ନୂଆଦିଲ୍ଲୀ: Pakistan Railways: ଆଜିକାଲି ପାକିସ୍ତାନ (Pakistan) ରେ ଅନେକ ଜିନିଷକୁ ନେଇ ହଇଚଇ ଦେଖାଦେଇଛି । ନିକଟ ଅତୀତରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ (Imran Khan) ସମେତ ଶାସକ ଦଳ ପାକିସ୍ତାନ ମୁସଲିମ ଲିଗ-ନୱାଜ (Pakistan Muslim League-Nawaz) ର ଅନେକ ନେତାଙ୍କ ଓ ପ୍ରଧାନମନ୍ତ୍ରୀ କାର୍ଯ୍ୟାଳୟ (PMO Pakistan) ର ଅଡିଓ ଲିକ୍ ହୋଇଥିଲା । ଯାହା ପରେ ଏହି ପ୍ରସଙ୍ଗରେ ବହୁତ ହଇଚଇ ସୃଷ୍ଟି ହୋଇଥିଲା । ବର୍ତ୍ତମାନ ପାକିସ୍ତାନ ରେଳବାଇ ( Pakistan Railways) ର ଟିକେଟ୍ ସିଷ୍ଟମ ହ୍ୟାକ୍ କରିବା ନେଇ ଚର୍ଚ୍ଚା ଚାଲିଛି । ଏଠାରେ ଟିକେଟ୍ ସିଷ୍ଟମ ହ୍ୟାକ୍ କରାଯାଇଥିଲା ଓ ଏହାର ଟେକ୍ସଟ୍ ପରିବର୍ତ୍ତନ କରାଯାଇଥିଲା ।


COMMERCIAL BREAK
SCROLL TO CONTINUE READING


ଏକ ମିଡିଆ ରିପୋର୍ଟ ଅନୁଯାୟୀ, ପାକିସ୍ତାନର ଟିକେଟ୍ ସିଷ୍ଟମ୍ ହ୍ୟାକ୍ ହୋଇଛି । ସେପ୍ଟେମ୍ବର ୩୦ ଶୁକ୍ରବାର ଜଣେ ହ୍ୟାକର୍ ରେଳ ଟିକେଟ୍ ସିଷ୍ଟମକୁ ହ୍ୟାକ୍ କରିଥିଲା । ଏହା ପରେ ସେ ଏହାକୁ ଏପରି ଭାବେ ପ୍ରସ୍ତୁତ କଲେ ଯାହା ଦ୍ୱାରା 'ଏସି ଶ୍ରେଣୀରେ ସେକ୍ସ ସେବା ଉପଲବ୍ଧ ଅଛି' ବୋଲି ଟିକେଟରେ ପ୍ରିଣ୍ଟ ହେଉଥିଲା । ଏହାକୁ ନେଇ ସ୍ଥାନୀୟ ଟ୍ରେନରେ ଯାତ୍ରା କରୁଥିବା ଯାତ୍ରୀମାନେ ରେଳବାଇ ଦ୍ୱାରା ଏହି 'ସୁବିଧା' ଯୋଗାଇ ଦେଖି ଆଶ୍ଚର୍ଯ୍ୟ ହୋଇଗଲେ ।


ଯେତେବେଳେ ଲୋକମାନେ ଟିକେଟରେ ଏପରି ଲେଖା ଦେଖିଲେ, ସେମାନେ ଅସନ୍ତୋଷ ପ୍ରକାଶ କରିଥିଲେ । ପ୍ରକାଶ ଥାଉକି, ଯେତେବେଳେ ‘ଏସି କ୍ଲାସରେ ସେକ୍ସ ସର୍ଭିସ ଉପଲବ୍ଧ’ ଅନେକ ଟିକେଟ୍ ନୋଟିସକୁ ଆସିଲା, ଯାତ୍ରୀମାନେ ଟିକେଟ୍ ବୁକିଂ ଅଫିସରେ ଏକ ହଙ୍ଗମା କରି ବିରୋଧ କରିଥିଲେ । ଯାତ୍ରୀମାନେ ଏ ବିଷୟରେ ରେଳ ଟିକେଟ୍ ପରିଚାଳନାକୁ ମଧ୍ୟ ସୂଚନା ଦେଇଥିଲେ । ଏହା ପରେ ରେଳବାଇ ଏହାର ଟିକେଟ୍ ସିଷ୍ଟମରେ ସୁଧାର ଆଣିବା ଆରମ୍ଭ କରିଥିଲା, କିନ୍ତୁ ସବୁକିଛି ଠିକ୍ ହେବା ପୂର୍ବରୁ ଏହି ପାକିସ୍ତାନ ରେଳ ଟିକେଟ୍ ସୋସିଆଲ ମିଡିଆରେ ଭାଇରାଲ ହୋଇଥିଲା ।


ଅଧିକ ପଢ଼ନ୍ତୁ:-ଖୁସି ଖବର: ପାର୍ବଣ ଋତୁରେ ସୁନା ହେଲା ବହୁତ ଶସ୍ତା ତ ରୁପା ମୂଲ୍ୟରେ ବି ହ୍ରାସ


ଅଧିକ ପଢ଼ନ୍ତୁ:-ଟି-୨୦ ବିଶ୍ୱକପରେ ରବିନ୍ଦ୍ର ଜାଡେଜାଙ୍କ ଅଭାବ ପୂରଣ କରିପାରିବେ ଏହି ବୋଲର, ଚହଲ କହିଲେ ନାମ


ଅଧିକ ପଢ଼ନ୍ତୁ:-ପ୍ରବଳ ବର୍ଷାରେ ବି ଚାଲୁଛନ୍ତି ରାହୁଲ ଗାନ୍ଧୀ, ଡିକେ ଶିବକୁମାରଙ୍କ ସହ ଦୌଡ଼ିଲେ କଂଗ୍ରେସ ନେତା



ପାକିସ୍ତାନୀ ସାମ୍ବାଦିକ ହମିଦ ମୀର ଏ ବିଷୟରେ ଟ୍ୱିଟ୍ କରି କହିଛନ୍ତି ଯେ, "ଟିକେଟରେ ଉଲ୍ଲେଖିତ ସୁବିଧାଗୁଡିକର କାରଣ ହେଉଛି ଗତକାଲି ଥାଲ୍ ଏକ୍ସପ୍ରେସର ଟିକେଟ୍ ସିଷ୍ଟମ୍ ହ୍ୟାକ୍ ହୋଇଥିଲା । ଏହି ସିଷ୍ଟମ୍ ଏକ ଘରୋଇ କଣ୍ଟ୍ରାକ୍ଟର ପାଖରେ ଅଛି । ରେଳ ଟିକେଟ୍ ସିଷ୍ଟମ ହ୍ୟାକ୍ ହୋଇଥିଲା କିନ୍ତୁ ବର୍ତ୍ତମାନ ଏହାକୁ ହ୍ୟାକରଙ୍କ ଠାରୁ ମୁକ୍ତ କରାଯାଇଛି ।"