BSNL 5G: ଜୁଲାଇ ଆରମ୍ଭରେ ଘରୋଇ ଟେଲିକମ୍ କମ୍ପାନୀଗୁଡିକର ରିଚାର୍ଜ ପ୍ଲାନର ମୂଲ୍ୟ ବୃଦ୍ଧି ପରେ BSNL କୁ ନେଇ ଅନେକ ଆଲୋଚନା ହେଉଛି। ଏହି ସମୟରେ ବିଏସଏନଏଲ 5G ଟେଷ୍ଟିଂ ସମୟରେ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ପ୍ରଥମ ଭିଡିଓ କଲ କରିଥିଲେ ଓ ଏହା ଶୀଘ୍ର ରୋଲ ଆଉଟ୍ ହୋଇପାରେ ବୋଲି ମଧ୍ୟ କହିଥିଲେ।


COMMERCIAL BREAK
SCROLL TO CONTINUE READING

ଅନ୍ୟପଟେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ 5G ସିମ୍ କାର୍ଡ ଦେଖାଯାଉଛି। ଭିଡିଓରେ ଦାବି କରାଯାଇଛି ଯେ ଏହି ସିମ୍ ବିଏସଏନଏଲରୁ ଆସିଛି। ତେବେ ଏ ସମ୍ପର୍କରେ କମ୍ପାନୀ ପକ୍ଷରୁ କୌଣସି ଅଫିସିଆଲ୍ ବୟାନ ସମ୍ନାକୁ ଆସିନାହିଁ। ଏହି ଭିଡିଓରେ BSNL ର ସିମ୍ ଦୃଶ୍ୟମାନ ହେଉଛି, ଯେଉଁଥିରେ 5G ଲେଖାଯାଇଛି। ତେବେ ଭିଡିଓ ସମ୍ପର୍କରେ କମ୍ପାନୀ ପକ୍ଷରୁ କୌଣସି ବୟାନ ଦିଆଯାଇ ନାହିଁ। ଏଭଳି ପରିସ୍ଥିତିରେ ଏହି ଭିଡିଓ ମଧ୍ୟ ନକଲି ହୋଇପାରେ। ତେବେ ଏହି ଭିଡିଓକୁ ନେଇ ଅନେକ ରିପୋର୍ଟରେ କୁହାଯାଇଛି ଯେ ଏହା ମହାରାଷ୍ଟ୍ରର BSNL ସରକାରୀ କାର୍ଯ୍ୟାଳୟରୁ ଆସିଛି।



ଏହା ସହିତ ଯଦି ଆମେ BSNL 5G ବିଷୟରେ କଥା ହେବା ତେବେ ଏହାର ଟ୍ରାୟଲ ଦିଲ୍ଲୀ, ଚେନ୍ନାଇ ଓ ବାଙ୍ଗାଲୋର ଭଳି ସହରରେ ଆରମ୍ଭ ହେବ କୁହାଯାଉଛି। ଟ୍ରାୟଲ ସମାପ୍ତ ହେବା ମାତ୍ରେ ଲୋକମାନେ ଦ୍ରୁତ ଇଣ୍ଟରନେଟ୍ ପାଇବା ଆରମ୍ଭ କରିବେ। 


କେବେ ହେବ ଲଞ୍ଚ ?
ସାରା ଦେଶରେ 4G ମୋବାଇଲ୍ ଟାୱାର ସ୍ଥାପନ କାର୍ଯ୍ୟ ଆରମ୍ଭ ହୋଇଛି। ତେଜସ୍ ନେଟୱାର୍କ, ସି-ଡଟ୍ ଏବଂ ଟିସିଏସ୍ ପରି ଭାରତୀୟ ସଂସ୍ଥା କ୍ରମାଗତ ଭାବରେ ଏହି ପ୍ରସଙ୍ଗରେ କାର୍ଯ୍ୟ କରୁଛନ୍ତି। ଏହା ସହିତ, BSNL ଏହାର ସ୍ୱଦେଶୀ 4G ନେଟୱାର୍କରେ ପ୍ରତିଷ୍ଠିତ ହୋଇପାରିବ। ସରକାରଙ୍କ ଅନୁଯାୟୀ, ଚଳିତ ବର୍ଷ ଅକ୍ଟୋବର ଶେଷ ସୁଦ୍ଧା ୮୦ ହଜାର ଟାୱାର ଏବଂ ମାର୍ଚ୍ଚ ୨୦୨୫ ସୁଦ୍ଧା ୨୧ ହଜାର ଟାୱାର ସ୍ଥାପନ କରାଯିବ। ଏହାର ଅର୍ଥ ହେଉଛି ଖୁବ୍ ଶୀଘ୍ର ଉପଭୋକ୍ତାମାନେ ମୋବାଇଲରେ BSNL ର 5G ସିମ୍ ପାଇବାକୁ ଯାଉଛନ୍ତି।



BSNL 5G ପାଇଁ ସରକାର 700MHz, 2200MHz, 3300MHz ଏବଂ 26GHz ସ୍ପେକ୍ଟ୍ରମ ବ୍ୟାଣ୍ଡ ଆବଣ୍ଟନ କରିଛନ୍ତି। ବର୍ତ୍ତମାନ BSNL 700MHz ସ୍ପେକ୍ଟ୍ରମ୍ ବ୍ୟାଣ୍ଡରେ 5G ସେବାର ଟ୍ରାୟଲ କରୁଛି।