No Confidence Motion: ଲୋକସଭାରେ ବିରୋଧୀଙ୍କୁ ଜବାବ ଦେଲେ ପିଏମ ମୋଦୀ

No Confidence Motion: ଆଜି ଲୋକସଭାରେ ନିଜର ବକ୍ତବ୍ୟ ମାଧ୍ୟମରେ ବିରୋଧୀ ଦଳର ମୁହଁ ଚୁପ କରିଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।

No Confidence Motion: ଆଜି ଅପରାହ୍ନରେ ଲୋକସଭାରେ ପିଏମ ମୋଦୀ ଗୃହକୁ ସମ୍ବୋଧିତ କରିଛନ୍ତି । ବିରୋଧୀଙ୍କୁ ଜବାବ ଦେବାବେଳେ ପ୍ରଧାନମନ୍ତ୍ରୀଙ୍କ ଅଭିଭାଷଣରେ ଗୃହରେ ତାଳିମାଡ ହୋଇଥିଲା । ପିଏମ ବକ୍ତବ୍ୟରେ କହିଥିଲେ ଯେ, ଗତ ୩ ଦିବସରେ ସମସ୍ତେ ନିଜ ନିଜର ବକ୍ତବ୍ୟ ଦେଇଛନ୍ତି । ସମସ୍ତଙ୍କ ମନ୍ତବ୍ୟ ମୋ ପାଖରେ ପହଞ୍ଚିଛି । ଦେଶର ଜନତା (Public) ଆମ ସରକାର ପ୍ରତି ବାରମ୍ୱାର ବିଶ୍ୱାସ ଦେଉଛନ୍ତି । ଆମେ କୋଟି କୋଟି ଲୋକଙ୍କ ନିକଟରେ କୃତଜ୍ଞ । ଭଗବାନ (God) ବହୁତ ଦୟାଳୁ । ଭଗବାନ କାହା ନା କାହା ମାଧ୍ୟମରେ ଇଚ୍ଛାକୁ ପୂରଣ କରନ୍ତି । ମୁଁ ଏହାକୁ ଭଗବାନଙ୍କ ଆଶୀର୍ବାଦ ବୋଲି ମନେ କରୁଛି । ୨୦୧୮ ମସିହାରେ ମଧ୍ୟ ଏପରି ଏକ ଘଟଣା ହୋଇଥିଲା । ଅବ୍ୟବସ୍ଥା ପ୍ରସ୍ତାବ ଆମ ସରକାରଙ୍କର ଉଦ୍ଦେଶ୍ୟ ନୁହେଁ । ଯେବେ ଆମେ ଜନତାଙ୍କ ପାଖକୁ ଗଲୁ ସେତେବେଳେ ଏନଡିଏ (NDA) ଓ ଭାଜପାଙ୍କୁ ଅଧିକ ସିଟ୍ ମିଳିଥିଲା । ବିପକ୍ଷ ଲୋକଙ୍କ ପ୍ରସ୍ତାବ ତଥା ଅଭିଯୋଗ ସବୁବେଳେ ଆମ ପାଇଁ ଶୁଭ ହୋଇ ଆସିଛି । ବିପକ୍ଷ ଦଳର ପ୍ରସ୍ତାବ ଉପରେ ୩ ଦିନ ହେବ ଅନେକ ଚର୍ଚ୍ଚା ହେଉଛି । ବିରୋଧୀ ଦଳ ଜନ ବିଶ୍ୱାସ ବିଲ୍, ମେଡିସିନ୍ ବିଲ୍, ଡିଜିଟାଲ୍ ବିଲ୍, ଆଦିବାସୀଙ୍କ ଉପରେ ବିଲ୍ ଏଠାରେ ପାରିତ ହୋଇଛି । 

ଦେଶର ଜନତା ଯେଉଁ କାମ ପାଇଁ ଆମକୁ ଏଠାକୁ ପଠାଇଛନ୍ତି ଆମେ ସେମାନଙ୍କ ପାଇଁ କାମ କରୁଛୁ । କିନ୍ତୁ ବିରୋଧୀ (Opposition)ଙ୍କୁ ଗରିବଙ୍କ ଭୋକର ଚିନ୍ତା ନାହିଁ । ଦେଶର ଯୁବକଙ୍କ ଭବିଷ୍ୟତ ଚିନ୍ତା ନାହିଁ ବରଂ ନିଜ ଦଳର ଭବିଷ୍ୟତ ଚିନ୍ତା । ଫିଲଡିଂ ବିରୋଧୀ ଦଳ କରିଛନ୍ତି କିନ୍ତୁ ଛକା ଚୌକା ଆମ ପକ୍ଷରୁ ମରାଯାଉଛି । କିନ୍ତୁ ବିପକ୍ଷ ଦଳ ଲୋକ ନୋ ବଲ୍ କହୁଛନ୍ତି । ସେମାନେ ପ୍ରସ୍ତୁତ ହୋଇ ଲୋକସଭାକୁ ଆସିନାହାନ୍ତି । ଆପଣ ଏହା ଭୁଲନ୍ତୁ ନାହିଁ ଯେ, ଦେଶ ଆପଣଙ୍କୁ ବି ଦେଖୁଛି । କିନ୍ତୁ ପ୍ରତିଥର ଦେଶକୁ ଆପଣ ନିରାଶା ହିଁ ଦେଇଛନ୍ତି । ଯାହାର ନିଜର ବହି ଖାତା ଠିକ୍ ନାହିଁ ସେମାନେ ବି ଆମର ହିସାବ ନେଉଛନ୍ତି । ମୁଁ ଜାଣିନି ଯେ, ବିରୋଧୀଙ୍କ ମଜବୁରୀ କଣ, ଜଣାନାହିଁ ବୋଧହୁଏ କୋଲକାତାରୁ ଫୋନ୍ ଆସିଛି ।

ଆମେ ଭାରତର ଯୁବବର୍ଗର ପିଲାଙ୍କୁ ଖୋଲା ଆକାଶରେ ବୁଲିବାର ସ୍ୱାଧୀନତା ଦେଇଛୁ । ଅନେକ ଲୋକ ଏବେ ବି ଚାହୁଁଛନ୍ତି ଆମ ଉପରେ ଦାଗ ଲାଗିଯାଉ କିନ୍ତୁ ସାରା ଦୁନିଆ ଜାଣିଛି ଯେ, ଆମେ ଲୋକଙ୍କ ପାଇଁ କଣ କରୁଛୁ । ବିରୋଧୀ ଜନତାଙ୍କ ଆତ୍ମବିଶ୍ୱାସ ଭାଙ୍ଗିବାକୁ ବିଫଳ ପ୍ରୟାସ କରୁଛନ୍ତି । ଆଜି ଭାରତକୁ ବିଦେଶରୁ ନିବେଶ ଆସୁଛି । ଆଜି ଭାରତ ସବୁକ୍ଷେତ୍ରରେ ଆଗକୁ ବଢିଛି । ଆଜି ଗରିବ ଲୋକ ମନରେ ନିଜ ସ୍ୱପ୍ନ ପୂରଣ କରିବାର ହକ ପାଇଛି । ଭାରତ ଅତି ଗରିବିକୁ ଶେଷ କରିସାରିଛି ଯାହା ଆଇଏମଏରେ ପ୍ରକାଶିତ । WHO କହିଛି ଯେ, ଜଳ ଜୀବନ ଯୋଜନାରେ ୪ଲକ୍ଷ ଲୋକଙ୍କ ଜୀବନ ବଞ୍ଚିଛି । WHO ଏକଥା ମଧ୍ୟ କହିଛି ଯେ, ସ୍ୱଚ୍ଛ ଭାରତ ମିଶନରେ ୩ ଲକ୍ଷ ଜୀବନ ବଞ୍ଚିଯାଉଛି । ୟୁନିସେଫ କହିଛି ଯେ, ସ୍ୱଚ୍ଛ ଭାରତ କାରଣରୁ ଗରିବଙ୍କର ୫୦ ହଜାର ଟଙ୍କା ବଞ୍ଚୁଛି । ଯାହା ବିପକ୍ଷ ଦଳକୁ ଅବିଶ୍ୱାସ ହେଉଛି । ୨୦୨୮ରେ ଯେବେ ଆପଣ ଅବିଶ୍ୱାସ ପ୍ରସ୍ତାବ ନେଇକି ଆସିବେ ସେତେବେଳେ ଦେଶ ୩ ନମ୍ୱର ଥିବ ।

ପୂର୍ବରୁ ବୁଧବାର ଦିନ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବିରୋଧୀଙ୍କୁ ଜବାବ ଦେଇଥିଲେ । ମଣିପୁର ହିଂସାକୁ ନେଇ ଅମିତ ଶାହା ଏହା କହିଥିଲେ ଯେ, ସେ ମଣିପୁରରେ ହୋଇଥିବା ହିଂସାକୁ ଲଜ୍ଜାଜନକ । ଏହା ଉପରେ ରାଜନୀତି କରିବା ଆହୁରି ଲଜ୍ଜାଜନକ । ଆଜି ମଧ୍ୟ ଲୋକସଭାରେ ବିରୋଧୀଙ୍କ ପ୍ରଶ୍ନର ଉତ୍ତର ମିଳିଛି । ପିଏମଙ୍କ ଭାଷଣ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ଭାଷଣ ଦେଇଥିଲେ ସେ ବିରୋଧୀଙ୍କୁ ନିଜ କଥାରେ ଟାର୍ଗେଟ କରିଥିବା ଦେଖିବାକୁ ମିଳିଥିଲା । ସେହିପରି ଲୋକସଭାରେ ଜ୍ୟୋତିରାଦିତ୍ୟ ସ୍କିଣ୍ଡିଆ ନୋ-ଆତ୍ମବିଶ୍ୱାସ ଗତି ବିରୁଦ୍ଧରେ କହିଥିଲେ ଯେ, “ କଂଗ୍ରେସ ଯେତେବେଳେ ଭୋଟ୍ ବ୍ୟାଙ୍କ ରାଜନୀତିରେ କଂଗ୍ରେସ ବେଆଇନ ବିଦେଶୀମାନଙ୍କୁ ସମାଧାନ କରିବା ଆରମ୍ଭ କଲା ସେତେବେଳେ ଉତ୍ତର ପୂର୍ବର ସମସ୍ୟା ଆରମ୍ଭ ହୋଇଥିଲା। ମଣିପୁରରେ ଗତ ନଅ ବର୍ଷ ସବୁଠାରୁ ଶାନ୍ତିପୂର୍ଣ୍ଣ ଥିଲା ବୋଲି ଜ୍ୟୋତିରାଦିତ୍ୟ ସ୍କିଣ୍ଡିଆ କହିଥିଲେ ।

ପ୍ରଧାନମନ୍ତ୍ରୀଙ୍କ କଥା ଶୁଣିବା ପାଇଁ ଲୋକସଭା ଗ୍ୟାଲେରୀ ଭରପୂର ରହିଥିଲା । ବିଜେପି ରାଜ୍ୟସଭା ସାଂସଦମାନେ ମଧ୍ୟ ଗ୍ୟାଲେରୀ ମଧ୍ୟରେ ଉପସ୍ଥିତ ରହିଥିଲେ । ବିରୋଧୀ ଦଳ ମୋଦୀ ସରକାରଙ୍କ ବିରୋଧରେ ଏକ ଆତ୍ମବିଶ୍ୱାସ ପ୍ରସ୍ତାବ ଆଣିଛନ୍ତି। ଆଜି ଲୋକସଭାରେ ଏହା ଉପରେ ଆଲୋଚନାର ଶେଷ ଦିନ ରହିଥିଲା । ପୂର୍ବରୁ ମଙ୍ଗଳବାର ଦିନ ଏହାର ବିତର୍କ ଆରମ୍ଭ ହୋଇଥିଲା। ଶାସକ ଦଳ ତଥା ବିରୋଧୀ ଦଳର ବରିଷ୍ଠ ସାଂସଦମାନେ ଆଲୋଚନାରେ ନିଜର ମତ ରଖିଛନ୍ତି । ସମଗ୍ର ଦେଶରେ ଜନସାଧାରଣଙ୍କ ଦୃଷ୍ଟି ରହିଥିଲା ଆଜିର ପିଏମଙ୍କ ଅଭିଭାଷଣ ଉପରେ ।

ଲୋକସଭାରେ ବୁଧବାର ହୋଇଥିବା ଆଲୋଚନାରେ କଂଗ୍ରେସ ସାଂସଦ ରାହୁଲ ଗାନ୍ଧୀ ମଧ୍ୟ ଭାଗ ନେଇଥିଲେ। ସେ ନିଜ ମତରେ ଏହା କହିଥିଲେ ଯେ, ପ୍ରଧାନମନ୍ତ୍ରୀ ମଣିପୁର ଗସ୍ତ କରିନାହାଁନ୍ତି କାରଣ ସେ ଏହି ଉତ୍ତର-ପୂର୍ବ ରାଜ୍ୟକୁ ଦେଶର ଏକ ଅଂଶ ଭାବରେ ଗ୍ରହଣ କରୁନାହାଁନ୍ତି। ବିଜେପି ସାଂସଦ ରାଜବର୍ଦ୍ଧନ ସିଂ ରାଠୋର ଲୋକସଭାରେ କହିଛନ୍ତି ଯେ, ଗତ ୬୦ ବର୍ଷ ମଧ୍ୟରେ ସେମାନେ ଦେଶ ପାଇଁ ଯାହା କରିପାରିନଥିଲେ ତାହା ମାତ୍ର ୯ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ଏହା କରି ଦେଖାଇଛନ୍ତି।