Devara Review: ସୋସିଆଲ ମିଡ଼ିଆରେ ଦେବରାକୁ ନେଇ ଆସିଲା ଏଭଳି ପ୍ରତିକ୍ରିୟା
ନୂଆଦିଲ୍ଲୀ: ଆଜି ୨୭ ସେପ୍ଟେମ୍ବର ଶୁକ୍ରବାର ବହୁ ପ୍ରତିକ୍ଷିତ ଦେବରା ବଡ଼ ପରଦାରେ ରିଲିଜ ହୋଇଛି। ଏହି ଚଳଚ୍ଚିତ୍ରରେ ଜୁନିଅର ଏନଟିଆର, ଜାନଭୀ କପୁର ଓ ସୈଫ ଅଲ୍ଲୀ ଖାନ ମୁଖ୍ୟ ଭୂମିକାରେ ନଜର ଆସିଛନ୍ତି। ଏହି ସିନେମାଟିର ଫାଷ୍ଟ ଡେ ଫାଷ୍ଟ ସୋ ଦେଖିବାକୁ ଆଜି ସିନେପ୍ରେମୀଙ୍କ ଗହଳି ଲାଗିଥିବା ଦେଖିବାକୁ ମିଳିଛି। ଆଜି ସକାଳୁ ସିନେମା ହଲ ସାମ୍ନ
Devara Review: ନୂଆଦିଲ୍ଲୀ: ଆଜି ୨୭ ସେପ୍ଟେମ୍ବର ଶୁକ୍ରବାର ବହୁ ପ୍ରତିକ୍ଷିତ ଦେବରା ବଡ଼ ପରଦାରେ ରିଲିଜ ହୋଇଛି। ଏହି ଚଳଚ୍ଚିତ୍ରରେ ଜୁନିଅର ଏନଟିଆର, ଜାନଭୀ କପୁର ଓ ସୈଫ ଅଲ୍ଲୀ ଖାନ ମୁଖ୍ୟ ଭୂମିକାରେ ନଜର ଆସିଛନ୍ତି। ଏହି ସିନେମାଟିର ଫାଷ୍ଟ ଡେ ଫାଷ୍ଟ ସୋ ଦେଖିବାକୁ ଆଜି ସିନେପ୍ରେମୀଙ୍କ ଗହଳି ଲାଗିଥିବା ଦେଖିବାକୁ ମିଳିଛି। ଆଜି ସକାଳୁ ସିନେମା ହଲ ସାମ୍ନାରେ ଭୋର ୪ଟାରୁ ସିନେପ୍ରେମୀଙ୍କ ଭିଡ ଲାଗିଥିବା ଦେଖିବାକୁ ମିଳିଥିଲା। ତେବେ ଫାଷ୍ଟ ଡେ ଫାଷ୍ଟ ସୋ ପରେ ଏବେ ସିନେପ୍ରେମୀ ଏହି ସିନେମାକୁ ନେଇ ସେମାନଙ୍କର ରିଭ୍ୟୁ ମଧ୍ୟ ପ୍ରଦାନ କରିସାରିଛନ୍ତି।
ସିନେମାଟିର ସଂଗୀତ, ବ୍ୟାକଗ୍ରାଉଣ୍ଡ ମ୍ୟୁଜିକ, ସିନେମାଟୋଗ୍ରାଫି ଓ ଜୁନିଅର ଏନଟିଆରଙ୍କ ପ୍ରଦର୍ଶନକୁ ନେଇ ସୋସିଆଲ ମିଡ଼ିଆରେ ଭରପୁର ପ୍ରଶଂସା କରାଯାଇଛି। ସେହିପରି ସିନେମାର ଶେଷ ଭାଗକୁ ବ୍ଲକବଷ୍ଟର ବୋଲି କହିଛନ୍ତି ସିନେପ୍ରେମୀ। ତେବେ ଦେବରାର ସିକ୍ୱେଲ ଆସିବା ନେଇ ଏହାର କ୍ଲାଇମାକ୍ସ ଇଙ୍ଗିତ କରେ।
ତେବେ ସିନେମାଟି ଦେଖିବା ପରେ ଜଣେ ୟୁଜର ଲେଖିଛନ୍ତି କି ସିନେମାଟିର ଆକ୍ସନ ସିନ ବେଶ ଦମଦାର ହୋଇଛି। ଏନଟିଆରଙ୍କର ଦମଦାର ଅଭିନୟ ସିନେପ୍ରେମୀଙ୍କୁ ବେଶ ଆକୃଷ୍ଟ କରିଛି। ବ୍ୟାକଗ୍ରାଉଣ୍ଡ ସାଉଣ୍ଡ ମନଛୁଆଁ ହୋଇଛି। କିନ୍ତୁ ସିନେମାର କାହାଣୀ ଆଉ ଟିକେ ଉନ୍ନତ ହୋଇ ପାରିଥାଆନ୍ତା। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଦେବରାଙ୍କ କାହାଣୀର ଆରମ୍ଭ ଭଲ ଥିଲା। ଜୁନିଅର ଏନଟିଆରଙ୍କର ଏଣ୍ଟ୍ରି ଦୃଶ୍ୟରେ ନିଆଁ ଲାଗିଯାଇଥିଲା। ପୃଷ୍ଠଭୂମି ଦୃଢ ଥିଲା। ଯେତେବେଳେ ତୃତୀୟ ୟୁଜର ଏହି ଫିଲ୍ମକୁ ଅଢେଇ ଷ୍ଟାର ଦେଇଛନ୍ତି। ସେ ଲେଖିଥିଲେ ଯେ ପ୍ରଥମାର୍ଦ୍ଧ ହାରାହାରି ଏବଂ ଦ୍ୱିତୀୟାର୍ଦ୍ଧ ତାହାଠାରୁ ଆଭରେଜ ଠାରୁ ତଳେ ଥିଲା। VFX ନୈରାଶ୍ୟଜନକ ରହିଛି। କିନ୍ତୁ NTR ଏହି ଫିଲ୍ମକୁ ବଞ୍ଚାଇବାକୁ ଚେଷ୍ଟା କରିଛନ୍ତି।