ମହିଳା ଭୋଟରଙ୍କୁ ବୁର୍ଖା ଉଠାଇବା କହିଲେ ମାଧବୀ ଲତା, ମାମଲା ରୁଜୁ

ହାଇଦ୍ରାବାଦର ବିଜେପି ପ୍ରାର୍ଥୀ ମାଧବୀ ଲତା ଜଣେ ମହିଳା ଭୋଟରଙ୍କୁ ନିଜର ପରିଚୟ ପ୍ରଦାନ କରିବା ସହ ପିନ୍ଧିଥିବା ବୁର୍ଖା ଉଠାଇବାକୁ କହିଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ହାଇଦ୍ରାବାଦ: ସୋମବାର ଦିନ ଭାରତୀୟ ଜନତା ପାର୍ଟିର ହାଇଦ୍ରାବାଦ ସଂସଦ ନିର୍ବାଚନମଣ୍ଡଳୀ ପ୍ରାର୍ଥୀ ମାଧବୀ ଲତାଙ୍କ ବିରୋଧରେ ଏକ ମାମଲା ରୁଜୁ ହୋଇଛି । କିଛି ମୁସଲମାନ ମହିଳା ଭୋଟରଙ୍କୁ ସେ ବୁର୍ଖା ହଟାଇବାକୁ କହିବା ସହ ସେମାନଙ୍କ ପରିଚୟ ପ୍ରକାଶ କରିବାକୁ କହିଥିଲେ । ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ କମିଶନର ରୋନାଲଡ ରୋଜଙ୍କ ନିର୍ଦ୍ଦେଶକୁ ଆଧାର କରି ହାଇଦ୍ରାବାଦ ଏଲଏସ ନିର୍ବାଚନମଣ୍ଡଳୀ ପାଇଁ ରିଟର୍ଣ୍ଣ ଅଫିସର ମଧ୍ୟ ମଲାକପେଟ ପୋଲିସ ଧାରା 171C (ସ୍ୱେଚ୍ଛାକୃତ ଭାବରେ ନିର୍ବାଚନ ଅଧିକାରର ହସ୍ତକ୍ଷେପ) ଅଧୀନରେ ମାଧବୀ ଲତାଙ୍କ ବିରୋଧରେ ମାମଲା ରୁଜୁ କରାଯାଇଛି ।

ଆଜାମପୁରାର ବୁଥ୍ ନମ୍ୱର ୧୨୨ରେ ପହଞ୍ଚି ମୁସଲମାନ ମହିଳା ଭୋଟରଙ୍କ ପରିଚୟ ସମ୍ପର୍କରେ ପଚାରି ବୁଝିଥିଲେ ମାଧବି । ସେ ବୋଧହୁଏ ମହିଳା ଭୋଟରଙ୍କ ଚେହେରା ସେମାନଙ୍କ ଇଲେକ୍ଟୋରାଲ ଫଟୋ ପରିଚୟ କାର୍ଡ (EPIC) ରେ ଥିବା ଫଟୋ ସହ ମେଳ ଖାଉଛି କି ନାହିଁ ତାହା ଜାଣିବାକୁ ଚେଷ୍ଟା କରୁଥିଲେ । କିନ୍ତୁ ବୁର୍ଖା ପିନ୍ଧିଥିବା ମହିଳାଙ୍କ ସମେତ ଭୋଟରଙ୍କ ପରିଚୟ ଯାଞ୍ଚ କରିବା ଅଧିକାର ପ୍ରାର୍ଥୀଙ୍କର ନାହିଁ । ଏହି କର୍ତ୍ତବ୍ୟ ମତଦାନକେନ୍ଦ୍ରରେ ଥିବା ଅଧିକାରୀଙ୍କ । ଯେଉଁମାନେ ବୁର୍ଖା ପିନ୍ଧିଥିବା ଭୋଟରଙ୍କ ପରିଚୟ ସମ୍ପର୍କରେ ପଚାରିପାରିବେ ।

ଅନ୍ୟପଟେ ମାଧବୀ ଅଭିଯୋଗ କରିଛନ୍ତି ଯେ, ଭୋଟର ତାଲିକାରେ ଅନେକ ଭୁଲ୍ ରହିଛି ତେଣୁ ସେ ଏହାକୁ ଯାଞ୍ଚ କରିବାକୁ ସେଠାକୁ ଆସିଥିଲେ । ସେ ସୋସିଆଲ ମିଡିଆ ପ୍ଲାଟଫର୍ମ X ରେ ଟ୍ୱିଟ୍ କରି କହିଛନ୍ତି ଯେ, ପୋଲିସ୍ କର୍ମଚାରୀମାନେ ନିଜର ଦାୟିତ୍ୱ ସଠିକ ଭାବେ ତ୍ୱରାନ୍ୱିତ କରୁନାହାନ୍ତି । ସେ କହିଛନ୍ତି ବରିଷ୍ଠ ନାଗରିକ ଭୋଟର ଏଠାକୁ ଆସୁଛନ୍ତି କିନ୍ତୁ ଭୋଟର ତାଲିକାରେ ସେମାନଙ୍କ ନାମ ଉଲ୍ଲେଖ ନାହିଁ । ଏଥିସହ କିଛି ବ୍ୟକ୍ତି ଗୋଶାମାହାଲର ବାସିନ୍ଦା ହୋଇଥିବା ସମୟରେ ସେମାନଙ୍କ ନାମ ରଙ୍ଗାରେଡି ତାଲିକାରେ ଅଛି। ମାଧବୀ କହିଛନ୍ତି ଯେ, ମହିଳା ଭୋଟରଙ୍କ ପରିଚୟ ଯାଞ୍ଚ କରିବାରେ କିଛି ଭୁଲ୍ ନାହିଁ । ସେ ଗଣମାଧ୍ୟମକୁ କହିଛନ୍ତି ଯେ, ମୁଁ ଜଣେ ପ୍ରାର୍ଥୀ ଏବଂ ପ୍ରତ୍ୟେକ ପ୍ରାର୍ଥୀଙ୍କ ମୁହଁ ମାସ୍କ କିମ୍ବା ବୁର୍ଖା ପିନ୍ଧିଥିବା ଭୋଟରଙ୍କ ପ୍ରମାଣପତ୍ର ଯାଞ୍ଚ କରିବାର ଅଧିକାର ରହିଛି।