Bank Holidays In January 2024: ନୂଆ ବର୍ଷ ଆରମ୍ଭ ହେବାକୁ ଯାଉଛି। ଏଭଳି ପରିସ୍ଥିତିରେ ଆରବିଆଇ ଏହାର ବ୍ୟାଙ୍କ ଛୁଟି ତାଲିକାକୁ ଅପଡେଟ୍ କରିଛି। ବର୍ଷର ପ୍ରଥମ ମାସରେ ବ୍ୟାଙ୍କଗୁଡିକ ୧୬ଦିନ ପାଇଁ ବନ୍ଦ ରହିବ। ଏଭଳି ପରିସ୍ଥିତିରେ ଯେଉଁମାନେ ବ୍ୟାଙ୍କକୁ ଯିବା ଆବଶ୍ୟକ କରନ୍ତି ସେମାନେ ଥରେ ବ୍ୟାଙ୍କ ଛୁଟି ତାଲିକା ଦେଖି ନେବା ଜରୁରୀ। ତେବେ ବ୍ୟାଙ୍କ ଗ୍ରାହକଙ୍କ ପାଇଁ ଏହା ଜାଣିବା ଜରୁରୀ ଯେ ଯେଉଁ ଦିନ ବ୍ୟାଙ୍କ ବନ୍ଦ ହୋଇଯାଏ ସେହିଦିନ ମୋବାଇଲ୍ ବ୍ୟାଙ୍କିଙ୍ଗ୍, ୟୁପିଇ ଓ ଇଣ୍ଟରନେଟ୍ ବ୍ୟାଙ୍କିଙ୍ଗ୍ ଭଳି ଡିଜିଟାଲ୍ ସେବା କୌଣସି ବାଧା ବିନା ଚାଲିବ।


COMMERCIAL BREAK
SCROLL TO CONTINUE READING

ଆମେ ଯଦି ଜାନୁଆରୀ ମାସ ବିଷୟରେ କଥା ହେବା, ତେବେ ୪ଟି ରବିବାର ଓ ଦ୍ୱିତୀୟ ଓ ଚତୁର୍ଥ ଶନିବାର ସହିତ ମୋଟ ୬ଟି ସ୍ୱାଭାବିକ ଛୁଟି ରହିଛି । ଏହା ସମେତ ଗଣତନ୍ତ୍ର ଦିବସ ଅବସରରେ ମଧ୍ୟ ବ୍ୟାଙ୍କଗୁଡିକ ବନ୍ଦ ରହିବ। ମକର ସଙ୍କ୍ରାନ୍ତୀ ମଧ୍ୟ ୧୪ ଜାନୁଆରୀରେ ପଡୁଛି। ୧୧ ଜାନୁଆରୀରେ ମିଶନାରୀ ଦିବସରେ ବ୍ୟାଙ୍କଗୁଡିକ ବନ୍ଦ ରହିବ। ଅନେକ ରାଜ୍ୟରେ କେତେକ ପର୍ବ ମଧ୍ୟ ନିର୍ଦ୍ଦିଷ୍ଟ ଅଟେ। ସେହି ଦିନ ସେହି ରାଜ୍ୟଗୁଡିକରେ ବ୍ୟାଙ୍କଗୁଡିକ ବନ୍ଦ ରହିବାକୁ ଯାଉଛନ୍ତି। 


୧ ଜାନୁୟାରୀ ରେ ମଧ୍ୟ ବ୍ୟାଙ୍କଗୁଡିକ ରହିବ ବନ୍ଦ
୧ ଜାନୁଆରୀରେ ଦେଶର ଅଧିକାଂଶ ରାଜ୍ୟରେ ବ୍ୟାଙ୍କ ବନ୍ଦ ରହିବ। ଏହା ନୂଆ ବର୍ଷର ପ୍ରଥମ ଦିନ। ଏହି କାରଣରୁ ବ୍ୟାଙ୍କଗୁଡ଼ିକ ତାଲା ପଡ଼ି ରହିବ। ମିଶନାରୀ ଦିବସ ଯୋଗୁଁ ୧୧ ଜାନୁଆରୀରେ ମିଜୋରାମରେ ବ୍ୟାଙ୍କ ବନ୍ଦ ରହିବ। ସ୍ୱାମୀ ବିବେକାନନ୍ଦ ଜୟନ୍ତୀ ୧୧ ଜାନୁଆରୀରେ ପଡୁଛି। ଏହି କାରଣରୁ ପଶ୍ଚିମବଙ୍ଗରେ ବ୍ୟାଙ୍କଗୁଡିକ ବନ୍ଦ ରହିବ। ୧୫ ଜାନୁଆରୀ ସୋମବାର ପଡୁଛି। ଏହି ଦିନ ପୋଙ୍ଗଲ ଯୋଗୁଁ ଦକ୍ଷିଣ ଭାରତର କେତେକ ରାଜ୍ୟରେ ବ୍ୟାଙ୍କ ବନ୍ଦ ରହିବ।


ତୁସୁ ପୂଜା କାରଣରୁ ୧୬ ଜାନୁଆରୀରେ ବେଙ୍ଗେଲ ଓ ଆସାମରେ ବ୍ୟାଙ୍କ ବନ୍ଦ ରହିବ। ଗୁରୁ ଗୋବିନ୍ଦ ସିଂ ଜୟନ୍ତୀଙ୍କ କାରଣରୁ ଜାନୁଆରୀ ୧୭ ରେ ଅଧିକାଂଶ ରାଜ୍ୟରେ ବ୍ୟାଙ୍କ ବନ୍ଦ ରହିବ। ୨୩ ଜାନୁଆରୀରେ ନତାଜୀ ସୁଭାଷ ଚନ୍ଦ୍ର ବୋଷ ଜୟନ୍ତୀ ଯୋଗୁଁ କେତେକ ରାଜ୍ୟରେ ବ୍ୟାଙ୍କଗୁଡ଼ିକର କାର୍ଯ୍ୟକାରିତା ପ୍ରଭାବିତ ହୋଇପାରେ। ରାଜ୍ୟ ଦିବସ ହେତୁ ହିମାଚଳ ପ୍ରଦେଶରେ ୨୫ ଜାନୁଆରୀରେ ବ୍ୟାଙ୍କ ବନ୍ଦ ରହିବ। ୧୬ ଜାନୁଆରୀ ହେଉଛି ଗଣତନ୍ତ୍ର ଦିବସ ଓ ଏହି ଦିନ ବ୍ୟାଙ୍କଗୁଡିକ ବନ୍ଦ ରହିବ। ୩୧ ଜାନୁଆରୀରେ ଆସାମରେ ବ୍ୟାଙ୍କଗୁଡିକ ବନ୍ଦ ରହିବ। କହିରଖୁଛୁ ଯେ ଦେଶର ବିଭିନ୍ନ ରାଜ୍ୟରେ ବ୍ୟାଙ୍କ ବନ୍ଦ ତାରିଖରେ ପରିବର୍ତ୍ତନ ଦେଖାଯାଇଥାଏ। ଆଞ୍ଚଳିକ ବ୍ୟାଙ୍କ ଛୁଟି ରାଜ୍ୟରେ ରାଜ୍ୟ ଓ ବ୍ୟାଙ୍କରେ ଭିନ୍ନ ମଧ୍ୟ ହୋଇପାରେ।