Odisha News: କାହିଁକି ବିବାଦରେ ମୟୂରଭଞ୍ଜ ଜିଲ୍ଲାପାଳ ଓ ଏସପି?

Odisha News: ବିବାଦରେ ମୟୂରଭଞ୍ଜ ଜିଲ୍ଲାପାଳ ଓ ଏସପି । ମୟୂରଭଞ୍ଜ ଜିଲ୍ଲାପାଳ ଓ ଏସପିଙ୍କ ଟି-ସାର୍ଟରେ ନବୀନଙ୍କ ଫଟୋ (Naveen Patnaik photo on sp and Collector t shirt) । ଯାହାକୁ ନେଇ ବିବାଦରେ ଫସିଛନ୍ତି ଏହି ଦୁଇ ସରକାରୀ ବାବୁ। ଟି- ସାର୍ଟ ପିନ୍ଧି ଦୁଇ ବାବୁ ଏକ ସରକାରୀ କାର୍ଯ୍ୟକ୍ରମରେ ଯୋଗ ଦେଇଥିଲେ। ଆଉ ଏହି ଦୁଇ ବାବୁ ଙ୍କ ଫଟୋ ବର୍ତ୍ତମାନ ସୋସିଆଲ ମିଡି଼ଆରେ ଭାଇରାଲ୍ ହେଉଛି ।

Odisha News: ବିବାଦରେ ମୟୂରଭଞ୍ଜ ଜିଲ୍ଲାପାଳ ଓ ଏସପି (Mayurbhanj AND Collector) । ମୟୂରଭଞ୍ଜ ଜିଲ୍ଲାପାଳ ଓ ଏସପିଙ୍କ ଟି-ସାର୍ଟରେ ନବୀନଙ୍କ ଫଟୋ (Naveen Patnaik photo on sp and Collector t shirt) । ଯାହାକୁ ନେଇ ବିବାଦରେ ଫସିଛନ୍ତି  ଏହି ଦୁଇ ସରକାରୀ ବାବୁ।  ଟି- ସାର୍ଟ ପିନ୍ଧି ଦୁଇ ବାବୁ ଏକ ସରକାରୀ କାର୍ଯ୍ୟକ୍ରମରେ ଯୋଗ ଦେଇଥିଲେ। ଆଉ ଏହି ଦୁଇ ବାବୁ ଙ୍କ ଫଟୋ ବର୍ତ୍ତମାନ ସୋସିଆଲ ମିଡି଼ଆରେ ଭାଇରାଲ୍ ହେଉଛି ।  ଆଉ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ (MP Aparajita Sarangi) ମଧ୍ୟ ଦୁଇ ବାବୁଙ୍କ ଏହି କାର୍ଯ୍ୟକୁ ନିନ୍ଦା କରିଛନ୍ତି। 

ସୂଚନା ଅନୁସାରେ, ମୟୂରଭଞ୍ଜରେ ରବିବାର ଦିନ ଏକ 'ଆଦି ମାରାଥନ' କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ମାରାଥନ କାର୍ଯ୍ୟକ୍ରମରେ  ମୟୂରଭଞ୍ଜ ଏସଡିସି ଡ. ଦେବାଶିଷ ସାମନ୍ତରାୟଙ୍କ ସମେତ ହକି ଇଣ୍ତିଆର ସଭାପତି ଦିଲ୍ଲୀପ ତିର୍କି,  ମହିଳା ଓ ଶିଶୁ ବିକାଶ ମନ୍ତ୍ରୀ ବାସନ୍ତୀ ହ୍ରେମ୍ବ୍ରମ୍ , ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସୁଦାମ ମାରାଣ୍ତି ଙ୍କ ସମେତ ରାଜ୍ୟସଭା ସାଂସଦ ମମତା ମହନ୍ତ , ମୟୂରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ ଓ ଏସପି  ବି. ଗଙ୍ଗାଧର ପ୍ରମୁଖ ଯୋଗ ଦେଇଥିଲେ। ତେବେ, ଏହି କାର୍ଯ୍ୟକ୍ରମରେ ଦେଖିବାକୁ ମିଳିଥିଲା ଯେ, ମଞ୍ଚ ଉପରେ ବସିଥିବା ଜିଲ୍ଲାପାଳ ଓ ଏସପିଙ୍କ ପିନ୍ଧିଥିବା ଟି-ସାର୍ଟରେ ମୁଖ୍ୟମନ୍ତ୍ରୀଙ୍କ ଫଟୋ ରହିଛି । ଯାହାକୁ ନେଇ ସାଂସଦ ଅପରାଜିତା ଷଡଙ୍ଗୀ ଏକ ଟ୍ୱିଟ୍ କରିଛନ୍ତି ।

ସେ ଟ୍ବିଟ୍ ରେ ଏହା ଉଲ୍ଲେଖ କରିଛନ୍ତି ଯେ,  ଏହା ଅତ୍ୟନ୍ତ ଦୁର୍ଭାଗ୍ୟଜନକ ଓ ହାସ୍ୟାସ୍ପଦ ଘଟଣା ।  ସରକାରୀ ଅଧିକାରୀ ହୋଇ ନିୟମ ଉଲ୍ଲଙ୍ଘନ କରୁଛନ୍ତି ।  ସରକାରୀ ଅଧିକାରୀ ହୋଇ କିଭଳି ନବୀନ ଫଟୋ ଥିବା ଟି-ସାର୍ଟ ପିନ୍ଧିଲେ ଦୁଇ ଅଧିକାରୀ ।  ନବୀନ ପଟ୍ଟନାୟକ ରାଜ୍ୟର ମୁଖ୍ୟମନ୍ତ୍ରୀ ସହିତ ବିଜେଡିର ସୁପ୍ରିମୋ ଅଟନ୍ତି । ଜିଲ୍ଲାପାଳ ଜିଲ୍ଲାର ସବୁଠୁ ବଡ ଅଧିକାରୀ ଅଟନ୍ତି । ସେ କିଭଳି ନିଜ ଦାୟିତ୍ବ ଭୁଲି ଯାଉଛନ୍ତି । ଏକ ସରାକାରୀ କାର୍ଯ୍ୟକ୍ରମରେ ନବୀନ ଫଟୋ ଥିବା ପୋଷାକ ପିନ୍ଧିବା କେତେ ଯୁକ୍ତିଯୁକ୍ତ ବୋଲି ସେ କହିଛନ୍ତି।