Seema Haider Case: PUBG ଖେଳରୁ ପ୍ରେମ ଆଉ ପ୍ରେମ (Love) ପାଇଁ ଚାରି ପିଲାଙ୍କ ସହ ପାକିସ୍ତାନରୁ ଭାରତ ପଳାଇ ଆସିଥିବା ସୀମା ହାୟଦାରଙ୍କ ବିଷୟରେ ପ୍ରତିଦିନ ନୂଆ ନୂଆ ଖୁଲାସା ହେଉଛି । ଏବେ ସୀମା ଦାବି କରିଛନ୍ତି ଯେ ପୂର୍ବରୁ ସଚିନ ପାକିସ୍ତାନ ଯାଉଥିଲେ, କିନ୍ତୁ ତାଙ୍କ ହାତରେ ଓମ ଲେଖାଯାଇଥିବା କାରଣରୁ ସେ ସଚିନଙ୍କୁ ପାକିସ୍ତାନ (Pakistan) ଆସିବା ମନା କରିଥିଲେ। ସୀମା କହିଛନ୍ତି ଯେ ଯଦି ସଚିନ୍ ସେଠାରେ ଧରାପଡିଥାନ୍ତେ, ତେବେ ଏହା ତାଙ୍କ ପାଇଁ ବହୁତ ଖରାପ ହୋଇଥାନ୍ତା ଓ ଆଜି ହୁଏତ ତାଙ୍କ ପତ୍ତା ବି ମିଳି ନଥାନ୍ତା । ସଚିନ ଏହା ମଧ୍ୟ ନିଶ୍ଚିତ କରି କହିଛନ୍ତି ଯେ ସେ ମଧ୍ୟ ପାକିସ୍ତାନ ଯିବାକୁ ପ୍ରସ୍ତୁତ ଏବଂ ପାସପୋର୍ଟ (Passport) ପାଇଁ ଆବେଦନ କରିସାରିଛନ୍ତି। ତାଙ୍କ ପାଖରେ ସବୁ କାଗଜପତ୍ର (Documents) ମଧ୍ୟ ଅଛି । 


COMMERCIAL BREAK
SCROLL TO CONTINUE READING

ପୋଲିସ ସଚିନ ଏବଂ ସୀମାଙ୍କୁ ପଚରାଉଚରା କରୁଛି


ଏଟିଏସର ଏକ ଅଧିକାରୀ ସୂଚନା ଦେଇ କହିଛନ୍ତି, ଜାତୀୟ ସୁରକ୍ଷା ସହ ଜଡିତ ସମ୍ବେଦନଶୀଳ ମାମଲାରେ ପଚରାଉଚୁରାର ଫଳାଫଳ ଉପରେ ନିର୍ଭର କରି ତାଙ୍କୁ ପଚରାଉଚରା ପରେ ଗିରଫ କରାଯାଇପାରେ କିମ୍ବା ଗିରଫ ମଧ୍ୟ ନ କରାଯାଇପାରେ ବୋଲି ଜଣେ ଏଟିଏସ୍ ଅଧିକାରୀ କହିଛନ୍ତି । ଅଧିକାରୀ ଏହା ମଧ୍ୟ କହିଛନ୍ତି ଯେ ସ୍ଥାନୀୟ ପୋଲିସ ଏହି ଘଟଣାର ପୃଥକ ପୃଥକ ଅନୁସନ୍ଧାନ କରୁଛି ଓ ଏପର୍ଯ୍ୟନ୍ତ ଚାର୍ଜ ସିଟ (Charge sheet) ଦାଖଲ କରି ନାହିଁ।


ଗୋଷ୍ଠୀ ଧମକ ଦେଇଥିଲେ


ଅନ୍ୟପକ୍ଷରେ, ଏକ ଅଜ୍ଞାତ ଗୋଷ୍ଠୀ ଧମକ ଦେଇଛନ୍ତି ଯେ ଯଦି ସୀମା ହାଇଦର ଓ ତାଙ୍କର ଚାରି ପିଲା ୭୨ ଘଣ୍ଟା ମଧ୍ୟରେ ଦେଶ ବାହାରକୁ ନଆସନ୍ତି ତେବେ ସେମାନେ ବିରୋଧ ଆରମ୍ଭ କରିବେ। ଗତକାଲି ସୋସିଆଲ ମିଡିଆ (Social Media)ରେ ଗୋଷ୍ଠୀ ଦ୍ୱାରା ଏକ ଟୁଇଟ୍ କରାଯାଇଥିଲା ଯେଉଁଥିରେ କୁହାଯାଇଥିଲା ଯେ ସୀମା ଜଣେ ଗୁପ୍ତଚର ଓ ଦେଶ ବିରୋଧରେ ଷଡଯନ୍ତ୍ର କରୁଥିବା କୌଣସି ଏକ ଗୋଷ୍ଠୀର ଅଂଶ।


୨୦୧୯ ରେ ପବଜୀ ମାଧ୍ୟମରେ ସାକ୍ଷାତ 


ଏହି ମାସର ଆରମ୍ଭରେ ପୋଲିସ ସୀମାଙ୍କ ବେଆଇନ ପ୍ରବେଶ ଏବଂ ଭାରତରେ ରହିବା ବିଷୟରେ ସୂଚନା ପାଇଥିଲା, ଯାହା ପରେ ସୀମା, ସଚିନ ଓ ନେତ୍ରାପାଲ ସିଂଙ୍କୁ ଗିରଫ କରାଯାଇଥିଲା। ତେବେ ଜୁଲାଇ ୮ ରେ ଏହି ତିନିଜଣଙ୍କୁ ମଧ୍ୟ ମୁକ୍ତ କରାଯାଇଥିଲା। ଡେପୁଟି କମିଶନର୍ ପୋଲିସ୍ (ଗ୍ରେଟର ନୋଏଡା) ସାଦ୍ ମିୟାନ୍ ଖାନ୍ କହିଛନ୍ତି, ଉଭୟଙ୍କୁ କୌଣସି ଅତିରିକ୍ତ ସୁରକ୍ଷା ଯୋଗାଇ ଦିଆଯାଇ ନାହିଁ। ପୋଲିସ କହିଛି ଯେ ଉଭୟ ରହୁଥିବା ଅଞ୍ଚଳରେ କୌଣସି ଆଇନ ଶୃଙ୍ଖଳା ପରିସ୍ଥିତି ଉପୁଜି ନାହିଁ। ସଚ୍ଚିନ୍ ଓ ସୀମା ଗୌତମ ବୁଦ୍ଧ ନଗର ଜିଲ୍ଲାର ଗ୍ରେଟର ନୋଏଡାର ରବୁପୂରା ଅଞ୍ଚଳରେ ରହୁଛନ୍ତି। ଦୁହେଁ ପ୍ରଥମେ ୨୦୧୯ ରେ ଅନଲାଇନ୍ ଗେମ୍ ପବ୍ଜି ମାଧ୍ୟମରେ ପରସ୍ପର ସହିତ ଯୋଗାଯୋଗ କରିଥିଲେ ।


ୟୁପି ଏଟିଏସ୍ ପାକିସ୍ତାନୀ ସୀମା ହାଇଦର ଓ ତାର ପ୍ରେମିକ ସଚିନକୁ ପଚରାଉଚରା କରୁଛି । ସୋମବାର ମଧ୍ୟ ସୀମା, ସଚିନ ଓ ସଚିନଙ୍କ ପିତାଙ୍କୁ ୮ ଘଣ୍ଟା ପଚରାଉଚରା କରାଯାଇଥିଲା। ପଚରାଉଚରା ବେଳେ ଅନେକ ଆଶ୍ଚର୍ଯ୍ୟଜନକ ତଥ୍ଯ ମିଳିଛି । ସୂଚନା ଅନୁଯାୟୀ, ସଚିନ ପ୍ରଥମ ଭାରତୀୟ ଯୁବକ ନୁହଁନ୍ତି ଯାହାକୁ ସେ PUBG ମାଧ୍ୟମରେ ଭେଟିଥିଲେ। ଏହାପୂର୍ବରୁ ସେ ଭାରତର କିଛି ଯୁବକଙ୍କ ସହ ଯୋଗାଯୋଗରେ ଥିଲେ। ତାଙ୍କ ସହ ଯୋଗାଯୋଗ କରିଥିବା ଅଧିକାଂଶ ଲୋକ ଦିଲ୍ଲୀ-ଏନସିଆରର। ବର୍ତ୍ତମାନ ୟୁପି ଏଟିଏସ୍ ସୀମା ଓ ସଚିନଙ୍କୁ ପୃଥକ ଭାବରେ ପଚରାଉଚରା କରୁଛି। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏଟିଏସ୍ ସୋମବାର ସୀମା ହାଇଦରଙ୍କୁ କିଛି ଇଂରାଜୀ ପଢ଼ିବାକୁ ଦେଇଥିଲେ, ଯାହାକୁ ସେ କେବଳ ଭଲଭାବେ ପଢି ନଥିଲେ ବରଂ ପଢ଼ିବାର ପଦ୍ଧତି ମଧ୍ୟ ବହୁତ ଭଲ ଥିଲା।


Video- 


https://zeenews.india.com/hindi/zeeodisha/video/video-of-pak%E2%80%99s-seema-haider-dancing-in-red-saree-goes-viral/1783885


Also Read- ଥରକରେ ୫ଶହ ମହିଳା ପଢିବେ ନମାଜ: ପ୍ରସ୍ତୁତ ହେଉଛି ଦେଶର ପ୍ରଥମ ମହିଳା ମସଜିଦ