Gold Price Today: ସୁନା କିଣିବା ପାଇଁ ଚାହୁଁଥିବା ଲୋକଙ୍କ ପାଇଁ ଖୁସି ଖବର, ଶସ୍ତା ହେଲା ଦର
Gold Price Today: ସୁନା ମୂଲ୍ୟରେ ହ୍ରାସ ଘଟିଛି। ତଥାପି, ଏହା ଏପର୍ଯ୍ୟନ୍ତ ୬୨,୦୦୦ ସ୍ତରରୁ ଅଧିକ ରହିଛି। ଆସନ୍ତୁ ଜାଣିବା ବର୍ତ୍ତମାନ କିପରି ରହିଛି ସୁନା-ରୂପା ଦର?
Gold-Silver Price Today: ସୁନା କ୍ରେତାମାନଙ୍କ ପାଇଁ ଏକ ଖୁସି ଖବର ଅଛି। ଶୁକ୍ରବାର ଦିନ କାରବାରରେ ସୁନା ମୂଲ୍ୟରେ ସାମାନ୍ୟ ହ୍ରାସ ଘଟିଛି। ଇଣ୍ଡିଆନ୍ ବୁଲିଅନ୍ ଜୁଏଲର୍ସ ଆସୋସିଏସନ୍ (ଆଇବିଜେଏ) ଅନୁଯାୟୀ ୧୦ ଗ୍ରାମ ୨୪ କ୍ୟାରେଟ୍ ସୁନା ମୂଲ୍ୟ ୬୨,୦୩୦ ଟଙ୍କା ହୋଇଛି। ଏହା ପୂର୍ବରୁ ଏହା ୬୨,୧୫୫ ଟଙ୍କା ଥିଲା। ରୂପା ମୂଲ୍ୟ କିଲୋଗ୍ରାମରେ ପିଛା ପ୍ରାୟ ୭୦,୦୦୦ ଟଙ୍କା ରହିଛି।
୨୨,୨୦,୧୮ ଏବଂ ୧୪ କ୍ୟାରେଟ୍ ସୁନାର ମୂଲ୍ୟ କ’ଣ ରହିଛି?
ଇଣ୍ଡିଆନ୍ ବୁଲିଅନ୍ ଜୁଏଲର୍ସ ଆସୋସିଏସନ୍ (ଆଇବିଜେଏ) ଅନୁଯାୟୀ ୨୨ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପିଛା ୬୦,୫୪୦ ଟଙ୍କା, ୨୦ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପିଛା ୫୫,୨୦୦ ଟଙ୍କା, ୧୮ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପିଛା ୫୦,୨୪୦ ଟଙ୍କା ଏବଂ ୧୪ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ ପ୍ରତି ୪୦,୦୧୦ ଟଙ୍କା ରହିଛି।
ଆନ୍ତର୍ଜାତୀୟ ବଜାରରେ ସୁନା ଓ ରୂପା ଦରରେ ହ୍ରାସ
ଆନ୍ତର୍ଜାତୀୟ ବଜାରରେ ସୁନା ଓ ରୂପା ଦରରେ ହ୍ରାସ ଦେଖିବାକୁ ମିଳୁଛି। ୨୪ କ୍ୟାରେଟ୍ ସୁନା ୦.୨୫ ପ୍ରତିଶତ ହ୍ରାସ ଘଟି ବ୍ୟାରେଲ ପିଛା ୨,୦୨୫ ଡଲାର ହୋଇଛି ଏବଂ ରୂପା ୦.୮୪ ପ୍ରତିଶତ ହ୍ରାସ ହୋଇ ବ୍ୟାରେଲ ପିଛା ୨୨.୫୯ ଡଲାରରେ ପହଞ୍ଚିଛି। ସ୍ୱଳ୍ପ ସୁଧ ହାର ଉପରେ ଆମେରିକାର ଫେଡର ଦେଇଥିବା ମନ୍ତବ୍ୟ ପରେ ସୁନା ଏବଂ ରୂପା ମୂଲ୍ୟ ଚାପରେ ରହିଛି।
ଭବିଷ୍ୟତରେ କିପରି ରହିବ ସୁନା ଏବଂ ରୂପା ମୂଲ୍ୟ
ସୁନା ଓ ରୂପା ମୂଲ୍ୟରେ ହ୍ରାସ ଭବିଷ୍ୟତରେ ମଧ୍ୟ ଦେଖାଯାଇପାରେ। ୫ ଏପ୍ରିଲ ୨୦୨୪ ପାଇଁ ହୋଇଥିବା କଣ୍ଟ୍ରାକ୍ଟରେ ୨୪ କ୍ୟାରେଟ୍ ସୁନା ଦର ୦.୧୫ ପ୍ରତିଶତ ହ୍ରାସ ପାଇ ୧୦ ଗ୍ରାମ ପ୍ରତି ୬୧,୮୮୩ ଟଙ୍କା ଏବଂ ୫ ମାର୍ଚ୍ଚ ୨୦୨୪ ପାଇଁ ହୋଇଥିବା ରୂପା ଚୁକ୍ତି ୦.୬୫ ପ୍ରତିଶତ ହ୍ରାସ ପାଇ ୬୯,୮୧୩ ଟଙ୍କା ରହିଛି।