Inbuilt Set Top Box: ସ୍ମାର୍ଟଫୋନ୍ (Smartphone) ପରେ ବର୍ତ୍ତମାନ ସ୍ମାର୍ଟ ଟିଭି (Smart TV) ର ଯୁଗ ଆସିଛି । ଆପଣଙ୍କୁ ଏହି ଟିଭିଗୁଡ଼ିକରେ ୟୁଟ୍ୟୁବ୍ (YouTube), ନେଟଫ୍ଲିକ୍ସ (Netflix), ଆମାଜନ ପ୍ରାଇମ (Amazon Prime) ସହିତ ଅନେକ ଆପ୍ସର ଆକ୍ସେସ୍ ମିଳିଥାଏ । ଏସବୁ ପରେ ମଧ୍ୟ ଦେଶରେ ଏକ ବୃହତ ଜନସଂଖ୍ୟା ସେଟ୍-ଟପ୍ ବକ୍ସ (Set Top Box) ବ୍ୟବହାର କରନ୍ତି । ଫ୍ରି-ଟୁ-ଏୟାର ଚ୍ୟାନେଲ (Free-To-Air Channels) ପାଇଁ ଗ୍ରାହକଙ୍କୁ ସେଟ୍-ଟପ୍ ବକ୍ସରେ ମଧ୍ୟ ଟଙ୍କା ଖର୍ଚ୍ଚ କରିବାକୁ ପଡ଼ିଥାଏ । ଆଗାମୀ ସମୟରେ ଏହି ଚ୍ୟାନେଲଗୁଡିକ ଦେଖିବା ପାଇଁ ଆପଣଙ୍କୁ ଏକ ସେଟ୍-ଟପ୍ ବକ୍ସ କିଣିବାକୁ ପଡିବ ନାହିଁ । କେନ୍ଦ୍ର ସରକାର ଏଥିପାଇଁ ଏକ ଯୋଜନା ପ୍ରସ୍ତୁତ କରୁଛନ୍ତି । ଗ୍ରାହକଙ୍କୁ ସେଟ୍-ଟପ୍ ବକ୍ସରୁ ମୁକ୍ତ କରିବା ପାଇଁ ସୂଚନା ଓ ପ୍ରସାରଣ ମନ୍ତ୍ରଣାଳୟ (I&B Minister) ଏଥିପାଇଁ ଏକ ଯୋଜନା ପ୍ରସ୍ତୁତ କରିଛି ।


COMMERCIAL BREAK
SCROLL TO CONTINUE READING

ଏହା ଅଧୀନରେ ଟିଭିରେ ପୂର୍ବରୁ ଏକ ଇନ-ବିଲ୍ଡ ସାଟେଲାଇଟ୍ ଟ୍ୟୁନର୍ (Built In Satellite Tuners) ଲାଗି ରହିବ । କେନ୍ଦ୍ର ମନ୍ତ୍ରୀ ଅନୁରାଗ ଠାକୁର (Anurag Thakur) ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, ପ୍ରାୟ ୨୦୦ ଚ୍ୟାନେଲ ମାଗଣା (Free TV Channels) ଅଛି, ଯାହାକୁ ଦର୍ଶକମାନେ କୌଣସି ଟଙ୍କା ଖର୍ଚ୍ଚ ନକରି ଦେଖିପାରିବେ । ଟିଭିରେ ବିଲ୍ଟ-ଇନ୍ ସାଟେଲାଇଟ୍ ଟ୍ୟୁନର୍ ମିଳିବାରୁ ଉପଭୋକ୍ତାମାନେ କୌଣସି ଅସୁବିଧା ବିନା ଏହି ଫ୍ରି-ଟୁ-ଏୟାର ଚ୍ୟାନେଲଗୁଡ଼ିକୁ ଦେଖିପାରିବେ । ଏଥିପାଇଁ ସେମାନଙ୍କୁ ଏକ ଆଣ୍ଟେନା ଲଗାଇବାକୁ ପଡିବ, ଯାହା ଦ୍ୱାରା ସିଗନାଲ୍ ଟିଭିରେ ପହଞ୍ଚିପାରିବ । ଏହି ବିଷୟରେ ଆଲୋଚନା କରି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ଦୂରଦର୍ଶନ ଫ୍ରି ଡିସରେ ସାଧାରଣ ମନୋରଞ୍ଜନ ଚ୍ୟାନେଲ ସଂଖ୍ୟା ବୃଦ୍ଧି ପାଇଛି । ଏହି କାରଣରୁ ଦର୍ଶକଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି ।


ଅଧିକ ପଢ଼ନ୍ତୁ:-ଯେଉଁ ବ୍ୟାଟ୍ ସାହାଯ୍ୟରେ ବିରାଟ କୋହଲି ଶତକ ପରେ ଶତକ ଲଗାଇଚାଲିଛନ୍ତି, ଜାଣନ୍ତି କି ଆପଣ ଏହାର ମୂଲ୍ୟ କେତେ


ଅଧିକ ପଢ଼ନ୍ତୁ:-ଗହଣା କିଣିବାର ସୁବଣ୍ଣ ସୁଯୋଗ: ରେକର୍ଡ ଦାମରୁ ୩୦୦୦ ଟଙ୍କା ଶସ୍ତା ମିଳୁଛି ସୁନା, ଜାଣନ୍ତୁ ଆଜିର ନୂଆ ରେଟ୍


ଅଧିକ ପଢ଼ନ୍ତୁ:-ରାସନ କାର୍ଡଧାରୀଙ୍କ ପାଇଁ ବଡ଼ ଖୁସି ଖବର, ବର୍ତ୍ତମାନ ପ୍ରତି ମାସରେ ମାଗଣା ରାସନ ସହ ମିଳିବ ଏତେ ଟଙ୍କା


ଏହା ସହିତ ସେ ତାଙ୍କ ବିଭାଗର ଉଦ୍ୟମ ବିଷୟରେ ମଧ୍ୟ କହିଛନ୍ତି, ଯେଉଁ କାରଣରୁ ଇନ-ବିଲ୍ଟ ଟ୍ୟୁନର୍ ସହିତ ଟିଭି ବିକ୍ରି ହୋଇପାରିବ । ଦୂରଦର୍ଶନ ଏହାର ଚ୍ୟାନେଲଗୁଡ଼ିକୁ ଅନାଲଗ ଟ୍ରାନ୍ସମିସନ୍ ଠାରୁ ଡିଜିଟାଲ୍ ସାଟେଲାଇଟ୍ ଟ୍ରାନ୍ସମିସନ୍ କୁ ବଦଳାଉଛି । କେନ୍ଦ୍ର ମନ୍ତ୍ରୀ କହିଛନ୍ତି ଯେ, ଟିଭିରେ ଏକ ଇନ-ବିଲ୍ଟ ଟ୍ୟୁନର୍ ପାଇବା ଦ୍ୱାରା ଉପଭୋକ୍ତାମାନେ କେବଳ ଗୋଟିଏ କ୍ଲିକରେ ୨୦୦ରୁ ଅଧିକ ଚ୍ୟାନେଲ ଦେଖିପାରିବେ । ତେବେ ଏ ବାବଦରେ ଚୂଡ଼ାନ୍ତ ନିଷ୍ପତ୍ତି ନିଆଯାଇ ନାହିଁ ବୋଲି ସେ ସୂଚନା ଦେଇଛନ୍ତି । ଏହା ନୁହେଁ ଯେ ଏହିପରି ପ୍ରୋଡକ୍ଟଗୁଡିକ ବଜାରକୁ ଆସିନାହିଁ । ଏହିପରି କିଛି ଉତ୍ପାଦ ମଧ୍ୟ ପୂର୍ବରୁ ଆସିସାରିଛି । ସାମସଙ୍ଗ ଓ ଏୟାରଟେଲ ମିଶି ଏକ ଟିଭି ଲଞ୍ଚ କରିଛନ୍ତି, ଯେଉଁଥିରେ ଉପଭୋକ୍ତାମାନଙ୍କୁ ସେଟ୍-ଟପ୍ ବକ୍ସ ବ୍ୟବହାର କରିବାକୁ ପଡିବ ନାହିଁ । ଏଥିରେ, ଉପଭୋକ୍ତାମାନେ ଆଣ୍ଟେନାରୁ ସିଧାସଳଖ ଏୟାରଟେଲ DTH ସେବା ବ୍ୟବହାର କରିବାକୁ ସକ୍ଷମ ଅଟନ୍ତି ।