Terrorist Attack: ଜମ୍ମୁ କାଶ୍ମୀରରେ ଆତଙ୍କୀ ଆକ୍ରମଣ, ଡାକ୍ତରଙ୍କ ସମେତ ୭ ଜଣଙ୍କ ମୃତ୍ୟୁ

Terrorist Attack: ନୂଆଦିଲ୍ଲୀ: ଗତକାଲି ରବିବାର ରାତିରେ ଜାମ୍ମୁ କାଶ୍ମୀରର ଗାଣ୍ଡରୱାଲରେ ଆତଙ୍କବାଦୀ ଆକ୍ରମଣ ହୋଇଥିବା ଜଣାପଡ଼ିଛି। ଆତଙ୍କୀଙ୍କ ଗୁଳିରେ ୭ ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଡାକ୍ତର ଏବଂ ଶ୍ରମିକ ଅଛନ୍ତି। ୨ ବନ୍ଧୁକଧାରୀ ଏକ  କାର୍ଯ୍ୟ କରୁଥିବା ଶ୍ରମିକଙ୍କ ଉପରକୁ ଗୁଳି ଚଳାଇଥିଲେ। ଏହି ଆକ୍ରମଣର ଦାୟିତ୍ୱ ଆତଙ୍କବାଦୀ ସଂଗଠନ ଦି ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ଦ୍ୱାରା ଲଶ୍କର-ଏ-ତାଇବା ର ଏକ ଶାଖା ଅଟେ। ରାଜ୍ୟ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ପୈତୃକ ବିଧାନସଭା ଆସନ ଅଧିନରେ ଏହି ଆତଙ୍କବାଦୀ ଆକ୍ରମଣ ହୋଇଛି। ଇନ୍ସପେକ୍ଟର ଜେନେରାଲ୍ ପୋଲିସ୍ ଭି.କେ ବିର୍ଡି ଏହି ଆତଙ୍କବାଦୀ ଆକ୍ରମଣକୁ ସ୍ପଷ୍ଟ କରିଛନ୍ତି। ଏହି ବିଧାନସଭା ଆସନରୁ ନିର୍ବାଚନ ଜିତି ଓମାର ଅବଦୁଲ୍ଲାଙ୍କ ଜେଜେବାପା ଶେଖ ଅବଦୁଲ୍ଲା ଏବଂ ତା’ପରେ ତାଙ୍କ ପିତା ଫାରୁକ୍ ଅବଦୁଲ୍ଲା ବିଧାୟକ ହୋଇଛନ୍ତି।

ଆତଙ୍କବାଦୀ ଆକ୍ରମଣରେ ନିହତ ହୋଇଥିବା ବ୍ୟକ୍ତିଙ୍କ ମଧ୍ୟରେ ଶ୍ରୀନଗର-ଲେ ଜାତୀୟ ରାଜପଥରେ ଟନେଲର ନିର୍ମାଣ କାର୍ଯ୍ୟରେ ନିୟୋଜିତ କାଶ୍ମୀରୀ ଡାକ୍ତର, ଶ୍ରମିକ ଏବଂ କର୍ମଚାରୀ ଅଛନ୍ତି। ମୃତ୍ୟୁବରଣ କରିଥିବା ଲୋକମାନେ ୩ଟି ରାଜ୍ୟର ବାସିନ୍ଦା ଥିଲେ। ମୃତ ବ୍ୟକ୍ତିମାନେ ବିହାର ବାସିନ୍ଦା ସୁରକ୍ଷା ପରିଚାଳକ ଫାହିମାନ ନାସିନ, ବିହାର ବାସିନ୍ଦା ତାହିର ଏବଂ ସନ୍ସ କମ୍ପାନୀର କର୍ମଚାରୀ ମହମ୍ମଦ ହନିଫ ଏବଂ କାଲିମ, ମଧ୍ୟପ୍ରଦେଶ ବାସିନ୍ଦା ମେକାନିକାଲ ଇଞ୍ଜିନିୟର ଅନିଫ ଶୁକଲା, କାଶ୍ମୀର ବାସିନ୍ଦା ଡ. ଶାହନାୱାଜ ଏବଂ ଗୁରୁମିତ ସିଂ ବୋଲି ଜଣାପଡିଛି।ଗତ ଜୁନ ୯ ତାରିଖରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଏହା ସବୁଠାରୁ ଘାତକ ଆକ୍ରମଣ ରହିଥିଲା। ଗତ ଜୁନ ୯ ତାରିଖରେ ଆତଙ୍କବାଦୀମାନେ ବୈଷ୍ଣୋ ଦେବୀଙ୍କ ଭକ୍ତଙ୍କୁ ନେଇ ଯାଉଥିବା ଏକ ବସ ଉପରକୁ ଆଖିବୁଜା ଗୁଳିମାଡ଼ କରିଥିଲେ। ଏହି ଘଟଣାରେ ୯ ଜଣ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଥିଲା ​​ଏବଂ ଏହି ଆକ୍ରମଣକୁ ସାରା ଦେଶରେ ନିନ୍ଦା କରାଯାଇଥିଲା।