ୟକ ହେବ।


କାହିଁକି ବଦଳିଲା ନିୟମ?
ଆଧାର କାର୍ଡ ରେ ବାରମ୍ବାର ଜନ୍ମ ତାରିଖ ଏବଂ ନାମ ବଦଳାଇ ଲୋକେ ପେନ୍‌ସନ୍‌ ସ୍କିମ୍‌, ଆଡମିଶନ, କ୍ରୀଡା ପ୍ରତିଯୋଗିତା ଇତ୍ୟାଦି ବିଭିନ୍ନ ଯୋଜନାର ଲାଭ ପାଇବା ପାଇଁ ଠକେଇ କରୁଥିଲେ। ହେଲେ ୟୁଆଇଡିଏଆଇ ଦ୍ୱାରା ଅନେକ ଥର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ହେଲେ ଏହାର କୌଣସି ଲାଭ ମିଳିପାରିଲା ନାହିଁ। ଏହା ପରେ ଏ ସମ୍ପର୍କିତ ନିୟମରେ ପରିବର୍ତ୍ତନ କରାଯାଇଛି। ଗତ ୨୦୦୯ ବର୍ଷରେ ଆଧାର କାର୍ଡ ଜାରି ହେବା  ପ୍ରକ୍ରିୟା ଆରମ୍ଭ ହୋଇଥିଲା। ଯାହା ପରେ ଆଧାର କାର୍ଡ ଏକ ସ୍ୱତନ୍ତ୍ର ପରିଚୟ ପତ୍ର ଭାବରେ ବିବେଚନା କରାଯାଉଥିଲା। ଏହାକୁ ସରକାରଙ୍କ ପକ୍ଷରୁ ମିଳୁଥିବା ସମସ୍ତ ସୁବିଧା ସହିତ ସଂଯୋଗ କରାଯାଇଥିଲା। ଯାହାର ଆଧାର କାର୍ଡ ନଥିଲା, ସେମାନେ ସରକାରୀ ସୁବିଧା ସୁଯୋଗ ପାଇବାରୁ ବଞ୍ଚିତ ହେଉଥିଲେ।


କ'ଣ ହେବ ଅସୁବିଧା
ନିୟମରେ ପରିବର୍ତ୍ତନ ପରେ, ଆଧାର କାର୍ଡ ରେ ରେକର୍ଡ ହୋଇଥିବା ଜନ୍ମ ତାରିଖକୁ ମାନ୍ୟତା ନ ଦେବା ରେ ଏକ ବଡ଼ ପ୍ରଶ୍ନ ଉଠିଛି। ପ୍ରଶ୍ନ ହେଉଛି ଯେ ପେନସନ୍ ଏବଂ ଏପରି କାର୍ଯ୍ୟ ଯେଉଁଠାରେ ଲୋକଙ୍କ ଜନ୍ମ ପ୍ରମାଣପତ୍ର ନଥିବା ସମସ୍ତ ପ୍ରକାର ଯୋଜନା ସହ କ'ଣ ହେବ? ଏପରି ବହୁ ସଂଖ୍ୟକ ଲୋକ ଅଛନ୍ତି, ଯାହାର ବୟସ ସମ୍ବନ୍ଧୀୟ କୌଣସି ପ୍ରକାରର ପ୍ରମାଣପତ୍ର ନାହିଁ। ବର୍ତ୍ତମାନ ଅଧିକାଂଶ ଯୋଜନା ଜନ ଆଧାର ସହିତ ସଂଯୁକ୍ତ ଏବଂ ଏହା କେବଳ ଆଧାର କାର୍ଡ ମାଧ୍ୟମରେ କରାଯାଇ ପାରିବ।