Earthquake: ଭୂକମ୍ପରେ ଥରିଲା ରାଜସ୍ଥାନ, ଘରୁ ପଦାକୁ ଆସିଲେ ଲୋକେ

Earthquake: ରାଜସ୍ଥାନର ବଲୋତ୍ରା ଜିଲ୍ଲାରେ ଆଜି ମଧ୍ୟାହ୍ନରେ ଭୂକମ୍ପ ଅନୁଭୂତ ହୋଇଛି । ଭୂକମ୍ପର ତୀବ୍ରତା 3.2 ରେକର୍ଡ କରାଯାଇଛି । ଭୂକମ୍ପ ଅନୁଭବ କରିବା ମାତ୍ରେ ଲୋକମାନେ ଘରୁ ପଦାକୁ ବାହାରି ଆସିଥିଲେ । ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ପ୍ରାୟ 1:43 ସମୟରେ ବଲୋତ୍ରା ଠାରେ ଭୂକମ୍ପ ଅନୁଭୂତ ହୋଇଥିଲା। ଭୂକମ୍ପର କେନ୍ଦ୍ରସ୍ଥଳ ବଲୋତ୍ରା ଥିଲା ବୋଲି କୁହାଯାଉଛି। ପ୍ରାୟ ୫ କିମି ଅଞ୍ଚଳରେ ଭୂକମ୍ପ ଅନୁଭୂତ ହୋଇଥିଲା।

ଭୂକମ୍ପ ଅନୁଭୂତ ହେବା ପରେ ଲୋକମାନେ ଘର ଭିତରୁ ଭୟରେ ପଦାକୁ ବାହାରି ଆସିଥିଲେ । ଦୀର୍ଘ ସମୟ ଧରି ଘର ବାହାରେ ରହିଥିଲେ ଲୋକମାନେ । ପୁଣି କାଳେ ଭୂକମ୍ପ ହେବ ସେହି ଆଶଙ୍କା ମନରେ ରହିଥିଲା । ତେବେ ଭୂକମ୍ପରେ କ୍ଷୟକ୍ଷତି ସମ୍ପର୍କରେ କୌଣସି ସୂଚନା ଏପର୍ଯ୍ୟନ୍ତ ମିଳିନାହିଁ ।