Ram Mandir Construction Update: ଧର୍ମ ନଗରୀ ଅଯୋଧ୍ୟା ଠାରେ ନିର୍ମିତ ହେଉଥିବା ରାମ ମନ୍ଦିର ନିର୍ମାଣ କାର୍ଯ୍ୟକୁ ନେଇ ଆସିଛି ଏକ ବଡ଼ ଖବର। ଧାର୍ଯ୍ୟ ସମୟ ପୂର୍ବରୁ ଶେଷ ହେବ ନାହିଁ ରାମ ମନ୍ଦିର ନିର୍ମାଣ କାର୍ଯ୍ୟ। ଏପରି ଏକ ଆଶଙ୍କା ପ୍ରକାଶ କରିଛି ମନ୍ଦିର ନିର୍ମାଣ ଦାୟିତ୍ୱରେ ରହିଥିବା କମ୍ପାନୀ। ଏନେଇ କମ୍ପାନୀ ପକ୍ଷରୁ କୁହାଯାଇଛି ଯେ ଉତ୍ତର ପ୍ରଦେଶର କାନପୁର ଜିଲ୍ଲାରେ ନୌବାସ୍ତା-ହମିରପୁର ଜାତୀୟ ରାଜପଥରେ ଟ୍ରାଫିକ ବିଭ୍ରାଟ ହୋଇଛି। ଯେଉଁ କାରଣରୁ ମନ୍ଦିର ନିର୍ମାଣ ପାଇଁ ଆବଶ୍ୟକ ସାମଗ୍ରୀ ଯୋଗାଣ ବ୍ୟାହତ ହୋଇଛି। ଏନେଇ କମ୍ପାନୀ ପକ୍ଷରୁ ପ୍ରଶାସନ ଉଦ୍ଦେଶ୍ୟରେ ଲେଖି ଯାଇଥିବା ଚିଠିରେ କୁହାଯାଇଛି ଯେ ଯଦି ଏହାର କୌଣସି ବିକଳ୍ପ ବ୍ୟବସ୍ଥା କରା ନ ଯାଏ ତାହେଲେ ଧାର୍ଯ୍ୟ ସମୟ ମଧ୍ୟରେ ମନ୍ଦିର ନିର୍ମାଣ କାର୍ଯ୍ୟ ଶେଷ ହେବ ନାହିଁ।


COMMERCIAL BREAK
SCROLL TO CONTINUE READING

ଉତ୍ତର ପ୍ରଦେଶ ଅଯୋଧ୍ୟା ଜିଲ୍ଲାରେ ନିର୍ମିତ ହେଉଥିବା ରାମ ମନ୍ଦିର ନିର୍ମାଣ କାର୍ଯ୍ୟରେ ଲାର୍ସନ ଆଣ୍ଡ ଟର୍ବୋ (Larsen & Toubro) ନାମକ କମ୍ପାନୀ (L&T Company) ରହିଛି। ଏଲଆଣ୍ଡଟି କମ୍ପାନୀ ପକ୍ଷରୁ ଜୁଲାଇ ୩ ତାରିଖରେ କାନପୁର ପୋଲିସ କମିଶନର (Kanpur Police Commissioner) ଙ୍କୁ ଉଦ୍ଦେଶ୍ୟରେ ଏକ ଚିଠି ଲେଖିଥିଲା। ଯେଉଁଥିରେ କୁହାଯାଇଛି ଯେ ମନ୍ଦିର ନିର୍ମାଣ ପାଇଁ ପ୍ରତିଦିନ ପ୍ରାୟ ୪୦୦୦ ଟନ୍ ଅର୍ଥାତ୍ ୧୦୦ ଟ୍ରକ୍ ବାଲି ଆବଶ୍ୟକ। ହେଲେ ନୌବାସ୍ତା-ହମିରପୁର ଜାତୀୟ ରାଜପଥରେ (Naubasta-Hamirpur National Highway) ନିର୍ମାଣ କାର୍ଯ୍ୟ ହେତୁ ଭାରୀ ଯାନର ରାସ୍ତା ବଦଳାଇ ଦିଆଯାଇଛି। ଯେଉଁ କାରଣରୁ ଭାରୀ ଜାମ ହେଉଛି। ନିର୍ମାଣ ସାମଗ୍ରୀ ପରିବହନ କରୁଥିବା ଗାଡ଼ି ମନ୍ଦିରର ନିର୍ମାଣ ସ୍ଥଳରେ ପହଞ୍ଚିବା ପାଇଁ ବହୁ ସମୟ ନେଉଛି।


ଧାର୍ଯ୍ୟ ସମୟ ପୂର୍ବରୁ ଶେଷ ହେବ ନାହିଁ ରାମ ମନ୍ଦିର ନିର୍ମାଣ କାର୍ଯ୍ୟ 
ଏଲଆଣ୍ଡଟି କମ୍ପାନୀ ପକ୍ଷରୁ ଲେଖାଯାଇଥିବା ଚିଠିରେ କୁହାଯାଇଛି ଯେ, ନିର୍ମାଣ କାର୍ଯ୍ୟ ଉପରେ ଏହାର ଖରାପ ପ୍ରଭାବ ପଡୁଛି। ଯଦି ଏପରି ପରିସ୍ଥିତି ଲାଗି ରହେ, ତାହେଲେ ଧାର୍ଯ୍ୟ ସମୟ ମଧ୍ୟରେ ରାମ ମନ୍ଦିର ନିର୍ମାଣ କାର୍ଯ୍ୟ ଶେଷ ହେବ ନାହିଁ। ଅଯୋଧ୍ୟା ଠାରେ ନିର୍ମିତ ରାମ ମନ୍ଦିରର ନିର୍ମାଣ କାର୍ଯ୍ୟ ଚଳିତ ବର୍ଷ ଡିସେମ୍ବର ପର୍ଯ୍ୟନ୍ତ ଶେଷ କରିବାକୁ ଲକ୍ଷ୍ୟ ରଖାଯାଇଛି। ଏହି ମନ୍ଦିର ଆସନ୍ତା ଜାନୁଆରୀରୁ ଭକ୍ତଙ୍କ ପାଇଁ ଖୋଲାଯିବ।


ଯେତେବେଳେ କାନପୁର ପୋଲିସ କମିଶନର ବିପି ଜଗଦଣ୍ଡଙ୍କୁ ଏ ସମ୍ପର୍କରେ ପଚରାଯାଇଥିଲା, ସେତେବଳେ ଏହାର ଜବାବ ରଖି ସେ କହିଛନ୍ତି ଯେ ଏ ପର୍ଯ୍ୟନ୍ତ ଏଭଳି ଚିଠି ଆସିନାହିଁ। ଅନ୍ୟପକ୍ଷରେ ଏଲଆଣ୍ଡଟି କମ୍ପାନୀ କୁ ନିର୍ମାଣ ପାଇଁ ବାଲି ଯୋଗାଉଥିବା ସନ୍ତୋଷ ଏଣ୍ଟରପ୍ରାଇଜେସ ନିର୍ଦ୍ଦେଶକ ମନୋଜ ସିଂଘଲ କହିଛନ୍ତି ଯେ ଏଲଆଣ୍ଡଟି କମ୍ପାନୀ ପକ୍ଷରୁ ଦିଆୟାଇଥିବା ଚିଠିକୁ ସେ ଜୁଲାଇ ୩ ତାରିଖରେ ପୋଲିସ କମିସନର ବିପି ଜଗଦଣ୍ଡଙ୍କୁ ଦେଇ ସାରିଛନ୍ତି।


କଣ କହିଲେ ପୋଲିସ କମିଶନର?
କାନପୁର ପୋଲିସ କମିଶନର ବିପି ଜଗଦଣ୍ଡଙ୍କ କହିବା କଥା ଯେ ମେଟ୍ରୋ ରେଳ ପ୍ରକଳ୍ପ ନିର୍ମାଣ କାର୍ଯ୍ୟ କାରଣରୁ ଦୁର୍ଘଟଣାକୁ ଦୃଷ୍ଟିରେ ରଖି କାନପୁର ସ୍ଥିତ ନୌବସ୍ତା-ହମିରପୁର ରାସ୍ତାକୁ ଗତ ଜୁନ୍ ୨୭ ତାରିଖରୁ ବନ୍ଦ କରି ଦିଆଯାଇଥିଲା। ଯଦି ଏହା ଏତେ ବଡ ସମସ୍ୟା ସୃଷ୍ଟି କରୁଛି ଏବଂ ଏହାର ଅନ୍ୟ କୌଣସି ବିକଳ୍ପ ନାହିଁ, ତେବେ ଏହାକୁ ଖୁବ ଶୀଘ୍ର ଖୋଲି ଦିଆଯିବ।


ପୋଲିସ କମିଶନର ଆହୁରି ମଧ୍ୟ କହିଛନ୍ତି ଯେ ସହରରେ ଚାଲିଥିବା ମେଟ୍ରୋ ନିର୍ମାଣ କାର୍ଯ୍ୟ ତଥା ଆଗାମୀ ପର୍ବକୁ ଦୃଷ୍ଟିରେ ରଖି ହମିରପୁର ଆଡୁ ଆସୁଥିବା ଭାରୀ ଯାନକୁ ନୌବସ୍ତା ଠାରୁ ଘାଟମପୁର ପର୍ଯ୍ୟନ୍ତ ଟ୍ରାଫିକ ଭିଡ କମ କରିବାକୁ କିସାନ ନାଗର ଏବଂ ଚୌଡ଼ଗରା ରାସ୍ତା ଦେଇ ଗନ୍ତବ୍ୟ ସ୍ଥଳ ଅଭିମୁଖେ ଯାତ୍ରା କରିବାକୁ କୁହାଯାଇଛି।


୩ ବର୍ଷ ଧରି ଚାଲିଛି ନିର୍ମାଣ କାର୍ଯ୍ୟ 
ବିଗତ ୩ ବର୍ଷ ଧରି ରାମ ମନ୍ଦିରର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ବେଗରେ ଚାଲିଛି। ଏହା ସହିତ ବର୍ତ୍ତମାନ ମନ୍ଦିର ଏହାର ପ୍ରକୃତ ରୂପ ନେବା ଆରମ୍ଭ କରିଛି। ଗତ ୨୦୨୦ ଅଗଷ୍ଟ ୫ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାମ ମନ୍ଦିରର ଭୁମି ପୂଜନ କରିଥିଲେ। ମନ୍ଦିରର ତଳ ମହଲାର କାମ ପ୍ରାୟ ଶେଷ ହୋଇଛି। ମିଡିଆ ରିପୋର୍ଟ ଅନୁଯାୟୀ, କବାଟ, ଝରକା ଏବଂ ଚଟାଣର କାର୍ଯ୍ୟ ଚଳିତ ବର୍ଷ ଡିସେମ୍ବର ୩୧ ପର୍ଯ୍ୟନ୍ତ ଶେଷ ହେବ। ଆସନ୍ତା ବର୍ଷ ଜାନୁଆରୀ ୧୫ ତାରିଖରେ କିମ୍ବା ମକର ସଂକ୍ରାନ୍ତୀ ପରେ ଯେ କୌଣସି ସମୟରେ ଭଗବାନ ରାମଙ୍କ ପ୍ରତିମାରେ ପ୍ରାଣ ପ୍ରତିଷ୍ଠା କରାଯିବ। ଏହା ପରେ ସାଧାରଣ ଭକ୍ତଙ୍କ ପାଇଁ ମନ୍ଦିର ଖୋଲାଯିବ। ମନ୍ଦିରର ବିଷୟବସ୍ତୁ ସମ୍ପୂର୍ଣ୍ଣ ଧାର୍ମିକ ରଖାଯାଇଛି। ସ୍ଥପତିଙ୍କ ବ୍ୟତୀତ ମନ୍ଦିର ନିର୍ମାଣରେ ସାଧୁ, ମହାତ୍ମାଙ୍କୁ ପରାମର୍ଶ ମଧ୍ୟ ନିଆଯାଉଛି।


ଅଯୋଧ୍ୟା ଠାରେ ଦ୍ରୁତ ଗତିରେ ଚାଲିଛି ନିର୍ମାଣ କାର୍ଯ୍ୟ 
ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି। ନିକଟରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାମଲାଲାଙ୍କୁ ଦେଖା କରିବାକୁ ଶ୍ରୀ ରାମ ଜନମାଭୋମିରେ ପହଞ୍ଚିଥିଲେ। ଏହି ସମୟରେ ସିଏମ୍ ଯୋଗୀ ମନ୍ଦିରର ନିର୍ମାଣ କାର୍ଯ୍ୟକୁ ମଧ୍ୟ ଯାଞ୍ଚ କରିଥିଲେ। ଏହି ସମୟରେ ସେ ମନ୍ଦିର ନିର୍ମାଣ ଏବଂ ଅଯୋଧ୍ୟାରେ ଚାଲିଥିବା ବିକାଶମୂଳକ କାର୍ଯ୍ୟ ବିଷୟରେ ବିସ୍ତୃତ ଆଲୋଚନା କରିଥିଲେ।


ଭବ୍ୟ ମନ୍ଦିରରେ କେବେ ବିରାଜମାନ କରିବେ ରାମଲାଲା?
ଗୁରୁତ୍ୱପୂର୍ଣ୍ଣ କଥା ହେଉଛି ଭଗବାନ ରାମଲାଲା ଆସନ୍ତା ବର୍ଷର ପ୍ରଥମ ମାସରେ ଅଯୋଧ୍ୟା ସ୍ଥିତ ଭବ୍ୟ ମନ୍ଦିରରେ ବିରାଜମାନ କରିବେ। ଏହା ପୂର୍ବରୁ ଘୋଷଣା ହୋଇସାରିଛି। ଭଗବାନ ରାମଲାଲା ଅସ୍ଥାୟୀ ମନ୍ଦିରରେ ଅଛନ୍ତି।