Govt Job ପାଇଁ ପ୍ରସ୍ତୁତ ହେଉଛନ୍ତି କି? ଗୁରୁତ୍ୱପୂର୍ଣ୍ଣ ଖବର, ଏବେ ଏହି ୧୫ ଟି ଭାଷାରେ ଅନୁଷ୍ଠିତ ହେବ ପରୀକ୍ଷା

Govt Job: କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ ବୁଧବାର କହିଛନ୍ତି ଯେ, ଏସଆରସି ଦ୍ୱାରା ୧୫ ଟି ଭାଷାରେ ପରିଚାଳିତ ସରକାରୀ ନିଯୁକ୍ତି ପରୀକ୍ଷା କରିବାକୁ କେନ୍ଦ୍ର ନିଷ୍ପତ୍ତି ନେଇଛି,

Govt Job: ସରକାରୀ ଚାକିରି ପ୍ରସ୍ତୁତିରେ ନିୟୋଜିତ ଥିବା ଯୁବକ ତଥା ଯୁବତୀଙ୍କ ପାଇଁ ବର୍ତ୍ତମାନ ଏକ ଖୁସି ଖବର (Good News) ଆସିଛି । ବର୍ତ୍ତମାନ ପ୍ରାର୍ଥୀମାନେ ସେମାନଙ୍କର ସ୍ଥାନୀୟ ଭାଷାରେ ଯେକୌଣସି କେନ୍ଦ୍ରରେ ସରକାରୀ ଚାକିରି ପାଇଁ ପରୀକ୍ଷା (Exam) ଦେଇପାରିବେ । ଏଥିପାଇଁ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ (union minister jitendra singh) ବୁଧବାର କହିଛନ୍ତି ଯେ, ଏସଆରସି ଦ୍ୱାରା ୧୫ ଟି ଭାଷାରେ ପରିଚାଳିତ ସରକାରୀ ନିଯୁକ୍ତି ପରୀକ୍ଷା କରିବାକୁ କେନ୍ଦ୍ର ନିଷ୍ପତ୍ତି ନେଇଛି, ଯାହା ଦ୍ବାରା ଦେଶର ଯୁବକମାନେ କୌଣସି ସୁଯୋଗ ହାତ ଛଡ଼ା କରିବେ ନାହିଁ । କାର୍ମିର୍କ, ଜନ ଅଭିଯୋଗ ଏବଂ ପେନ୍ସନ୍ ମନ୍ତ୍ରଣାଳୟର (Ministry of Public Grievances and Pensions) ୧୪ ତମ ହିନ୍ଦୀ ସାଲାହକର ସମିତି ବୈଠକକୁ ସମ୍ବୋଧିତ କରି ସେ କହିଛନ୍ତି ଯେ, ଏହି ଐତିହାସିକ ନିଷ୍ପତ୍ତି ସ୍ଥାନୀୟ ଯୁବକମାନଙ୍କ ଅଂଶଗ୍ରହଣକୁ ଉତ୍ସାହିତ କରିବ ଏବଂ ଆଞ୍ଚଳିକ ଭାଷା (Local language)କୁ ଉତ୍ସାହିତ କରିବ ।

ସରକାରୀ ଚାକିରି ପରୀକ୍ଷା ୧୫ ଟି ଭାରତୀୟ ଭାଷାରେ ହେବ

କାର୍ମିକ ରାଜ୍ୟ ମନ୍ତ୍ରୀ ସିଂ କହିଛନ୍ତି ଯେ, ନିକଟରେ ୧୫ ଟି ଭାରତୀୟ ଭାଷାରେ ସରକାରୀ ଚାକିରି ପରୀକ୍ଷା କରିବାକୁ ନିଷ୍ପତ୍ତି ନିଆଯାଇଛି, ଯାହା ଦ୍ବାରା ଦେଶର କୌଣସି ଯୁବକ ଭାଷା ପ୍ରତିବନ୍ଧକ ହେତୁ ଚାକିରି ସୁଯୋଗରୁ ବଞ୍ଚିତ ହେବେ ନାହିଁ। ଷ୍ଟାଫ୍ ସିଲେକସନ କମିଶନ (Staff Selection Commission) (ଏସଏସସି) ଦ୍ୱାରା କରାଯାଇଥିବା ନିଯୁକ୍ତି ପରୀକ୍ଷା ବିଷୟରେ ଉଲ୍ଲେଖ କରି ସେ କହିଛନ୍ତି, ହିନ୍ଦୀ ଏବଂ ଇଂରାଜୀ ବ୍ୟତୀତ ଏହି ପେପର ୧୩ ଟି ଆଞ୍ଚଳିକ ଭାଷାରେ ପରୀକ୍ଷା ହେବ, ଯଥା ଆସାମୀୟ, ବଙ୍ଗାଳୀ, ଗୁଜରାଟୀ, ମରାଠୀ (Marathi), ମାଲାୟାଲମ୍, କନ୍ନଡ (Kannada), ତାମିଲ, ତେଲୁଗୁ , ଓଡିଆ (Odia), ଉର୍ଦ୍ଦୁ, ପଞ୍ଜାବୀ, ମଣିପୁରୀ (ମୈତୀ ମଧ୍ୟ) ଏବଂ କୋଙ୍କଣୀ ।

ମନ୍ତ୍ରୀ ଏକଥା କହିଛନ୍ତି ଯେ, ଗତ ନଅ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra modi)ଙ୍କ ନେତୃତ୍ୱରେ ସରକାରୀ ଭାଷା ହିନ୍ଦୀ ବ୍ୟତୀତ ଭାରତୀୟ ଆଞ୍ଚଳିକ ଭାଷା ପ୍ରଚାର କରିବାରେ ଉଲ୍ଲେଖନୀୟ ଅଗ୍ରଗତି (Remarkable progress) ହୋଇଛି। ସେ କହିଛନ୍ତି ଯେ ଏହି ନିଷ୍ପତ୍ତି ଅନୁଯାୟୀ ଲକ୍ଷ ଲକ୍ଷ ପ୍ରାର୍ଥୀ ମାତୃଭାଷା / ଆଞ୍ଚଳିକ ଭାଷାରେ ପରୀକ୍ଷାରେ ହାଜର ହେବେ ଏବଂ ସେମାନଙ୍କ ଚୟନ (Selection)ରେ ଉନ୍ନତି ଆସିବ। ସିଂ କହିଛନ୍ତି ଯେ ଇଂରାଜୀ (English) ଏବଂ ହିନ୍ଦୀ ବ୍ୟତୀତ ଅନ୍ୟ ଭାଷାରେ SSC ପରୀକ୍ଷା କରିବା ପାଇଁ ବିଭିନ୍ନ ରାଜ୍ୟରୁ କ୍ରମାଗତ ଦାବି ରହିଛି।

ମାତୃଭାଷାରେ ବୈଷୟିକ ଶିକ୍ଷା ଦିଆଯିବ
ସେ କହିଛନ୍ତି ଯେ ପ୍ରାଥମିକ, ବୈଷୟିକ ଏବଂ ଡାକ୍ତରୀ ଶିକ୍ଷା କ୍ଷେତ୍ର (Medical Education)ରେ ଛାତ୍ରଛାତ୍ରୀଙ୍କ ମାତୃଭାଷାକୁ ଗୁରୁତ୍ୱ ଦେଇ ପ୍ରଧାନମନ୍ତ୍ରୀ ମୋଦି ନୂତନ ଜାତୀୟ ଶିକ୍ଷା ନୀତି (NET) ରେ ଏକ ଐତିହାସିକ ନିଷ୍ପତ୍ତି ନେଇଛନ୍ତି। “ହିନ୍ଦୀ (Hindi), ତାମିଲ, ତେଲୁଗୁ (Telugu), ମାଲାୟାଲମ୍ (Malayalam), ଗୁଜୁରାଟୀ, ବଙ୍ଗାଳୀ ଭଳି ଆଞ୍ଚଳିକ ଭାଷାରେ ଡାକ୍ତରୀ ଏବଂ ଇଞ୍ଜିନିୟରିଂ ଶିକ୍ଷା (Engineering education) ପ୍ରଦାନ କରିବାକୁ ପ୍ରଧାନମନ୍ତ୍ରୀ ମୋଦି ଆହ୍ବାନ କରିଛନ୍ତି। ହିନ୍ଦୀରେ ଡାକ୍ତରୀ ଶିକ୍ଷା ଆରମ୍ଭ ହୋଇଛି ଏବଂ ଶୀଘ୍ର ଇଞ୍ଜିନିୟରିଂ ଶିକ୍ଷା ମଧ୍ୟ ହିନ୍ଦୀରେ ଆରମ୍ଭ ହେବ ଏବଂ ଇଞ୍ଜିନିୟରିଂ ବହି ଗୁଡ଼ିକ ମଧ୍ୟ ଅନୁବାଦ ହେବ । ସିଂ କହିଛନ୍ତି ଯେ, ସାରା ଦେଶରେ ଆଠଟି ଭାଷା ଆରମ୍ଭ ହୋଇଛି ଏବଂ ଖୁବ୍ ଶୀଘ୍ର ଦେଶର ଛାତ୍ରମାନେ ସେମାନଙ୍କ ମାତୃଭାଷାରେ ବୈଷୟିକ ଏବଂ ଚିକିତ୍ସା ଶିକ୍ଷା ପାଇପାରିବେ।