BSNL SIM Card: ଭରତ ସଞ୍ଚାର ନିଗମ ଲିମିଟେଡ୍ (ବିଏସ୍ଏନ୍ଏଲ୍) ନିଜର 4G ଶୁଭାରମ୍ଭ ସହ ରିଲାଏନ୍ସ ଜିଓ ଏବଂ ଏୟାରଟେଲକୁ କଡା ଟକ୍କର ଦେବାକୁ ପ୍ରସ୍ତୁତ ଅଛି । BSNL ଏହାର ନୂଆ 4G ଟାୱାରରେ ଆବଶ୍ୟକ ଅପଗ୍ରେଡ୍ କରିବା ସହିତ ଆଗକୁ 5G ସେବା ଆରମ୍ଭ କରିବାକୁ ମଧ୍ୟ ଯୋଜନା ରଖିଛି । ନିକଟରେ କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ କହିଥିଲେ ଯେ, ଅକ୍ଟୋବର ମାସ ଶେଷ ସୁଦ୍ଧା 80,000 ଟାୱାର ସ୍ଥାପନା କରାଯିବ । ଅବଶିଷ୍ଟ 21,000 ଟାୱାର ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ସ୍ଥାପନ ହେବ । ମାର୍ଚ୍ଚ 2025 ସୁଦ୍ଧା 4G ନେଟୱାର୍କର ଏକ ଲକ୍ଷ ଟାୱାର ସ୍ଥାପନ କରାଯିବ। ଏଥିସହିତ 5G ସେବା ପାଇଁ ଟାୱାରରେ ଆବଶ୍ୟକୀୟ ପରିବର୍ତ୍ତନ ଆଣିବା ପାଇଁ ମଧ୍ୟ କାର୍ଯ୍ୟ ଚାଲିଛି । ବର୍ତ୍ତମାନ ଘରୋଇ କମ୍ପାନୀ ଅପେକ୍ଷା ବିଏସଏନଏଲ ଖୁବ ଶସ୍ତାରେ ଗ୍ରାହକଙ୍କୁ ସେବା ଯୋଗାଉଛି । ତେଣୁ ଅନେକ ଲୋକ ବିଏସଏନଏଲ ସହିତ ଜଡିତ ହେବାକୁ ଚାହୁଁଛନ୍ତି । ଆଜି ଆପଣଙ୍କୁ ଆମେ ଜଣାଇବୁ କିପରି ଘରେ ରହି ଅନଲାଇନ୍ ମାଧ୍ୟମରେ ଆପଣ ନୂଆ ବିଏସଏନଏଲ ସିମ୍ ପାଇପାରିବେ ।


COMMERCIAL BREAK
SCROLL TO CONTINUE READING

ଅନଲାଇନରେ BSNL ସିମ୍ କାର୍ଡ ଅର୍ଡର କରିବା ଖୁବ ସହଜ । ପ୍ରଥମେ ଅନଲାଇନରେ ଆପଣଙ୍କୁ https://prune.co.in/ ସାଇଟ୍ ଭିଜିଟ୍ କରିବାକୁ ପଡିବ । ୱେବସାଇଟ୍ ଖୋଲିବା ପରେ, ହୋମ ସ୍କ୍ରିନରେ ସିମ୍ କାର୍ଡ କିଣିବାର ଏକ ବିକଳ୍ପ ଆପଣ ଦେଖିପାରିବେ । ସେଠାରେ ଟ୍ୟାପ୍ କରିବା ପରେ ଆପଣଙ୍କୁ ନିଜ ଦେଶ ନାମ ଚୟନ କରିବାକୁ ପଡିବ । ଆପଣ ଭାରତ ଚୟନ କରିବା ପରେ ଅପରେଟର୍ ବାଛନ୍ତୁ ବିଭାଗରେ BSNL ଚୟନ କରିବାକୁ ପଡିବ । ଏହାପରେ ଆପଣଙ୍କ ପସନ୍ଦର ପ୍ରଥମ ରିଚାର୍ଜ କୁପନ୍ (FRC) ପ୍ଲାନ ଚୟନ କରନ୍ତୁ । ସ୍କ୍ରିନ୍ ର ଡାହାଣ ପାର୍ଶ୍ୱରେ ଅନେକ ବିକଳ୍ପ ଆପଣ ଦେଖିବାକୁ ପାଇବେ । ସେଠାରେ ଆପଣଙ୍କର ସମ୍ପୂର୍ଣ୍ଣ ନାମ, ମୋବାଇଲ୍ ନମ୍ବର, OTP, ଇମେଲ୍ ସହ ଆବଶ୍ୟକୀୟ ବିବରଣୀ ପ୍ରବେଶ କରନ୍ତୁ । ଅର୍ଡର ପ୍ରକ୍ରିୟା ଶେଷ ହେବା ପରେ ଆପଣଙ୍କର BSNL 4G ସିମ୍ ବର୍ତ୍ତମାନ ଅନ-ଦି-ଆକ୍ଟିଭେସନ୍ ଏବଂ ଡୋରଷ୍ଟେପ୍ KYC ସହିତ ଆପଣଙ୍କ ଘରେ ପହଞ୍ଚିଯିବ । ତେବେ ଆପଣଙ୍କୁ କହିରଖୁଛୁ ଯେ, ଏହି ସେବା ବର୍ତ୍ତମାନ କେବଳ ହରିୟାଣା (ଗୁରୁଗ୍ରାମ) ଏବଂ ଉତ୍ତରପ୍ରଦେଶ (ଗାଜିଆବାଦ) ରେ ଉପଲବ୍ଧ ରହିଛି ।


BSNL ସିମ୍ କାର୍ଡ ପାଇବା ପରେ ଏହାକୁ ଆକ୍ଟିଭ୍ କରିବା ମଧ୍ୟ ଖୁବ ସହଜ । BSNL ନମ୍ବରକୁ ଆକ୍ଟିଭ କରିବାକୁ ଆପଣଙ୍କୁ କଣ କରିବା ଆବଶ୍ୟକ ଆସନ୍ତୁ ସେ ବିଷୟରେ ଜାଣିବା ।


BSNL  ପ୍ରିପେଡ୍ ସିମ୍
ଯଦି ଆପଣ BSNL ପ୍ରିପେଡ୍ କନେକ୍ସନ ପାଇଁ ଚୟନ କରିଛନ୍ତି, ବିକ୍ରିର ମାତ୍ର ୨୦-୩୦ ମିନିଟ୍ ମଧ୍ୟରେ ଆପଣଙ୍କର ସିମ୍ କାର୍ଡ ଆକ୍ଟିଭ୍ ହୋଇଯିବ । ଆପଣ କେବଳ ମୋବାଇଲ୍ ଫୋନରେ ସିମ୍ କାର୍ଡ ଭର୍ତ୍ତି କରି ସିଗନାଲ୍ ପାଇଁ ଅପେକ୍ଷା କରନ୍ତୁ । ଏହା ପରେ, BSNL ଅପରେଟରକୁ ନିମ୍ନରେ ଦିଆଯାଇଥିବା ନମ୍ବରକୁ ଡାଏଲ କରି ଟେଲି-ଯାଞ୍ଚ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ ପଡିବ । ଏଥିପାଇଁ ଆପଣଙ୍କୁ 1507 ନମ୍ୱରକୁ ଡାଏଲ୍ କରିବାକୁ ପଡିବ । ଥରେ ଟେଲି-ଭେରିଫିକେସନ୍ ସମାପ୍ତ ହୋଇଗଲେ, ଆପଣ ପ୍ରଥମ ରିଚାର୍ଜ କୁପନ୍ (FRC) ଆପେ ଆପେ ଆକ୍ଚିଭ୍ ହୋଇଯିବ ।
bsnl ପୋଷ୍ଟପେଡ୍ ସିମ୍ ସଂଯୋଗ |


BSNL ପୋଷ୍ଟପେଡ୍ ସିମ୍


ଯଦି ଆପଣ ପୋଷ୍ଟପେଡ କନେକ୍ସନ ଚୟନ କରିଛନ୍ତି ତେବେ, ବିକ୍ରିର 72 ଘଣ୍ଟା ମଧ୍ୟରେ ଆପଣଙ୍କର ସିମ୍ କାର୍ଡ ଆକ୍ଚିଭ୍ ହେବ । ଆପଣଙ୍କ ମୋବାଇଲ୍ ଫୋନରେ ସିମ୍ କାର୍ଡ ଭର୍ତ୍ତି କରିବା ପରେ ଆପଣଙ୍କୁ ସିଗନାଲ୍ ପାଇଁ ଅପେକ୍ଷା କରିବାକୁ ପଡିବ । ତା’ପରେ ଟେଲି-ଯାଞ୍ଚ ପ୍ରକ୍ରିୟା ପାଇଁ 1507 ନମ୍ବରକୁ ଡାଏଲ କରିବାକୁ ପଡିବ । ଆପଣଙ୍କ ନୂଆ ପୋଷ୍ଟପେଡ୍ କନେକ୍ସନକୁ ଆକ୍ଟିଭ୍ କରିବା ପୂର୍ବରୁ ଆପଣ ସଠିକ୍ ଠିକଣା ଓ ପରିଚୟ ଗ୍ରାହକ ସେବା ଅଧିକାରୀଙ୍କୁ ଦେବାକୁ ପଡିବ ।


Also Read- ରାକ୍ଷୀ ପୂର୍ଣ୍ଣମୀରେ ବଡ଼ ଅଘଟଣ, ମାନ ରଖିବା ବଦଳରେ ଜୀବନ ନେଲା ଭାଈ !


Also Read- September Rashifal Tula: ସ୍ୱାସ୍ଥ୍ୟ, ଆର୍ଥିକ ସ୍ଥିତି, ପ୍ରେମ ଜୀବନ ଓ କର୍ମକ୍ଷେତ୍ରରେ କିପରି କଟିବ ୩୦ଦିନ, ଜାଣନ୍ତୁ